ساعدوني ياجميلات منتدى حوامل َََ

[بسمة طفلة]

السلام عليكم حبيباتي ..

اشلونكم شخباركم ان شاءالله طيبين وحملكن طيب وسهالات .. ارجو منكم مساعدتي لأني مرة مرة تعبانه وزهقانه وابي مشورتكم انا حامل في الشهر السابع وعرس اخوي قرب بعد 50 يوم والله ماسويت شي ولا شريت شي وابغى أفصل فستان حلو وأنيق وبكم طويل وبعد بشتري حق الحفلات والعزايم الي بعد العرس وعندي بعد زواجات صديقتي وبنت خالتي والأخيرة راح اتكون عندكم بالرياض وانا والله ماعرف بالسوق ولا أحب الدوارة كثير لأني حامل واتعب بسرعة ..

السؤال وين أحسن خياط فساتين في الخبر والدمام واحلى الموديلات الي ممكن يسوونها لأنه في فستان من مجموعة ايلي صعب 2013 مرة عاجبني وابغى القطعة مع التفصيل بس وين تنصحوني؟؟

وبعد وين أحلى الأكسسوارات وفساتين الحوامل الناعمة باي مجمعات في الخبر والدمام والرياض؟؟
بليز خواتي الجميلات علموني وساعدوني مابقى وقت .. ويعطيكم الف عافيه وعقبال الصبايا وتفرحووون بغاليكم يارب ..

[ريناس ,]

شوفي أنا مو من الشرقية ولا الرياض , بس بالشرقية سمعت عن مجمع فينيسيا بالخبر و أن فيه محلات حوامل و ما أعرف غير كذا والله


ربي يسخر لك من تفيدك يااارب