ارجو الرد

[نـــوال]

السلام عليكم انا مشكلتي ولدي عمره 19سنه له 7شهور تقريبا وانا اشوف جسمه فيه اثار جروح كثيره كل ماساله يقولي مالك دخل ولدي مره مايحترمني ولايحترم ابوه عصبي مره ولايبتسم دايم زعلان ولاياكل الا بالغصب والنوم ماينام الا بحبوب منومه انا ابغا افهمه وابوه بعد لاكن مافي امل احيانا يطلع من البيت مايرجع الا بعد ثلاث ايام ويقفل جواله ولما يرجع نساله وين كنت وليش قافل جوالك يقول لا احد يدخل باسوي الي ابغاه واحيانا يقعد في غرفته مايطلع منها بالايام مانشوفه مع انه هو ولدي الوحيد ومو قاصر عليه اي شي ومهتمين فيه ماعندنا الا هو امس اسولف معه واقوله حرام تسوي في نفسك كذا وتجرح جسمك قالي ماقدر مارتاح قلت له يمكن تجرح نفسك وتقطع شريان تنزف وتموت قال ياليت سالته قولي وش الي يخليك تسوي كذا عندك مشكله او فيك شي مايرد علي راح ابوه يسال اخوياه عنه يمكن يعرفون شي يقولون اصلن مايجي الا قليل الفتره الاخيره نفسيته صايره سيئه يبكي ولا ينام زين قلت له خلاص لاتقولنا اي شي بس باخلي اي شخص انت ترتاح له تقوله كل الي بخاطرك قالي لا مابغاء انا مدري وش اسوي فيه حتى ابوه عجز معاه انا خايفه لايسوي شي في نفسه

[Asoøoma]

الله يصبر قلبك حبيبتي ويكون بعونك ذكرتيني باخوي لما كان بعمره يسوي كذا ومايصلي لان مراهقته كانت قويه حبيبتي وديه طبيب نفسي وقبل كل شي الجئي لرب العالمين سبحانه بالثلث الاخير من الليل قولي الكلام الي قلتيه لربك سبحانه احنا بشر مافي يدنا شي غير ندعيلك اطلبي ربي بسجودك ابكي بحرقه وادعي الله مايردك والله مايردك وراح تشوفي ساعدي ولدك بالدعاء وخذي بالاسباب راجعي طبيب لو انكم تغصبونه صادقي ولدك ابكي عنده لين يحن عليك ويقولك وش فيه اخوي لما صار عمره 19سنه تحسن وذحين الحمدلله اخلاقه حلوه ومزوح ووتوظف وعمره 19فشركه اقنعه زوجي لان الجامعه ماقبلته ومررره متحسن وسجل بالنادي صار واحد ثاني امي تدعيله واحنا كمان لين ربي هداه وصار يصلي بعد حبيبتي اصحي من نومك وادعي تحري اوقات الاجابه وادعي وتوكلي ع ربك وخلي عندك يقين ان ربي مايردك الله يحنن قلبه ويردله صوابه ويهديه ويقر عينك ببره لك ولابوه اميييييين

[حلوة البنات]

الله يعينك حبيبتي

بس حاولي تتقربي من ولدك اكثر

و قولي له ايش تبغى نطلع نروح مكان مع بعض


جربي يوم اطلعي انتي و ابوه معه البحر او حديقه او اي مكان


و حاولي انك تدعي له حبيبتي


مابي اخوفك بس الاعراض اللي في ولدك خطره يا عمري


و لحقي ولدك يالغاليه و لا تخليه يروح من عندك

[قــــــــــمر]

الله يعينك ياقلبي ويعين زوجك
ابي انصحك ياقلبي تتقربين له اكثر وبنفس الوقت ماتبينين له انك تتقربين له عشان
بس تعرفين وين يروح والآ ليش صاير له كذآ انا عارفه ان قلبك محروق وخايفة عليه
بس هو مو حاس هذي المشكلة عشان كذا ابدئي من الحين تتقربين له مثلا اذا صارت لك مشكلة وتبغين تسالين احد عنها لو مشكلة تافهة ادخلي عليه وقولي ياحبيبي صارت لي مشكلة مع وحده (مثلا) وهكذا وتسالينه ايش المفروض اسوي شراايك او هل تتوقع انها قاصده وهكذا ولما تخلصين هو بيعطيكي رايه قولي خلاص اوك مشكور حبيبي واطلعي ودايما ابتسمي له بسبب ولا بدون سبب وشاوريه باشياء كثير والصبح قبل لايروح الدوام اساليه ايش مشتهيه تتغدا اليوم او فيه فلم بيجي الساعه الفلانية وجيبوا مطعم واكلوا مع بعض طبعا نفس الشي ابوه اذا ظبطت معك خليه يجرب وهكذا خوذي الامور ببساااطة ولآ كان فيه شي صاير بعدها باسبوعين ابدائي قولي له اذا بتطلعين مكان بروح للمكان الفلاني طبعا مو ضاروري بس عشان هو يمكن يبداء يستحي ويقولك وين يروح واهم اهم اهم شي والله مافيه شي مثل الدعاء ادعي بكل وقت واذا صار شي كويس قولي الحمدلله كثيرا واخر شي هو ولدك حياتك وبتتعذبي عليه خصوصا انوه ولد وبيطلع مامعه احد مو مثل البنت واهم الشي الصبر حتى لو عاد الكره عشرين مره اصبري لك اجر والي يصير كاتبة الله وانصحية بالصلاة اذا مو ملتزم بالصلاة.
ادري كلامي كثير بس حاسة فيكي ياقلبي . الله يعينك يآرب ويهدية .

[حبي للقصيم]

ولدك عنده مرض نفسي ..
ولازم تودينه طبيب نفسي ...

[ساعة صمت]

مفروض توديه لدكتور
مب ع كيفه يقول ما اريد
هذي حياه روح وهو مسول عنها
وجالس يعذب نفسه ويعذبكم

والله ححرام اللي جالس يعمله بنفسه
اكيد في صدمه قويه تعرض لها وخلاه بهالطريقه

لازم تلحقي ع ولدج

والله يهديه