الله يخليكم أدعو ل بنتي و ساعدوني اذا عندكم حل

[beshoo]

السلام عليكم بدخل بالموضوع
بنتي عمرها سنه و 7 شهور
لها اسبوع مريضه و مات اكل شي
في البدايه كانت حراره و احتقان
بعدين صار عندها جروح تخوف منتشره بكل فمها
و مستحيل تأكل منها لا اكل ولا ادويه
و الله تعبت منهاا هي تبكي و انا ابكي معاها
تتألم مرا منها تمسكني تضمني و ترمي بنفسها على الارض من الألم
و طول الوقت تبكي
ما خليت شي ما جربته و ماخليت مستوصف ما رحلته
ما في شي نفع
اليوم شربتها شوية مره بالغصب شربتها


اي احد عنده فكرا او جرب شي لهذي المشكله يساعدني


تكفون أدعو ل بنتي و الله مرا تعقدت منهاا

[ربي ما أكرمك]

اسأل الله الكريم رب العرش العظيم ان يشفي ابنتك ....لكن ضروري تعرضيها على استشاري متخصص في امراض الاطفال ما دام الوضع لم يتحسن مع الوقت ممكن تكون تحتاج ابر مضاد ويكون الي في فمها مجرد التهاب

[beshoo]

اشكرك حبيبتي

انشاء الله راح اوديها للمره المليون
و الله يا عمري عليها صارت عظم على جلد عكس قبل
كله من هال الام الله يشفيهااااااا ياااااارب

[دلوعه عبدالله]

انتي من وين ياقلبي

اذا من الشرقيه فيه عياده الدكتور باقر العوامي في القطيف سمعت ان بنت خاله زوجي جاتها نفس هالحاله وماعرف لها الا الدكتور باقر العوامي

[beshoo]

لا انا من الرياض مشكوره حبيبتي

[مشاعل الدوسري]

الحراره و الاحتقان
تسبب انعدام في الشهيه .. في الاغلب عند الأطفال كلهم بتستمر الى 3 اسابيع ..

لكن سالفة البقع اللي بفمها لازم تعرفين شنو فيها بلضبط ..
و تجبرينها على الدواء خلي حد يمسك ايدها و يثبتها و انتي سدي انفها و غصب راح تشرب الدواء ..

[wody]

حبيبتي الله يشفيها لك ان شاءالله بالنسبه للبقع هذا اسمه هربس اختي جاها كذا ومحد عرف لها الا دكتوره بمستوصف دينا بالجبيل اتوقع عطتها المرهم الي فيه خط ازرق و رسمة اسد وعلى طول راح وحاولؤ تعقمين الملاعق والكاسات الي تشرب فيهم

[قلبي يهواك]

الله يشفيه ويخليها لك

[عيش الحياة]

اختي لا تخافي ويارب يشفيها من كل شر

غالبا الاطفال بعد السخونة يطلع طفح في الجلد او داخل الفم وهذا بسبب السخونة ويروح بعد فترة من العلاج

ولدي اختي بعد ما سخن طلع له حبوب بفمو واعطاه الدكتور مرهم والحمد لله خف

في مرهم بصيدليه خاص بفطريات والتهاب اللي داخل الفم اسمو دكتارين يوضع بعد الرضعة باصبعك تدهني كل الفم وان شاء الله فترة ويخف واهم شي قبل النوم عشان يأخذ الدواء مفعولو بشكل اسرع وقت النوم

واحتمال تحتاج لمضاد اذا ما خفت اعرضيها على استشاري اطفال افضل اذا ماخفت

بالنسبة للأكل الله يكون بعونك اكليها زبادي واشياء سايلة بس ماتكون ساخنة او باردة

[om aseel]

الله يشفيها يارب ويبعد عنها العين والمرض


اعرضيها تانى وتالت وعاشر لغاية اما تلاقى حل لمشكلتها وربنا يشفيها يارب

وطمنينا عليها وان شااء الله تبقى كويسة ...~