هل انا حامل .. الفحص المنزلي خط و نص !

[ماشتي]

مرحبااا للجميع
سجلت في منتداكم و مسورة جدا اني اكون واحدة منكن

عم بمر بحالة معينة هالفترة و لاحظت انه كتاااار منكن مرت وما زلن يمررن فيها

و حبيت استفيد من خبرات الموجودات هون

انا متزوجة من 4 شهور
و اخر دورة كانت في 2-9
يعني بتوقع دورتي موعدها بكرة او بعده .. دورتي الشهرية غير منتظمة
عملت خلال 4 ايام 10 فحوصات حمل منزلية و كانت النتيجة واحدة !! خط و نص
يعني الخط الثاني خياااال يا دوبو مبين
امبارح تفاجأت لاول مرة انه ما في غير خط واحد
امااليوم رجع ظهر الخط الثاني خياااااال يا دوب باين
انا في حيرة من امري
بليز حد يساعدني
نزل عليي افرازات بيضااااء امبارح
و عندي حكة و نبض بفتحة المهبل
اليوم الافرازات تحول الى صفراء
صدري بوجعني و زاد حجمه و اسفل ظهري في نقطة واحدة بتوجعني
حاسة بعصبية و توتر مش طبيعيين
الفحص المنزلي شوش عقلي ... لانه الخط الثاني كان يظهر قبل الدورة باسبوع غير واضح و بعدين اختفى و بعدين رجع ظهر خياه اليوم !! حد منكم حصل معه متلي ؟؟؟
يا ريت الي عندها خبرة تفيدني انا كتير قلقانة وزوجي متعشم كتير و بحكيلي انا حاسس انك حامل

[بنت صيدا]

احسن حل الك انك تعملي تحليل دم
والمشكله انه دورتك مش منتظمه زي ما عم تقولي يعني ما بتقدري تعرفي هل هي متأخره عليكي او لا
من شان هيك اعملي تحليل دم وروحي عند دكتوره بالحالتين
لو حامل رح تتابعي معا الحمل
لو مش حامل خليها تنظملك دورتك
وابقي طمنينا ان شاء الله عليكي

[ماشتي]

المشاركة الأصلية كتبت بواسطة بنت صيدا

احسن حل الك انك تعملي تحليل دم
والمشكله انه دورتك مش منتظمه زي ما عم تقولي يعني ما بتقدري تعرفي هل هي متأخره عليكي او لا
من شان هيك اعملي تحليل دم وروحي عند دكتوره بالحالتين
لو حامل رح تتابعي معا الحمل
لو مش حامل خليها تنظملك دورتك
وابقي طمنينا ان شاء الله عليكي

شكرا كتيييير على الاهتمام و الرد
انا دورتي غير منتظمة لكن عمرها ما غابت عني اكتر من 26 يوم
وبفحص الدم ما في شي ببان لسه
لكن بالنسبة لفحص المنزلي هو الي شتت تفكيري ... ممكن يكون خاطيء !! كررته 10 مرات و كان موجود ظل الخط التاني و لما اتركه بعد ساعات الاقي الخط صار اغمق و اوضح
يا ربي !

[بنت ابويه]

اصبري اسبوع وروحي اعملي تحليل دم وان شاءالله حامل

[ماشتي]

مشكورين الله يسعد قلوبكم

[لولو الفلسطينية]

اذا الخط الثاني كان فاتح معناها ممكن حامل و هرمون الحمل لسا قليل و ما كان الخط واضح
انا من رأيي حللي دم افضل و اضمن عشان ترتاحي و التحاليل المنزلية مش دائما دقيقة يعني توكلي على الله و حللي دم و طمنينا

[بنت صيدا]

التحليل بكون على حسب المده اللي مكتوب عليه
وعادة بتكون شي 3 او 4 دقايق وممكن توصل 7 دقايق
لكن الخط اللي يظهر بعد ساعات رح يكون احتمال كبير خط وهمي ما يعتمد عليه

[ماشتي]

شو ما صار معي رح اتواصل معي
تسلمولي يا رب

[أصآآيل]

ما شاء الله دام طلع لك خط ثاني باذن الله حااامل


انتظري كم يوم وحللي من جديد والا استخدمي جهاز كلير بلو هو دقققيق مره



الله يطمنك وينولك الي تتمني

[فروووحه a]

يارب تكوني حااامل وتبشرينا