الدارسين .. ؟؟

[om3li]

بغيت استفسر عن الدارسين
هل مفعوله سريع للولادة .. ؟؟
ياريت تفيدوني اكثر عن الدارسين
مع العلم صارلي اسبوع بالتاسع وكم يوم

[الحب لك وحدك]

اهلين فيك حبيبتي
انصحك وعن تجربه
لا تشربين دارسين ولا غيره
شربت دارسين كوب واحد بس وسبب لي مضاعفات والحمد لله طلعت انا والبيبي بخير
او ل شي جاااب لي نزيف بدايه الطلق
تبين شي يحمي الطلق وماياثر
امشي بس لاتجهدين نفسك لانك لاتعبتي روحك بالمشي راح يتعب جنينك وتقل دقات قلبه
واتمنى اني افدتك
وانشالله البنات اللي عنده معلومه يفيدك
تقبلي مروري يالغلا
دمتي بحفظ الله ورعايته
وانشالله تولدين طبيعي وتقومين بالسلامه انتي وطفلك اللهم امين

[om3li]

مشكووورة ياقلبي على مرورج
بس اهلي الكبار يقولولي اشرب دارسين واعشاب
الله يسمع منج اولد طبيعي واقوم بالسلامة انا والبيبي

[الحب لك وحدك]

لالا ابتعدي عن شي اسمه دارسين واعشاب
انتي روحتي المستشفى وش قالو لك؟؟

[om3li]

ليش اروح المستشفى ؟؟

[الحب لك وحدك]

شكلك مستعجله على الولاده
انتي تحسين بالم طلق
اذا ما تحسين ليه الدارسين والا عشاب
خليك عادي
عشان تولدين طبيعي

[om3li]

والله ليلحين مادري اذا الم طلق ولا لأ
لوووول
بس كل يوم يمر علي شكل من الالام
والله تعبت من الحمل :(
ووايد حايسة مع امتحانات الجامعة والدراسة
امتحانات الفاينل قربت ومو قادرة ادرس من
التعب

[الحب لك وحدك]

الله يكون بعونك
والله حاسه فيك
حمل وتعب ودراسه
شي متعب مرررررررة
دعواتي القلبيه لك بولاده يسيرة
وتوفيق بامتحاناتك
دمتي بود وسعاده

اذا بغيتي اي شي انا بالخدمه
اعتبريني مثل اختك

[om3li]

ماتقصرين حبيبتي فيك الخييير
والله يسهلك دربك ويوفقك

[الاميره المغروره]

الدارسين زين بس تاخذينه اذا جاك الطلق لانه بفتح الرحم
لانه دائما ينصحون فيه للي عندهم الام الدوره الشهريه لانه يفتح
الرحم وينزل دم الدوره اكثر
بس الحين لا انصحك لاتشربيه لانه بيفتح رحمك وانتي مافيك طلق
اذ حسيتي بالطلق شربيه والله يسهل علينا جميع يااارب
والله انا مثلك في الاسبوع الثاني من التاسع واحس اني تعبت وابي اولد
الله اعلم متى راح يطلعوا لدنيا الله يسهل علينا يااااااااااارب