الله يجزيكون الخير ردو عليي وانصحوني شو أعمل

[lolo loly]

السلام عليكم...انا جديدة بالمنتدى وحابة اسأل عن وضعي وياريت اذا بتقدرو تفيدوني بشي لا تبخلو عليي الله يوفقكون وييسرلكون أموركون انتو الكل...سؤالي للي عايشين بالرياض..انا حامل بالشهر السادس وهاد أول حمل الي وما عندي حدا من أهلي يعني لحالي انا وزوجي مشان هيك متلبكة اكتر...أول الحمل ما كان فيني شي بس من الشهر الخامس رحت فحصت كالعادة فالدكتورة بالتصوير بين معها انو الولدنازل كتير وعطتني مثبت وقالتلي لازم ارتاح وضليت عم آخد المثبت شهر مع رياحة بس ما طلع الولد ولسا نازل مشان هيك عندي احتمال ولادة مبكرة...وانا مشكلتي اني ما معي إقامة يعني انا قاعدة هون زيارة وبمدد...فإذا لاسمح الله صار ولادة مبكرة والولد بدو حضانة الدكتورة قالتلي انو كتير غاليين الحضانات وطبعا انا لاني ما معي تامين ...انا دكتورتي ما بتولد الا بالحمادي يعني اذا ولدت قبل التاسع مشكلة لانو بياخدو 5000 ريال عن كل يوم بالحضانة يعني انا مو مشكلتي سعر الولادة لاني هيك هيك بدي ادفع لانو ما في تأمين فانا سؤالي عن الضانات بالمشافي اذا بتعرفو كيف اسعارون واي احسن مشفى لاني لهلأ مابعرف لوين بدي روح اذا صار معي شي فجأة وما بعرف بالنظام هون انو كيف بيقبلوني بالمشفى ...ياريت اذا في وحدة عندها اي فكرة تساعدني لاني محتارة ومالي عرفانة شو بيصير معي ومابعرف وين بدي روح..واذا بتعرفو اذابيقبلوني بمدينة الملك فهد طبعا عالخاص لاني بدي ادفع ياريت تقلولي وشو لازم اعمل اذا اعتمدت بأي مشفى بدي ولد يعني لازم كون مراجعة عندون قبل مرة ولا عادي ايمتا مارحت بيقبلوني...وسؤالي الخير شو رأيكون بمشفى عبيد التخصصي لانو دكتورتي قالتلي روح عليه اذا صار معي شي لانو ارخص.. بس انا مو مرتاحتلو ...طولت عليكون ياريت تفيدوني والله يجزيكون الخير جميعا ويتمملكون على خير...

[**سماسم**]

إن شاء الله بنات الرياض يفيدونج ..
انا اعرف مستشفى الحماد ممتاز جداً واسعاااره شوي مرتفعه ..
وعندج مستشفى دله الكثير يمدحونه ..
مستشفى عبيد التخصصي اول مره اسمع فيه حتى قرايبي ماعمري سمعتهم تكلمو عنه ..
اكثر شيء عليه المدح مستشفى الحماد ودله ومن الحكومي اكيد الحرس الوطني وهذا الدخول له بشروط
والله يسهل عليج ويقومج انتي ونونو بالسلامه
,,

[lolo loly]

المشاركة الأصلية كتبت بواسطة **سماسم**

إن شاء الله بنات الرياض يفيدونج ..
انا اعرف مستشفى الحماد ممتاز جداً واسعاااره شوي مرتفعه ..
وعندج مستشفى دله الكثير يمدحونه ..
مستشفى عبيد التخصصي اول مره اسمع فيه حتى قرايبي ماعمري سمعتهم تكلمو عنه ..
اكثر شيء عليه المدح مستشفى الحماد ودله ومن الحكومي اكيد الحرس الوطني وهذا الدخول له بشروط
والله يسهل عليج ويقومج انتي ونونو بالسلامه
,,

شكرا الك عالرد والله ييسرلك امورك ويحققلك يلي بتتمني ويفرج عليكي وعليي وعلى جميع المسلمين يارب...حبيبتي ما عندك فكرة اذا بدي روح عالمشافي الحكومية بيستقبلوني اذا بالقسم الخاص لاني قرأت بكتير منتديات تجارب بنات وأغلبو بيقول انو لازم يكون الك ملف او محولة من مشفى تاني وبمدينة الملك فهد لازم يكون الك واسطة بس هاد الحكي متل ما فهمت للي بدها تدخل عن طريق التأمين فأنا بما اني مالي مقيمة فما معي تامين بيستقبلوني اذا عالخاص؟

[lolo loly]

يابنات أرجوكن يلي بتشوف موضوعي وعندا اي فكرة ياريت ما تبخل عليي والله اني مالي عرفانة شو بدي أعمل انا اصلا ما كنت ناوية ولد بالرياض وكنت بدي انزل ع سوريا بس الوضع هلأ كتير صعب وما حدا عم ينصحني بالنزلة وكلو بيقلي بيجوز ماتقدري توصلي للمشفى يعني فيها خطورة كتير الله يفرجها عليهون يارب وبنفس الوقت اهلي بسوريا ومالي قدرانة طلع حدا يضل معي وقت الولادة بالذات انو هي اول مرة الي يعني لازم يكون معي حدا وكنت بدي انزل عالأردن بس خايفة مايفوتوني لانو ما عم يرضو يستقبلو سوريين وعم يرجعو كتير عالم واذا ما استقبلوني ما عاد فيني ارجع عالرياض لانو بيصير بدي كرت زيارة مرة تانية وحتى الزيارات صايرة صعبة وزوجي بالواسطة بيطلعني ولا فيني فوت عالأردن واجباري بدي انزل عالشام وأهلي ما بدون ياني انزل لانو كتير متأزم الوضع مشان هيك قررت ضل هون....بآ الله يوفقكون يلي بتقدر تفيدني بشي لا تبخل عليي انا مابعرف بنظام المشافي هون مشان هيك عم اسأل والله يجزيها الخير ويجعلها بميزان حسناتها ويفرج همها يلي بترد عليي ويلي مابترد....الله يفرجها على المسلمين يارب....

[lolo loly]

معقول ما حدا بيقدر يفيدني بشي!!!!!!!!!طيب ما حدا بيعرف شي عن المشافي يلي عم اسأل عليها معقول!!!!!!!!!ولا وحدة عندها معلومات اذا انا قاعدة بكرت زيارة شو اجراءات دخولي لاي مشفى؟لا حول ولا قوة إلا بالله الله يصلح أحوالنا ويفرج على سوريا وأهلها وعالمسلمين بكل مكان

[نور منوره]

ياقلبي وربي ودي أفيدك بس ماني من سكان الرياض

لكن روحي للحرس الوطني في دكتوراه سوريه يمكن تقدر تساعدك اشرحي لها وضعك


اكيد راح تلقين احد يساعدك اهل سوريا كلهم في قلوبنا وربي معاكم ويساعدكم


انتي بنفسك روحي واسألي متأكده ان بتنحل مشكلتك بدون يارب ولا ريال تدفعين


يارب يكون معك ويبعث لك بنت او ابن الحلال الي يخدمك يارب

[شذا حداد]

والله عزيزتي انا صار فيي نفشس الشي بس انا بتبوك ومعي اقامة وعم يقولولي انو فيني جيب الماما او اي حدا هيك عم يقولو بس انت هلق صدمتيني انو ما عم يفوتو سوريين عالاردن ...برايي ازا اهلك بمنطقة شوي منيحة وفي ولادة مبكرة انزلي ع سوريا انا ما اقدرت انزل اهلي وبيت حمايي من حمص وما شجعوني ..وما عندي اي فكرة غير انو ارتاحي وارفعي رجليكي بركي الولد بيطلع وبتلدي طبيعي

[lolo loly]

المشاركة الأصلية كتبت بواسطة نور منوره

ياقلبي وربي ودي أفيدك بس ماني من سكان الرياض

لكن روحي للحرس الوطني في دكتوراه سوريه يمكن تقدر تساعدك اشرحي لها وضعك


اكيد راح تلقين احد يساعدك اهل سوريا كلهم في قلوبنا وربي معاكم ويساعدكم


انتي بنفسك روحي واسألي متأكده ان بتنحل مشكلتك بدون يارب ولا ريال تدفعين


يارب يكون معك ويبعث لك بنت او ابن الحلال الي يخدمك يارب

حبيبتي الله يوفقك ويفرج عنك وعنا ويرزقك بكل شي بتتمني...شكرا الك عالرد...وانا هيك رح أعمل يعني زوجي رح يروح ويسأل بكذا مشفى ومنشوف شو الوضع وانا ما همي تكلفة الولادة والله بس فعلا اسعار الحاضنات هي يلي بتكسر الضهر وانشالله الله ما يحيجني الها...

[lolo loly]

المشاركة الأصلية كتبت بواسطة شذا حداد

والله عزيزتي انا صار فيي نفشس الشي بس انا بتبوك ومعي اقامة وعم يقولولي انو فيني جيب الماما او اي حدا هيك عم يقولو بس انت هلق صدمتيني انو ما عم يفوتو سوريين عالاردن ...برايي ازا اهلك بمنطقة شوي منيحة وفي ولادة مبكرة انزلي ع سوريا انا ما اقدرت انزل اهلي وبيت حمايي من حمص وما شجعوني ..وما عندي اي فكرة غير انو ارتاحي وارفعي رجليكي بركي الولد بيطلع وبتلدي طبيعي

شكرا شذا على ردك ...الله يجزيكي الخير يارب...حبيبتي الحمد لله انو انتي مقيمة لانو ساعتها بتقدري تأمني انا لا اقامة ولا عم اقدر طلع حدا..وبالنسبة للمناطق هي صفيانة كلها نفس الوضع يعني انا اهلي بالشام ونفس الوضع وما بقيان ولا منطقة هادية ...وعلى كل حال انا الي شهر ونص مريحة بس الولد ما عم يطلع بس منقول انشالله الله كريم والله ما عم اتحرك بنوووب 24 ساعة آعدة ومتسطحة ومريحة والحمد لله على كل حال...بس يعني بدي اسألك لانو انا مابعرف بهي الامور واول مرة انو اذا صار ولادة مبكرة يعني بولد قيصري ولا مو شرط انا بعرف ما دخل اذا في ولادة مبكرة يعني بعرف القيصرية اذا صار مشاكل لاسمح الله بوقت الولادة وهيك ولا لانو قبل بوقت يعني؟؟؟؟؟