حوامل طمنوني الله يطمن قلوبكم ..

[سَحآبْ]

السلام عليكم ..

انا حامل في بداية الشهر التاسع ... وكنت امشي ونزلت علي مويه دافية على فخوذي
وكنت ابموت من الخوف و يوم جيت البيت ..

اخذت الفاين ومسحت المويه لقيتها لونهآ بني !!!!

انا خايفة ع الجنين لإن من امس وانا قلقانة ..
هل يسبب شي على البيبي ..
هل هي بوادر ولادة !؟

دكتورتي ماتعطيني وجه واستحي اروح للطواريء ..


.. تكفون .. وردوا علي

دعواتكم الله يسهل ولادتكم ..

[وضيحى]

المويه كثيره ولا شويه وهل معها الم زي الم الدوره

[سَحآبْ]

المويه صبت بس عبت فخوذي وكانت دافية

لونها بني ..
بس ماصبت بقوة يعني كانها دفعة ماء نزل ووقف
بس مامعاي مغص

[أم الزين]

سحااب روووحي حبيبتي تطمني ع البيبي شنو استحي اروح الطوارئ هاذا الشي مااافيه حيا يالغلا

لااازم تروووحين وتتطمنين لاااازم لايصير فيج شي لاسمح الله وذيك الحزه تتحسفين

الافضل تروحين والحين فديتج وطمنينا

[سَحآبْ]

لاتخوفيني ..
ودي اروح بس اخاف اخوف امي لاني يوم قلت لها السالفة خافت علي وبعدين قلت لها عادي عادي عشان تهدا

يعني المويه ذي تجي من ايش ؟؟؟؟؟؟؟؟
انا خفت عشان لونها بني حسبتها ولادة

[طيبتي أكبرهمومي]

سحاب روحي ياقلبي لاتستحين
الا كيف حركه طفلك اليوم؟؟
لازم تعرفي وتشوفي اسباب يمكن ولاده
بس ماينزل بني
ينزل مويه وخط دم مائل صح ولاده
لكن بني ماادري لايكون بس طفلك فيه شئ ماابغى اخوفك بس لمصلحتك طمني على نفسك وعلى طفلك

[ام محمد قطر]

حبيبتي روحي وتطمني لو انا مانتظر رد البنات ولا حتى اكتب موضوع

والله البس عباتي وأطير

ان شاء الله مافيك شي بس عالاقل الوحده تطمن ولا تقعد تحاتي

خاصة انك فالتاسع يعني يمكن الماي الي نزل من كيس الجنين

واذا نقص ماي الجنين مب زين

روحي وطمنينا ولاتحاتين ان شاء الله خير

[سَحآبْ]

الله يستر .. اللهم اني استودعك جنيني ..
أبنتظر الصبح يطلع وابروح الطواري .. بس ماودي اقول لأمي ..

للي تسأل عن حركة البيبي إن شاء الله إنها زينة لإني مابي اخوف نفسي

ابشوف واقول لكم ..

دعواتكم لي .. والله ارتعت

[أم الزين]

حبيبتي احنا موقصدنا نخووفج بس خاايفين يصير شي لاسمح الله تندمين عليه والماي البني يمكن البيبي مخرج في بطنج

ترا شكثر حريم ولدوهم والسبه هالشغله


وليش تنطرين الصبح الحين المستشفى افضى واحسن لج من الصبح وزحمته

وبالنسبه للوالده لاتعلمينها عشان ماتخوفينها علييج

والله يطمن بالج ويريحج

[احلم بطفل]

ايش اللي ارتعتي و الله المفروض يا اختي رحتي
المستشفى و تطمنتي بالذات انك في التاسع مررره
مو كويس لما تقل المويه ع الجنين الحين حبيبتي روحي
لا تنتظري للصباح .. الله يطمنك عزيزتي و ماترجعي للبيت الا
و البيبي معاك