بسم الله الرحمن الرحيم
السلام عليكم ورحمة الله وبركاته
احبائي وصديقاتي
اكيد كلنا نحلم بالرشاقة والجسم المثالي لكن كل ما نبدأ ونقول اليوم رح نبدأ بالدايت نصاب بضعف الارادة بعد فترة وجيزة ممكن يكون السبب مافي حدا يشجعنا
لهاد السبب حبيت اكتب هالموضوع الجديد واتمنى يكون فيه تفاعل كتير مع هالموضوع لنقدر نكسر ضعفنا ونجدد ارادتنا
احبائي فكرتي لهالموضوع انو اي صديقة بتحب تشارك وتقوي ارادتها وتخسر من وزنها وتصير ملقبة بصاحبة الجسم المنحوت الرشيق تتفضل وتكتب اسمها وعمرها ووزنها والوزن يلي قررت تتحدى نفسها من اجله وطبعاً يومياتها مع الدايت واهم شي اذا عندها اي وصفة يعني اكلة تكتب مكوناتها وطريقة تحضيرها
لانو الاكلات والمشروبات الخاصة بالدايت قليلة وما فيها تنويع او جديد
انا حابة نمشي على برنامج اسبوعي منوع وليس الزامي من اول يوم لأخر يوم يعني خلوا كل يوم فيه جديد حتى ما نشعر انو الدايت عدو النا حرمنا من كل شي تقريباً بشرط طبعاً انو الوصفات تكون خاصة بالدايت وتساعد على حرق الدهون بشكل اسرع
وبالنسبة للميزان طبعاً بكون اخر يوم بالاسبوع يعني السبت لانو رح نعتبر اول يوم هو الاحد 26/8/2012
واكيد ما ننسى الرياضة حتى ما يصير ترهلات عنا وتكون اجسامنا مشدودة
والاهم هو الاصرار وعدم اقناع انفسنا انو ما خسرنا شي من اوزانا حتى ما ياخذ الجسم هالفكرة ويعملها قاعدة ويمشي عليها
اتمنى تتفاعلوا معي حتى نتشجع ببعض لاني بالفعل حابة يكون معي اشخاص كثر حتى تكون العزيمة اقوى واقوى
اكييييد رح ابدأ بنفسي
اسمي ايمان وعمري 20سنة
وزني حالياً 64 كغ
خلال الاسبوع الاول هدفي الوصول الى 60كغ ان شاء الله تعالى
الوصفة يلي حابة اشارك فيها هي عبارة عن
باذنجان مسلوق ومقشرومدقوق - ملح -رشة فلفل اسود-عصرة ليمون حامض
ان شاء الله تكون طيبة
اخيراً------
بداية موفقة احبائي ولكم خالص المحبة من قلبي لانكم نعم الاصدقاء