اجهاض طوال 8 سنوات انتهت بخياطة

[سهى خالد]

السلام عليكم يابنات

انا عضوة جديدة في هالمنتدى، تعرفت عليه من خلال بحثي عن مشكلتي وكانت فرصة سعيدة


بنات انا مالي الا الله ثم انتم، ماشاء الله فيكم الخير والبركة والنخبة

متزوجة من 8 سنوات وطوال هالفترة اجهضت 5 مرات
من ضمن اسباب توسعي وايضا بحسب ماقالت الدكتورة بعد ماكشفت علي واستنتجت ان وضعية الخلفي لها تأثير ودور بالتوسيع!!

الحمدلله لي 11 يوم من سويت عملية تضييق داخلي وخارجي، كنت اشوف الموت طول الخمس أيام الأولى والحين تحركاتي خفيفة بس الألم خف ولله الحمد مع استخدام البيتادين وكريم ميبو وغير المضاد وابر الفولترين والتحاميل وعلاج يوقف النزف.

هالفترة صاير ينزل مني افراز بني على وردي وبكمية تخوف شوي :(

+

تنصحوني اشرب شي هالفترة حتى يساعد على زيادة التضويق زي الرشاد؟
لأني احس اني للحين وسيعه مع ان الدكتورة قفلت لي الفتحة من قدام تمام رجعت بكرية بس ثالث يوم الله يكرمكم جاني امساك ولفيت السبع لفات ومت 20 مره حتى اتخلص منه واحسه انه الامساك وكثر الدفع خرب شي علي :(((

+

احيان وانا جالسة احس بحكة داخلية تحت ولا اقدر اسوي شي :(

+

كيف اعرف اني تضوقت صح! مثل ماقرأت ان بعض الدكتورات تسوي تضويق لبداية المهبل فقط!


واتمنى ماكثرت عليكم اسئلة والله يجزاكم خير ودعوة بظهر الغيب للي تساعدني لأني بجد مالي احد ولا قريب ارجع له

[انهار 2015]

اخت سهي والله ماحبيت ادخل ماارد
حياتي لاتشككين في ذا الموضوع
دام المسئله فيها تدخل طبي
فزوري طبيبتك وهي ادرا بحالتك بس انصحك
بالدعاء فهو سلاح لتحقيق الاماني
وانصحك بالجلوس بمويه دافئه ومر

[فوضت امري لله]

المره كويس مثل ماقالت سماء

والرشاد في الايام الاخيره ينظف الرحم

والله يرزقك ما تتمنين يارب العالمين

[سوسو222]

ياقلبي انا اسمع عن الربط يعني الي تسقط كثير اول ماتتدري انها حامل تسوي ربط علشان لا تسقط وقت الولادة يفكونه وتولد بسلامه كثير من جماعتي يسوونه ومن ناحيت التضييق لا تشيلين هم انا لما ولدت سوولي خياطه داخليه وخارجيه وماقدرت امشي زيك وجاني امساك الله لا يرويك ابكي بكا في الحمام الله يكرمك وخرج معه دم حسيت ان كل شي خرب ومااحس بتضييق ابدا احس اني وسيعه بس الحمدالله لما صار اول جماع بعد الولادة رجعت مثل ليلة الدخله صياح وبكى ههههههههههه ماكأني ولدت والحمدالله على كل شي لا تخافين انتي كثري من الدعاء والاستغفار وربك بيسرها معليش طولت عليك خخخخخخخ دمتي بخير

[سهى خالد]

حبيبتي سماء الجود

جزاك الله خير

والله يجبر بخاطرك تسلمين لي

المره استخدمتها ثالث يوم من العملية وللاسف ماجابت معي نتيجة
وظهرت ريحة عفن وعلى طول وقفتها واستخدمت البيتادين ومره ارتحت

[سهى خالد]

فوضت امري لله

جزاك الله خير حبيبتي

تنصحيني اكل الرشاد بعد 40 يوم ؟

للتنظيف وللتضويق زيادة ؟

[سهى خالد]

سوسو222


جزاك الله خير ياحبيبتي

للأسف رحمي هجومي ومايعيش فيه الجنين -الله كريم-

والله يطمنك بأسمه ياحي ياقيوم

نزل مع افراز لونه وردي على بني ؟

وهل كنتي تسوين تمارين كيجل والخيوط فيك؟

وايش كنتي تشربين عشان صحتك والتعويض مثلا هل كنتي تشربي حلبة او شي من هالقبيل ؟

وشكرا لك

[سهى خالد]

الحمدلله ابشركم طاحت الخيوط الخارجية بفضل من الله
لكن الخيوط الداخليه ما احسها موجودة مدري ليه مع اني احس بالالم ااذا سويت تمارين كيجل

[حلليمو]

حبيبتي ايش دخل فتحت المهبل ان كانت ضيقه او واسعه في الاجهااض

مثل ما قالت الاخت اذا كان هناك مشكله راح تكون بالرحم

وانا عن نفسي في كل حمل لازم اسووي عملية ربط لعنق الرحم

عشان اجهضت مرتين في الشهر الخاامس

انا اول مررره اسمع ان الي واسعه تجهض

الله يسهل لك ياااارب ويزقك حمل سليم معافى

[سهى خالد]

حبيبتي حلليمو

الاجهاض يوسع مو الوسيعه تجهض :)

وثاني شي قالته لي الدكتوره ان وضعية الفرنسي بعد توسع :(