تعبانه نفسيتي من كذا حاجه

[ضئ عيني]

السلام عليكم


بدون مقدمات..
نفسيتي تعبانه بقوه انا اسوى رجيم وخسيت ماشاء الله 10 كيلو

والبارح تعشيت في مطعم وكلت مشويات ودبل بطني وجيت البيت تعبانه رحت نمت على طول مع ان موزين شبعانه وتنامي

جلست صباح شربت لي 5 كاسات وسط مويه بعدها كلت لي معجنات اشوي
ورحت الميزان اوزن لقيت اني زايده كيلو
ونفسيتي تعبت كثير وانا زواجي باقي له 4 ايام

وافكر كثير بالحياه الجديده وكلام الناس مايخلو احد في حاله تعبانه والله العظيييييم

مرات افكر في العرس يوم جربت البس الفستان شفت انه مخليني سمينه شوي وهذا لى وترني زياده
وزوجي ضعيف حيل
ومابي يبين في العرس اني انا اسمن من زوجي لان الناس تبي تاكل اعراض الناس

تعبااااااااااااااااااانه ابي اتخلص من هالافكار
سؤالي زوجي بيلبس بشت هل البشت بيخلي الواحد يسمن شوي ..؟

[نبعة الحب]

حياتي وليش معيشة نفسج بالتعاسة ؟
وانتي عروسة وبتصيرين احلى عروسة ان شاء الله
الف مبروكــــــــ ويارب يتمم فرحك على خير وسعادة
صدكيني اذا ما عشتي هاي ايامج بسعادة راح تندمين خليج طبيعية وفرحي وانسي موضوع السمن
العروسة مهما تكون بتصير مميزة وحلوة وما عليج بكلام الناس ترا الغيارة كثااار

اهم شي زوجك شافك مو اول مرة واكيد بتكونين بنظر زوجك احلى عروسة بالعالم
اكيد الرجال يصير سمين من يلبس بشت والعروسة فستانها كبير وخليها ضخمة لا تفكرين حبيبتي
يعني الكيلو والاثنين ترا ما راح يغيرن من شكلج انتي تبالغين حبيبتي

يعني حتى لو زدتي كيلو واثنين ابدا ما ياثر عليج وانتي قلتي نقصت 10 كيلوو

المهم افرحي وعيشي حياتج وفكري بالسعادة الزوجية الجديدة ونسي الموووووووووضوع على فكرة التفكير ياثر على بشرتك

[Raseel]

حبيبتي عادي لاتخربين فرحتك بيدك عشان كلام الناس خلك واثقه من نفسك ولايهمك احد اهم شي انتي عاجبه زوجك وبـــــــــس كيلو مايفرررررق كثيررررر لا تبالغي وعيشي فرحتك..الله يسعدك وتطلعين احلى عروووووس..

[ضئ عيني]

تسلموووون حبيباتي .......

[jorri sham]

انا من رايي البنات كمان
الله يسعدك ي رب ويوفقك بحياتك الزوجية

[(ملاذ الروح)]

ياحبيبتي عيشي حياتك وهاي احلي ايام ولا عليك باحد كلام الناس لا بقدم ولا بياخر
المهم انتي انبسطي ولا تتعبي نفسيتك ياعروسه

[ام عمر ..]

الف الف مبروووووك والله يسعدك ياقلبي ثاني شي عن تجربه خطا توزنين وانتي شاربه مويه وفاطره لانه بيزيدك في الوزن
حددي يوم في الاسبوع وتكونين توك صاحيه وداخله الله يكرمك الحمام بعدها اوزني بعدين انتي عروووس والريجيم القاسي يغير شكل الوجه
بس ضحكتيني لما قلتي البشت يسمن تبينه مسكين يسمن باي شكل ههههههه
الله يوفقك

[آحسآس آنثى]

حبيبتي لاتتعبي نفسك ولا شي
شوفي انا يوم تزوجت انا سمينه و زوجي نحيييف و بالعكس كنت عادي ولما يتكلم اقوله ربي خلقني كذا
و بنت اخت زوجي تخييييينه مره انا بجنبهااا ولا شي و ماشاءالله زوجهاااا نحييييف و عايشه حياتهاااا و مهتمه بنفسهاااا
يعني انتي سويتي اللي قدرتي علييه حاولتي لاكن ربك ماردا تنحفي الحين انبسطي وافرحي و لاتعكري مزاجك

[بنوته القمر]

ياااحبيبتي الف مبروك وافرحي ولاتهتمي في احد الناس في الحالتين بتتكلم صدقيني لو نحفتي وقالو نحفت هي احلا من زوجها بيطلعو شي في فستانك او في شكل الاعريس ويعيبو فيه لاتهتمي خليكي واثقه من نفسك ومالك شغل في احد اذا علي الفستان البسي مشد وخلاص ماراح يبين وفي انواع من المشدات يخلي جسمك حلو وزوجك اهم شي بما ان عاجبه انك دبدوبه خلاص الله يسعدكم يااااارب ويبعد عنكم الحاسدين افرحي وانبسطي ومالك شغل باحد وان احد قال العريس ضعيف وانتي دبه قولي هو عاجبه وقال لاتنحفي اقهريهم مو تزعلي