شاركوني ياعزيزاتي

[طال العنا]

السلام عليكم ورحمه الله وبركاته
انا اليوم رحت لدكتورتي عشان موعد الاعه لأنها محدده تقولي جنس الجنين
وأنا حامل بالشهر الرابع

قالت لي انتي حامل ببنت
صراحه احسني زعلت لاني عندي بنت وكنت اتمنى ولد
وأهل زوجي مررره على البنت مايحبون البنات ومايتحملون شطانه البنات

ويسمون العيال سند
سبحان الله اتمنيت اني حامل بولد صالح وهذي أمنيتي حتى قبل الحمل

[كيوت]

حبيبتي اهم شي تقومين بسلامه ولد ولا بنت
لازعلين ولاضيغين نفسك وقولي الحمدلله
على كل شي

[مو انا]

الحمدالله على كل حال

وغيرك يتمنى الحمل وهذي نعمه يارب


الله يرزق كل مسلمة يارب

[شموخ الكون]

قولي الحمدالله على كل شي
والخيره فيما اختارها الله واهم شي الصحه والعافيه

[منى المحبين]

اللي يجي من ربنا خير وبركة

انا عندي بنت وحامل ببنت امنيتي ولد بس اللي يجي من الله حياه الله

والبنوته حلوه ونعومه يكفي ملابسها بس يجننوا

[احبك ماما]

استغفري ربك .زربي عطاك نعمه ان شكرتيه عليهاا زادهاا خير وبركه وان رفضتيهاا خذهاا منك..
اتعوذي من ابليس والي يجي من رب العالمين حياه الله ...وعلى اهل زوجك الي مايحبون البنات الي يبي الولد يالله خليه يجيبه ...هذي عطيه من ربك في ناس يزحفون يبونهاااا

[زهور الريف]

هلا اختي

اولا الحمدلله على عطايا الله
يارب لك الحمد والشكر
وش فيهم البنات والله انهم ملح الكون يمكن هالبنات اللي تقولي
عليهم هم اللي يبروك ويشولك وقت عوزتك
وكبرك\

احمدي ربك ربي ما يكتب لأي انسان شي الا كان فيه خيره
حتى الشوكه اذا شاكه المسلم له فيها اجر

فما بالك بولادتك لملح الدنيا بنوته حلوه
تملي عليك الدنيا انس وفرح وسعاده
بأذن الله
ولك فيها ستر وغطاء من النار

أختي المفروض تحمدي ربك على النعمه غيرك محروم منها
والحمدلله لك يارب

الحمدلله كما ينبغي لجلال وجهك وعظيم سلطانك


أما بالنسبه لأهل زوجك الحمدلله هذا اللي ربك كاتبه سواء الولد او البنت

كلهم ستر وخير ونعمه وسند في الدنيا والأخره
ما اشوف فيه فرق

[**سماسم**]

الله يخليلج بنوتج ويقومج أنتي والكتكوته بالسلامه ..
و الأرزاق يالغاليه بيد الله سبحانه وبنت أو ولد أهم شيء الخلقه الكامله ..
وتأكدي أن مافيه أرق وأحن من البنات ونتي عليج بس تدعين أن ربي خليهن لج ويحفظهن ويصلحهن ..

[غنوجة خالد]

انا حامل في السادس وعندي بنتين والظاهر بعدهاذي المرة بنت ما زعلت الحمدلله على النعمه (يهب لمن شاء الذكور ويهب لمن شاء الاناث ) اهم شي الخلقه التامه واهل زوجك لايهمونك والله لو يجيك شي من كثر تفكييرك ما نفعوك ((راح يزوجون ولدهم وحدة ثانيه بالعكس فرحي وبيني لهم انك فرحانه وانهم ما يهمونك ))

[طال العنا]

الحمد لله والشكر له
كلامكم أكثر من جميل
الله يجزاكم خير
ويصلح لنا ولكم ذرياتنا ويجعلهم من السعداء في الدنيا والاخره