هل انا غلطانه

[زهره الجوري]

السلام عليكم

كيفكم يا اخوات

يابنات انا متزوجه من 7 سنين واول ماتزواجت عشت مع اهل زوجي واخوانه 2 متزوجين وعايشن بنفس البيت بعد سنه من زواجي بدت المشاكل بين اخوانه على المصاريف البيت وابوهم متوفي من زماااان وكل واحد معه عيال ونحنا لسه ما خلفنا المهم صارت مشكل كبيره وكل يوم في مشكله وكل واحد ماصار يتحمل الثاني لدرجه ان ام زوجي طعلت من البيت واستاجرت شقه لها و3 من عيالها عزاب معها وشوي طلع اخوهم الكبير واخوه الثاني ومابقي في ها البيت الا انا وزجي وبعد فتره امزوجي سافرت تبغى تهرب من مشاكل عيالهاوجاءت عندنا اخت زوجي متزوجه وعندها 2 بنات جلست مايقرب 4 اربعه شهور هي وزجها عندنا مع انو اهل زوجها موجودين في نفس المنطقه ووزجها بلا شغل زوجي هو لي يصرف عليهم وكل ماجاب له شغل ماعجبه الين ماجاء رمضان زوجي قاله شاركني في المصروف البيت رفض وقال بيت اهلي موجود قاله زوجي روح بيت اهلك ليه جالس عندنا ودخلنا بعدها في صراعات ومشاكل وضعنا المادي صعب مره وعلينا ديون وايجار
وقرر ان نخرج بيت لحالنا وجاء العيد واجتمعت العائله 3يوم العيد راحت عند اهلي وقلت لزوجي ماراح ارجع الا لما تسوي بيت لحالي وارتاح من المشاكل
وبا الفعل صار لي بيت لحالي وكل وحد من اخوانه صار له بيت لحاله وقريب من امه واخوانه كلنا بنفس الحي ورجعت الالفه والمحبه بين اخوانه
الان لي اربع سنين في بيت لحالي انا وزجي وولدي
الخلاصه من هذا الكلام كله

انو زوجي قرر امس يرجع بيت اهله ونعيش مهعم يقول انه مقصر مع امه وودها يعوضها
عن لي فات
انا وافقت على كلامه
والله يابنات اني احاول ابر فيها قد ما اقدرويوم اجي عندها ويوم لا يعني يوم بيوم احاول اني مااكون مقصره معها


بس اليوم كان ردي له ب لالا

ليش

خايفه ترجع المشاكل مره ثانيه وانا بصراحه مو صبوره


قال لي ياخساره ماتوقعت ردك كذا


وكمان اخوه الصغير راح يتزوج قريب


ياااااابنات قول لي انا غلطت بتصرفي هذا


انصحوني اعطوني رايكم


منتظره ردوكم

[بروبراري]

لا مو غلطانه هادي اقل حقوقك وانتي جربتي الوضع من زمان وماقدرتي تستحملي ليش تعيدي اللي فات
ماغلطتي وازا زوجك زعلان منك مالو حق انتو جنب امو وانتي يوم بعد يوم بتروحيلها يعني مو لازم يكون بنفس الشقه عشان يبرها
في اولاد في بلاد تانيه وبارين بامهم ..البر والموده والمحبه بالزيارات المستمره والاتصالات الهاتفيه المستمره وتلبية احتياجات الام ازا طلبت شي
وبعدين ماشالله عندو اخوان غيرو وكلهم جنبها لو كل يوم واحد يزورها مررره كويس وكدا البر
وكمان مو حلو تعيشي معاها وفي اخوانو ..يعني كيف حتاخدي راحتك وبعدين ممكن باي يوم احد فيهم يشوفك وانتي مو متحجبه وهادا حرام
اتمنى اني افدتك
بالتوفيق

[انت لي وبس]

انتي وضحي له السبب في انك ماتبغي ترجعي كله عشان المشاكل وان شاء الله يتفهم وضعك
قولي له مانبي المشاكل دامنا مرتاحين وامك جنبنا واي وقت نقدر نروح لها بس لازم يكون لنا بيت مستقل عشان نرتاح فيه

[جنوبية الهوى]

اكيد مش غلطانة شو هيدا التفكير متل ما قالت الاخت البر يكون ولو من بعيد لو كل واحد فكر هيك ما كان بقي زوج مع زوجته وخربت الدنيا لا سمح الله انا وزوجي مسافرين ونبر باهلنا نسال عنهم يوميا نرسل لهم ما يحتاجونه نتذكرهم في كل المناسبات نسمعهم الكلام الطيب قول ي له بامكان امه بين فترة وفترة نعزمها تقضي كم يوم عندنا الصراحة تفكير لو الكل يفكر فيه لخربت كل البيوت لا سمح الله
ما تقبلي اختي ابدا هذا حق من حقوقك الشرعية والله المستعان وهذه سنة الحياة انتي بكرا كمان اولادك يتزوجون ويصبح لهم بيتهم المستقل سنة الحياة

[مشاعل الدوسري]

السلام عليكم

حبيبتي بلنسبه لسؤالك انك غلطانه و لا لا ..؟
مو غلطانه هو اسالك و بغى رأيك .. ما جاك و فرض عليك الامر و انتي حره بكلامك و ردة فعلك ..

هو ممكن يستشيرك .. و بلنهايه يسوي اللي براسه و لا رحتي تكلمتي حق اهلك و بلذات لو قلتي لابوك

بيقولك تتبعين زوجك وين ما يكون ..

بخصوص ان زوجك وده يعوض امه في طرررررررررررررق وايد ..
بلاول يخصص لها مصروف و يسال عنها و يشوف شنو بخاطرها و يسويه ..
ثانيا يقدر يتفق مع اخوانه كل شهر واحد يحط مبلغ حق الام و بكذا الكل شارك بلمصروف و راح يزيد و الام بتفرح ..
في طررق وايد بس هو يفكرر ..


بخصوص انه وده يروح معاها و يسكن معاها في بيت واحد ..


السؤال : هل البيت اللي هي ساكنه فيه ملك و لا اجار ..؟

اذا كان ملك حق امه او ملكهم عموما .. روحي معاه وافقي بس اشترطي شرط بما انكم راح تسكنون في بيت اهله و هو ملك ..

بهذي الفتره يسدد ديونه اذ عنده و اذا راتبه مناسب انه ياخذ قرض عشان يشتري بيت ياخذ و اشترو بيت ..
و البيت اللي بتشترونه اجروه
طول ما انتم ساكنين في بيت اهله
و ادفعو منه القرض .. اللي اخذتوه
و بعد القرض ما ينتهي و بينتهي باسرع ما يكون انشالله
و بكذا انتي المستفيده ..
زوجك لو عنده ديون بيسددها و بيشتري بيت و انتو ساكنين بيت اهله خلال 4 او 5 سنين تنتقلي على بيت ملك ..
و من غير ديون هذي خطه استراتيجيه استثماريه ..
و قوليله انا بضحي و بوافق بهذا الشرط عشان انت ترضي امك و تريحني و ترتاح و نهايتها لنا شي ملك و خاص .. و لا تعتبرها شرط اساسي لكنه
اقتراح حلو ان حنا نفكر لمستقبلنا و مستقبل اولادنا
و بنفس الوقت انتي من داخلك لا تحطي براسك ان المشاكل راح ترجع و الخ ..
الحياه تغيرت .. و اهم شي النيه الصافيه من ناحيتك و الحياه بتعدي..
و بلنهايه لو رحتي و لا ما رحتي لو هو مع اخوانه تهاوشو عشان بيتهم و لا عشان فلوس .. انتي مالك علاقه لا تتدخلين بهذي الامور كل اللي عليك تهدينه و تقترحين عليه الاقتراح الطيب اللي ممكن انه يحل الخلاف اللي بينهم .. و انتهينا ..



اما اذا كان البيت اللي ساكنه فيه امه اجار فا يقعد محله ابرك له ليه ..

لان اذا سكن في بيت اهله ملزوم يدفع معاهم و ممكن احتماليه تصير مشكلة شمعنى هذا يدفع و هذا لا انا هلشهر ما عندي و انا هلشهر مااقدر الا على هلمبلغ ..
و بيصير حساسي بينهم بسبب السكن و مين يدفع و مين ما يدفع ..


و لو سكنتو بلبيت زوجك ملزوم يشارك بمصروف المطبخ و الكهرباء و الماي

لو يدفع 500 حق اغراض مطبخ و 700 حق كهرباء و ماي ..






حبيبتي انا مريت بموقف العن من موقفك .. وهو ان زوجي مسااعد اخوه
و ماخذ له قرض و اخوه سحب عليه شهر يعطيه و شهر لا
شهر 500 و شهر 300 و شهر 1500
الى حد ما صار يدفع شي طبعا مين اللي انحرم انا و زوجي و عياله ..
و القهر الاكبر ان اخوه من فتره قاعد يغير ديكور بيته و مشتري اثاث من محلات غاليه .. و مطبخ بسعررر خيالي ..
و انا زوجي حارم نفسه حتى انه يغير شي في حياته كل هذا عشان يسدد القرض..

انقهر و اسكت اقوله ما عليه اخوك محتاج و و و وو شوي الا نسمع الاخ يعدل و يتسوق و يتصفح الكتلوجات وو و و
طبعا زوجي انقهر بس سكت و ما قاله شي و انا ما كنت اطلب منه شي لاني ادري اني بضغط عليه ..

كنت ابكي الين انفجرت و قلت له لا ياحبيبي تكلم اخوك بدال ما يشتري مطبخ جديد حق بيته ..
يدفع القرض عنده يدفع كاش حق المحلات بس ما عنده يدفع 1500 شهريا ..
و تكلم زوجي المسكين و قاله و و شرح له الوضع و لا حياة لمن تنادي ..
مصبغ بيته بسعر 18000 و مشتري مطبخ ب30000و اثاث من ايكيا و
و بعد ما كلمه عطاه بس 4000و من بعدها 500 و بعدها 700 و بعدها الى غاية هذا اليوووم سفط ..


و هي مره وحده تكلمت من القهر و من بعدها صرت ما اتدخل عطاه و لا سحب عليه ...
يسطفلو مع بعض اللي علي اكل و اشرب و اسكت و اصبر و اشوف في تطور و لا لا ..
حارمه بقوه من كل شي .. عشان ما اضايق زوجي .. عبايه مو قادره اشتري ..

خليها على الله بس ..

الوحده تصبر تحتسب الاجر عند الله و دام ان زوجها مو مقصر معاها اهم شي الطيبه و الاخلاق .. عشان كذا انا عن نفسي صابره زوجي جدا محترم في تعامله معاي و مع اهلي ..

و بلنهايه اذا انتي قررتي انك ما تبين تنقلين مهما كانت الاسباب اقترحي عليه ان يساعد امه بمبلغ شهريا
و بكذا يكون يعوضها و انتهينا ..

[جريحة المحبه]

كلام الاخت مشاعل عين الصواب

الله يعينك ويعيننا ويبعد عنا المشاكل

[أعشقه]

ماتوقع انك غلطانه وخاصه انه عارف المشاكل الي مريتو فيها اول مره
سايريه وحاولي تقنعين والله يعينك

[زهره الجوري]

بجد اشكركم يا اخوات من اعماق قلبي ريحتوني بكلامكم الله يسعدكم دنيا واخره

زوجي طيب بس اخذ مني موقف على ردي له وجلس يومين مايكلمني

وعتابني وقلتها كل الامور لي راح نتعرض لها لو رجعنا بيت اهله

ولو كان بيت اهله ملك كان انا رجعت لها بنفسي وتحملت الين مايصير معنا بيت ملك
الحمد الله ابشركم زوجي تفهم لكلامي
بس مازال في بعض كلامه نغزات لي
بس يلا بصبر عليه لاني احبه

ومشكورين مره ثانيه يااحلى خوات با الدنيا