بنات سويت اختبار حمل كلير بلو

[memaya]

السلام عليكم اخوتى


ادخل فى الموضوع على طول ... الدورة متأخره عليا سبع ايام والنهاردا الصبح عملت تحليل كلير بلو اللى بيبين قبل يوم الدورة بأربع ايام والنتيجه كانت ..... سلبى مش عارفه انا حامل وللا لأ ولسه فيه امل وللا لأ جوزى كان حاسس انى حامل ورتب نفسه خلاص عشان اول مرة من ساعه اما اتجوزت تتأخر كدا مبقتش عارفه اقوله ايه لما سألنى كان نفسى افرحه بس مش بأيدى ..

مع العلم الدورة لسه مجتش الى الان ومعندديش اى اعراض كلها اختفت ما عدا امتلاء الثدى والعروق الخضراء اللى بيه ولما اخد شور احس بشد خفيف اسفل البطن على الجوانب

اعمل ايه بناااات اعمل ايه يا ربى ارحمنى وارزقنى يااا رب الكل هنا بيقول انو مخنوق وانا اللى بيا مش عارفه اطلعه فى كلام ... يلا الحمد لله على كل شئ واسفه للإطاله بس برتاح لما بتكلم معاكوا ... سلام بنات

[راندا عدلي]

حبيبتي مش شرط يكون في اعراض مدام الدوره لسه متاخره يبقي خير ان شاء الله انتي استني كمان لما تكملي 10 ايام ولو مجتش عيدي التحليل ويارب ماتجيش وتطلعي حامل ومتزعليش نفسك ابدا ياقمر

[memaya]

يلا الحمد لله على كل شئ.. شكرا يا حبيبتى يا رندا

[راندا عدلي]

حبيبتي احنا اخوات ياقمر

[~ نوون ~]

حبيبتي ماتزعلي الله يكتبلك الي فيه الخير

اعملي تحليل دم رقمي احسن من الانتظار وعذاب النفس ولترتاحي

وان شاء الله يكون حمل

الله يرزقك ماتتمنين وتذكري ان الله معك

طمنينا عليك

[memaya]

مشكورة اختى نون .. بس انا سايبه تحليل الدم لو الدوره عدت 40 يوم من تاريخ الدورة اللى فات ومجتش مش قادره اكسر فرحه جوزى تانى غير لما تكون اخدت وقتها واليوم ال 34 منها وان شاء الله خير ونعم بالله
وسامحنى يا ربى لو كنت جزعت شويه بس انا املى فيك كبير وظنى بك خير .. استغفر الله

[احساس أنثى]

حبيبتي ليش تستني ليعدي 40 يوم للدورة لتعملي تحليل دم

بالعكس تحليل الدم يبين لو في حمل لو تأخرت يوم او حتى يومين وانتي متأخره عندك اسبوع ماشاالله

ومادام عندك عروق بالصدر علامه حمل ان شالله

روحي وتوكلي على ربنا

[درين]

الله يرزقك و يرزقنا معك الحمل السليم عاجلا ليس اجلا

[memaya]

المشاركة الأصلية كتبت بواسطة احساس أنثى

حبيبتي ليش تستني ليعدي 40 يوم للدورة لتعملي تحليل دم

بالعكس تحليل الدم يبين لو في حمل لو تأخرت يوم او حتى يومين وانتي متأخره عندك اسبوع ماشاالله

ومادام عندك عروق بالصدر علامه حمل ان شالله

روحي وتوكلي على ربنا

بجد يا احساس انثى يعنى انتى شايفه انى لسه ممكن اكون حامل يااااه يا ربى بترجعولى الامل تانى انى ممكن اكون حامل ياااااارب اكون حامل عشان افرح زوجى

[memaya]

المشاركة الأصلية كتبت بواسطة درين

الله يرزقك و يرزقنا معك الحمل السليم عاجلا ليس اجلا

يا رب اختى يرزقنا جميعا الحمل اللى يفرح قلوبنا ونتمناه