اخاف اخسر زوجي اللي تمنيتة من صغري

[دلوعة عمري]

مرحبا حبايبي بقولكم سالفتي بصورة مبسطة انا ساكنة عند اهل زوجي وحنا ثلاث ساكنين فيت واحد اللي هو بيت اهل زوجي يعني لنا بس غرفة نوم والاكل والجلوس تحت اما الثالثة لها مطبخ بلحالها بس تنزل معنا المهم تخيلوا اربع سلفات ومافيه مشاكل مستحيل والله يابنات اني كافة خيري وشري ومااحب الكلام اللي ماله داعي مااقوله بس هم لاشافوا ام زوجي قاموا يطلعون مهراتهم فهمتوا انا مااحب اجامل خلاص هذا طبعي وحدة منهم والله يابنات اي شي اقوله او اسويه تسويه لدرجة انها تقول ياليتني ماجبت عيال تخيلوا هي على باله اني مستانسة اني متاخرة بتشوف وش فيني اول كنت اقولهم كل شي اما الحين يحلمون انا اكتم تحت اي شي يقولون لي او يضايقوني اكتم واذا رقيت فوق خلاص فلم هندي طيب وش اسوي وين اصيح باالحمام وانتم بكرامة تسمعني مرة اخوة لانة جدار غرفتنا واحد تخيلوا لما نتهاوش اقصر صوتي عاد وشلون يصير والله غصب لدرجة اني احيانا اشوف ظل عند الباب والله واما الثاني كذابه تكذب علي واهلها يكرهوني وزوجها الحمدالله حاقرها لانها مالها شخصيه اهلها يعطونها اوامر وهي تنفض فهمتوا وتبين انها مبسوطة وحركات وش اسوي تعبت تخيلوا لماالبس شي لاتعليق من اقول شي تخيلوا هم الصح وانا الغلط وش اسوي مع انهم غلط والله بنات ابي وحدة تاسسني لاني اول شي عمري 21 ودخلت حياة جدا صعبة مو من الزوج ولا من اهلة من حريم اخوانة لاتقولون طنشي كيف اطنش وانا لازم اشوف وجيههم يالله والله تعبت جلست ابكي مدري اللي بداخلي اكبر والمواقف اكثر بس الحمدالله زوجي طفش ومل يقول ازعجتيني اه بس

[دلوعة عمري]

ولما نتحمم انا وزوجي يقولون نسمعكم طيب مسوين شي حرام والله طفشت نفسي لي بيت بلحالي اصرخ اصيح اضحك محد يدري عني بس الضروف اقوى من الانسان الله ينصرني عليهم والله يشغلهم بنفوسهم

[الحب لك وحدك]

صباح الخير يالغلا
حبيبتي هذا حال الوحده لاصارت ساكنه مع اهل زوجها
لازم فيه مشاكل انت حاولي قد ماتستطيعين
مو اي شي تشوفيه او تسمعيه يضايقك
تحطيه ببالك طنشي يااختي
والله بتتعبين
شغل المجامله هذا ابعدي عنه لاتجاملين
احد على حساب نفسك وصحتك
اسمعي هالنصيحه من اختك
ان كان على سلفتك اللي تتجسس عليك
فهاذي انسانه مريضه نفسيا وتحس بالنقص
والثانيه اللي تجامل اخرتها بتمل وتتعب

طنشي ومشاكلك اذا تبين زوجك يسمعها
لاتقوليها وانتي معصبه او متصايقه
مثلي انك مرووقه وصدقيني هو بيسمع لك

طيب ليه ماتطلعين ببيت لحالك؟؟
ادري طولت عليك اسفه
دعواتي لك
دمتي بحفظ الله ورعايتخ

[الحب لك وحدك]

الله يرزقك بالذريه الصالحه
قريب انشالله
ويشغلك عنهم وعن مشاكلهم
والله يفرجها عنكم وتسكنين ببيت الحلال
لحاااااالك

[دلوعة عمري]

المشاركة الأصلية كتبت بواسطة الحب لك وحدك

الله يرزقك بالذريه الصالحه
قريب انشالله
ويشغلك عنهم وعن مشاكلهم
والله يفرجها عنكم وتسكنين ببيت الحلال
لحاااااالك

امين يارب تسلمين ياحبي على الدعوة هذي الخوات اللي يشد فيهم الظهر

[دلوعة عمري]

لا والله رورك عسل على قلبي بس ماقدر ظروف زوجي المادية ماتسمح ابد ابد

[دلوعة عمري]

طيب اذا احد يقلدك فكل شي بكلامك بااسلوبك بلبسك بضحتك وش تحكمين عليه انا مااحب احد يقلدني ابد ابد تحوم كبدي سلامات صدى والمشكله انها لاجلست فمجلس انا مااحب اقلد ونا مااحب اقلد كل شي تسوي نفسي رحماك يارب

[دلوعة عمري]

بنات وش دعوة

[الحب لك وحدك]

قلت لك هذي اللي تقلدك مريضه نفسيا
تحس بالنقص وماعندها شخصيه
عشان كذا هي شافت شخصيتك
وطريقتك بالحكي واللبس تجذب الاخرين
عشان قلدتك طنشيها خليها بعيد عنك
صيري ارفع منها
والله يصبر قلبك يالغاليه

[دلوعة عمري]

المشاركة الأصلية كتبت بواسطة الحب لك وحدك

قلت لك هذي اللي تقلدك مريضه نفسيا
تحس بالنقص وماعندها شخصيه
عشان كذا هي شافت شخصيتك
وطريقتك بالحكي واللبس تجذب الاخرين
عشان قلدتك طنشيها خليها بعيد عنك
صيري ارفع منها
والله يصبر قلبك يالغاليه

اهذي المشكلة مشكورة على ردك العسل