انا في امس الحاجه لكم قبل طلاقي

[منحوسه]

انا في امس الحاجه لكم قبل طلاقي

السلام عليكم ورحمة الله
ترددت كثيرا في وضع مشكلتي بين يديكم
اتمنى منكم ايجاد لي الحل السريع والصائب في هذي الازمه التي اعيش فيها والحيرة التي اواجهها
تزوجت منذسنة ونصف وكنت انا الزوجه الثانية وكان لة اطفال وهو هاجر زوجتة الاولى وقد صرح لي في بداية زواجنا انة لايحب زوجتة الاولى وان علاقتها بها منتهية من سنتين فلم اطلب منة
ان يطلقها لاجل الابناء على ان يفي بوعودةلي وفوجئت بعد عدة اسابيع من زواجنا برسائل غرامية لها وبدا يتغير في معاملتة معي لدرجة الاهانة والضرب بالرغم انني لم اقصر في حقة ولا في
معاملتي لابنائة وكنت كلما اذكرة بوعدة يقول لي لقد اتخذت قرارات وانظمة جديدة وتحملت ذلك ووصل بة الحد الى انة ياتيني كل يوم بل وكل ساعة بوجة غير الوجه الذي كان علية فهومتقلب
المزاج المهم وباختصار
1-اكتشفت مع الايام انة كان مسجون بسبب موضوع لايستهان بةوهذا قبل الزواج
2-اكتشفت انة يطلب مني افعال لايرضاها الله
3-امتدت يدة علي امام اهلةوالخدم لسبب تافة
4-يتلفظ بالطلاق ويندم بعدها
5-انة يتعاطى الشراب
اضطريت بعدها للخروج من منزلة والذهاب لبيت اهلي وبعدعدة ايام بدا بالاتصال علي وارسال رسائل لي وملاحقتي بكل الطرق بشكل جنوني وذلك لكي اعود لة واسامحة وكنت لااردعلى
اتصالاتةوكان يبكي ندما ويطلب مني الرجوع لة وانة قد تاب وندم على تركي لة
من ناحية والدتي ترفض رجوعي وكانت ترفض فكرت زواجي من الاول وسلمت موظوعي لابي
من ناحية ابي قال لي ان بأنه سيواجهه اهل زوجي ويتناقش معهم ويجعله يتعهد امامهم بكل خطاء قام به
ويؤيد والدي الرجوع والتجربه
مع العلم بأني لا يوجد لدي اطفال وانا متعلقه به واحبه كثيرا
واستصعب الطلاق لانه ثاني زواج لي ولا اريد ان افشل للمره الثانيه
واستصعب الرجعه لان الموضوع انتشر بين اهلي ونظرتهم له ليست جيده
اخاف ان اشعر بندم اني احبه وانفصلت عنه ولم اعطيه فرصه
مع العلم اني حين تزوجته تغيرت حياته للاحسن من قبل من ناحية وظيفته وحالته النفسه واستقراره
انا في حيره من امري ارجوكم ساعدوني ودلوني علي الطريق الصحيح والله اعلم بمعزته وحبي له في قلبي
وانا اتعذب كل يوم من رسائله التي يترجاني فيها ويهدد بالانتحار
لا تهملو رسالتي انا في امس الحاجه لكم

[احساس أنثى]

اختي العزيزه انتي ادرى به بعد سنه ونصف معاشرة يعني انتي حتعرفي طبيعته اذا ممكن يتغير او لا ؟

يعني اذا في مجال يتغير للاحسن ارجعي واستحملي وغيريه وكلوا الك اجر عليه

لكن لو رجعتي وبقى على كل هالامور لاتبقي معاه لان من كلامك افعاله غير مستقيمه واذا بقى على هالحال وربنا اكرمكم بعيال كيف حيربيهم؟

وبالنسبه لزوجته الاولى حاولي معاه بان يوفق بينكم وكل وحده يكون لها جدول مش يهجر وحده ويحب التانيه والعكس

وهك حتمشي اموركم طبيعيه ... ربي يوفقك

[~ نوون ~]

الله يصلح حالكم ويهدي زوجك



صدقيني يااختي انو لو بيصلي وبقلبوا ايمااان ماراح يفكر ابدآآ انو يشرب او يضربك او او بالعكس راح يخاف الله في كل شيء

علميه على الصلاه والعباده

واستخيري الله في امرك والله اعلم

الله يوفقك

[فوضت امري لله]

والله ياقلبي

ماادري ايش اقول لك

بس الشرب و الضرب والسجن كله مجتمعه

الله يعينك ويفرج همك

ادعي رب العالمين

الله يشرح صدرك ويفرج همك

ويجعل لك من كل هم فرجا

ومن كل ضيق مخرجا

ويرزقك من حيث لاتحتسبي

[مشاعل الدوسري]

و عليكم السلام هلا و غلا فيك اختي ..

أنصحك بلانفصال .. و لا تخسرين نفسك و كرامتك عشان واحد تحبينه الحب موجود بكل مكان و القلب يبحب كل شخص يحبه و يحترمه و يعزه و يصونه يعني مو مهم الحب على ماهو مهم الاحترام و الالتزام بلكلام و القرارت ..
الطلاق امر مو هين صحيح
و انتي تزوجتي رجل كان متزوج و عنده عيال منها لازم لازم لازم بيحن و بيشتاق ..
و سوى كانت بذمته و لا لا ..
الرجال اللي يقول ما احبها و و و و و و ما ابيها كذاب أم عيال اول زواج يعني ذكريات ياقلبي ..
دامه متقلب في قراراته ..
و يشرب و مدري ايش بس تاب الحمدالله التوبه له و الله غفور رحيم
مو أكبر مصيبه أذا تطلقتي..
لا يهمك الناس المهم حياتك الناس بتتكلم و بتتكلم اليوم و بكره صحيح
ان مو هين تتطلقي مرتين الناس لازم بيقولون شنو فيها
و مافيها ليكون معيوبه ومن هلكلام ..

لكن لا احد اسالك قولي ما تم اتفاق بينا ما نقدر نعيش مع بعض و انتهينا ..


انا شخصيا تزوجت رجل كان متزوج و عنده ولد ..
لما تقدم لي قعدت ادرس الموضوع من نواحي عده ..

قلت لنفسي مشاعل .. تخيلي فجأه يقولك بعد مايتزوجك برجع زوجتي .. كيف بتتصرفين
مشاعل تخيلي يعاملك معامله سيئه
شنو بتتصرفين وقتها .. ماهو مطلق زوجته ..

قعدت معاه و فهمت و ليش يبي يتزوج و شنو هدفه من الزواج..
شنو طلباته و شنو شروطه ..
درسة الموضوع شفت اني اقدر على التقلبات ..
في حال انه بيرجعه اوكي ما عندي اي مانع .. بس في شروط تتقيد بلعقد .. ضمان لي وله ..
في حال انه غير معاملته اصبر و اجس النبض بعدها اذا شفت الموضوع ما اقدر عليه بكل بساطه اتطلق

و لما تقدم لي و قاله الوالد بنتي ماتدخل على (( على ضره )) يعني على زوجتك
بذمتك مره اذا انت ناوي ترجع زوجتك ارجع لها لكن بنتي
ما تتزوجها و انت عندك وحده


نهاية هذا الكلام اللي اقولك عليه ياعزيزتي ..

أن كل شي وله نتائج سلبيه و نتائج أيجابيه ..

أحمدي ربك انك ما خلفتي منه كرم من ربك ..

و ربي بيرزقك بزواج احسن منه بأذن الله ..

لكن الزواج الثالث أنصحك نصيحه .. مو اي واحدطق بابكم توافقين على شروطه زي ماهو له شروط انتي بعد لك شروط لا تحسين انك ضعيفه بسبب طلاقك المتكرر لا بلعكس هو المعيوب لانك ذكرتي انه يشرب و يضربك و و و الخ
في عقد الزواج تكتبين شروطك ..
مصروف شهري - سكن خاص - دراسه و عمل - يعني من هذي الشروط اللي تناسبك ..
انه ما يمد يده عليك و يحسن المعامله و الخ .. من هذي الامور ..
عشان اذا تصرف عكس اللي مكتوب بعقد الزواج .. يكون اللوم عليه وو لاتنسين المؤخر لا تتهاونين المهر مو مهم المهم المؤخر ..


اي شي تبينه و يخطر على بالك تكتبينه بعقد الزواج يحفظلك حقوقك و حقه بعد .

[مشاعل الدوسري]

انا شخصيا اشوف انك تتطلقي افضل .. لانه بعد كم اسبوع من زواجك قلب عليك و كل شوي له كلام و طريقة معامله عشان كذا ما ينوثق فيه الا اذا ودك ترجعين له قوليله ماعندي مانع انك ترجع زوجتك بس
انك تهيني و تضربني و تظلمني هذا اللي ما ارضى فيه ..
و تعدل بينا ..

انا مااحس انك لو رجعتي له بيعدل بينكم او بيعاملك افضل من قبل ..

من خلال كلامك اعرف 3 اشخاص تزوجو نفس حالتك في النهايه شنو صار اتركوهم و ارجعو لحريهم ..

رجال ما تحترم وعودها ما ينوثق فيهم ابد ..

اذا ودك تعطينه فرصه عطيه من حقك و من حقه عشان تكوني بريتي ذمتك ..

[شوق جدة]

الله يعينك.....
انا لو كنت بمكانك ماجلست معه.......وبما انه هاجر زوجته بس مو مطلقها يعني فيه امل يرجع لها.....
اهلك ماسألوا عنه؟؟؟؟صح لقب مطلقة موبسهل وخاصة بالمرة الثانية.........
بس واحد مثل كذا مايتعاشر.......اكيد انتي تحبيه.....وبعد الحب؟؟؟؟
راجعي حساباتك وشوفي نفسك كسبانة او خسرانة بهالزواج..زوبعدها قرري تطلقي او تبقي معه....
ويمكن فيها خير لك لما عرفتيه على حقيقته بعد ماتجيبي له عيال..........وقولي الحمدلله ان اهلك معك وبصفك ..فيه حريم اهلهم يرفضون طلاقهم.. ويضغطوا على بناتهم عشان مايجوهم مطلقات....

[waiting]

مشكلتك راح افندها الى عدة نقاط :
النقطة الاولى: انك تزوجتي بشخص متزوج سابق وماسالتي وش السبب اللي خلاه يتزوج على زوجته غير انه مايحبها لانه هذا مو عذر انه مايحبها
النقطة الثانيه: انتي تزوجتيه بالاصل عشان مايقال عنك مطلقه او تهربين من كلمة مطلقه مو عشان حب وكثير من المطلقات ماكان ذنبهم الطلاق كان ذنب زوجهم ولا هي مشكلة الطلاق والدليل على ذلك ماسالتو عنه كثير حتى ابوك كان مستعجل
بس امك هي الوحيده اللي كانت حكيمه بهالموضوع
النقطة الثالثة: انتي ماتبين تتطلقين عشان انك تحبينه انتي تكذبين على نفسك لازم تصيرين صريحه مع نفسك وتصيرين محايده عشان تشوفين مشكلتك بشكل صريح ووواضح
النقطة الرابعه : رجل يشرب الخمر ويطلب المحرمات ويضربك ويهينك امام اهله يدل على انك نكره في حياته
كثير من الازواج يضرب زوجته ولكن لايضربها جمب احد حتى قدام عياله يضربها بينه وبينها.... هذا انسان لئيم ..لقول الرسول -صلى الله عليه وسلم- (لايكرمهن الا كريم ولا يهينهن الا لئيم )
النقطة الخامسة: واللي هي محور حياتك فرقي بين انك تعيشين حياة مستقرة او حياة متذبذبة ...(اسئلي شيخ ..عن عدد الطلاق اللي تلفظ فيها واحده اثنتان ثلاث ..لازم ترجعين الى شيخ لانك يمكن حرام عليك الحين...
لقول الرسول :(ثلاث جدهن جد ومزحهن جد ..وذكر منهم الطلاق )
النقطة السادسة : احسبي خسائرك وارباحك لا تقحمي الحب (الخسائر..: حياة متذبذبة - رجل يطلب المحرمات - رجل يهينني امام اهله - رجل يشرب الخمر - رجل متزوج ولديه ابناء وزوجه اولى - ابناء تائهين لو انجبت منه )
الارباح..: ( من الطلاق :..حياة مستقرة كريمة - فتح باب جديد لزواج قد يكون افضل من الذي سبق وليس لدي ابناء منه - تفتح لي فرص زواج كثيرة - ربما من رجل توفت زوجته -ربما من رجل لاينجب من زوجته السابقه - ربما من رجل يريد الاستقرار )

الحل :- بالنقاط اللي ذكرتها لك اقريها وفكري فيها واسالي زوجته السابقه كيف كانت حياتها معه أو خلي ابوك يسال اهل الزوجه السابقه يسال ابوها كيف كانت حياة بنتهم معه هل هو يهينها هل هو يضربها ..اذا كان الوضع كذا فتطلقي منه افضل لك وابرك لك

[waiting]

الله يوفقك بحيآتك ..~

[روز بااريس]

مو عشان خايفه تفشلين بالزواج مرة ثانيه تضحين بحياتك لا

اذا هو سيئ بيجبرك على الطلاق ويمكن يكون وقتها عندك عيال

استخيري وشوفي رأيي ابوك وامك

والله يكتب لك اللي فيه الخير