انجدوني عطوني حل لعلتي

[أميرة الوعود]

السلام عليكم ورحمة الله وبركاته
بنات انا كنت راسله لكم موضوع بخصوص امي لما كانت تعبانه
وتعبها خذا له 7 ايام وانا مو من سكان الرياض المهم رحت لهم وجلست 7 ايام
كلمني زوجي يلومني مع العلم اني حامل في الشهر الثاني وتعبانه بلمره نفسيتي تخيلو يلومني يقول انتي لارح تهشين ولاتنشين عند امك
مارح تفيدينها مع اني اكثر وحده متعلقه بأمي الله يحفظها يارب
زوجي انا احس اني اكره تصرفاته يعني احس انه ما اقول شك لا حب استطلاع يعني دايم اذا رحت المطبخ ياخذ جوالي يفتش فيه انا مره اتضايق لو انا خايفه من شي ماخليه قدامه يعني لو يفتحه قدامي احسن ويحب يتصنت على مكالماتي كلها
مادري ليه هو كذا دامه مو واثق ليه خطبني من الاساس
انجدوني بليز

[Mقمة البرااااائهM]

حبيبتي....خليه يفتش أنتي واثقه من نفسج....عيب عليه....وحاولي ماتتكلمين في التيلفون بوجوده..يوووم يرووح تكلمي ع رااااحتج....قوليله فتش من اليوم لين باجر...ماعتقد أنك بتحصل شي يسئ لي أو يسئ لك....أنا بنت ناااااس ومرباااايه أحسن تربيه...شو اللي يحدك تفتش تيلفوني...لا تسكتين لأنه بيتمادى....الريال من البدايه وقفيه عند حده....وامج حطيها فووووق رااااسج...وروحيلهاااا وجبري بخاطرهااا ولا تقوليلها أي شي عن زوجج..وعن حياتكم..لأن قلب الأم مايتحمل يشوف ضناه فيه شي.....

[جولى الأرووبه]

عزيزتى والله الى يسوى كذا أعرفى تماما انو موطبيعى
ومعروف انه راح يفتش
وراك ورح يكون يشك فى كل الى حواليه
كثير بنات اعرفهم أزواجهم زى كذا وفى النهايه يطلع عند ازواجهم بلاوى
وخيانات وبنت اختى زوجها زى كذا بس يفتش فى جوالها حتى بين أغراضها وطلع الأخ اكبر مغازل فى الدنيا اكتشفته بنت اختى عن طريق جواله
حاط اسماء رجال وهم فى الأساس حرررريم
خلك حذره عزيزتى ومعليش اذا قلت كلام يجرحك
بس خليك منتبها علا بيتك وزوجك
وشكرا

[أميرة الوعود]

الله يوفقكم على ردودكم وانا بحاول معاه وانا واثقة الحمدلله من نفسي وانا قبل لااسوي شي افكر بالله ثم باهلي لان انا بنت ناس لكن اذا مره وصلت معي منه رح اقلب عليه قلبه مو طبيعيه لان عنده حب استطلاع زايد حتى قبل شوي اكلم اخته وانا اسوي لي نعناع ولما قفلت قال وش فيه سمعتك تقولين لا والله بذمتك قلت من جدك انت هاذي سوالف حريم ماحب اسولف عن حريم عندك وانا والله وحده مررررررره طفشت يبي يعرف كل شي كل شي
يارب صبرني

[ام عبودى]

انا زوجى نفس الشئ لكن ما يفتش جوالى لى ان ما عطينى جوال ابدا رح تقولى كيف تكلمين امك كل اسبوعين هو لى يدق ولا يخلى احد يدق على00 جوالوا00 واذا كلمتهم وهو جالس00 اكيد لى ان ما يفارقنى وقت المكالمه يطلع الف قصة وصدقنى ارقام اهلى ما اعرفها واذا جبت رقم اقول ما يدرى الواحد ويش يصير فيه ياخذها ويقطعها وجوالته دايما مقفله وحاط رموز يعنى ما اقدر افتح جوال ولاشئ وانا اقول له طيب لو يصير شئ لى امه 000او احد يموت يقول00 راح تروحى تبكين وترجعى بس كل هذا من خوفى وخوف الاهل وانا ما اسافر لهم الا كل سنه او وسنتين وعندى اطفال يعنى لى يشوف مصيبة غيره تهون عليه مصيبته اصبرى حاولى تناقشى ولاتتركين نفسك ولا تخافى لى ان الخوف هو السبب واذا مافى اولاد الان افضل وقت لى ان اذا فيه اولاد رح تندمى واذا كان يحبك يمكن يكون هذه هى النتيجه خذيها نصيحه لا تخافى ونا قشى فى الموضوع لى ان هذا حقك ولا تسكتى مثلى وبعدين تندمى وصبرى ان الله مع الصبرين

[Mقمة البرااااائهM]

عورتي قلبي ياأم عبودي......ليش جيه .....نواطير مب أزووووواج....الله يعينكم......

[بنت الريف]

الله يكووووووووووون بعونكم ويسر أمركم

[زهرة اللوتس]

ياحياتي الله يعينكم والله عورتو قلبي ماحب الظلم ليش هويتصرف على كيفه ............اصبروا ونا قشوهم ليش يتصرفون كذا وخذوهم بالكلام الحلو واذا مانفع لالالازم تشوفون حل لهالمشكله ..الله معكم واكثروا من الدعاء ان الله يسخرهم لكم ويهديهم ويصلحهم لكم..

[الشوق عطري]

الله يعنكم والله عوتروا قلبي

من اشوف هالبلاوي وهالكلام والله صرت اخاف من الزواج اقول خيلني في بيت اهلي افضل الي

والله يهديهم وياكم

بس ترى ما يصير يقطع صله الارحام يا بنات و الله ما يصر كل شي ولا صله الرحم

[دلع]

قولي له امي لو اجلس عندها بدون هش ولا نش ارتاح نفسيا وهي بعد ترتاح نفسيا شوفتها تسوى الدنيا..وطنشيه ماعليك منه..
واذا على تفتيش الجوال من متى هو يفتشه يمكن انت لانك حامل صرتي حساسه وتدققين ..الحمل يتعب النفسيه ويخلي الوحده افكارها تودي وتجيب..
وخذيها قاعده اللي زوجها يسوي حركات زي كذا يكون هو نفسه عنده بلاوي ومصايب..
الله ييسر اموركم ويديم المحبه عليكم