الحزينه.. احتمال اجهاض

[العنود الحزينه]

السلام عليكم ورحمه الله وبركاته

ليست المره الاولى التي ادخل هذا المنتدى المبارك دشيت رمضان لي طاف كنت حامل فول شهر وقدر الله مالي فيه نصيب نزلت علي إفرازات بنيه وبعدين صار ينزل قطع

الشهر لي طاف حللت وطلع حمل الحمد لله يعني اخر دوره كانت 15/3 المهم الاسبوع لي طاف حسيت انه في شي نزل علي يوم تشيكت لقيت قطعه كانها كبد زعلت وحزنت وتميت اصيح لين قلت بس

المهم عقب هالقطعه نزل شوي دم وبعدين مافي دم بس إفرازات بنيه موجوده مب وااايد نفس العام اتصلت على الدكتوره قالت لي أشوفج يوم الثلاث عقب يومين يعني

بس ما فيني صبر أنا حزنت انه راح ولكن قدره رب العالمين أقوى من اي شي ثاني

أنا اسفه بنات طولت بس ابي اسمع غير صوتي بالموضوع لانه حتى هلي ما قلت لهم شصار معاي
من صار معاه جذي وهل ممكن يكون بعده ولا راح

[الفقيرة الى الله]

الله يرزقش يارب ليش الثلاثاء روحي اي عياده احتمال مانزل ويإطوك مثبتات

واذا نزل الله كريم والله يرزقك الله مايسوي الا الزين

[عقيلة]

يا حبيبتي ما تزعلي أنشاء الله ما يكون نزل وفي كل حال ما تزعلي إذا كان سقط اهذا إبتلاء من رب العالمين لازم تصبري راح يعوضك

[جرح البعاد]

ان شاء الله مايكون نزل يالغاليه ساعات الوحده تنزف ولايروح الحمل الله ييسر لك ويرضي قلبك بس المفروض رحتي تطمني وسويتي اشعه عشان نفسيتك ماتجلسين تحاتين وخايفه اقطعي الشك باليقين وتوكلي على الله اذا كان راح امر الله ومالنا الا الرضا بمايقسمه رب العالمين والخيره فيما اختاره الله

[ام اسكندر]

ان شاء الله ربي يطمن قلبك يارب

[angel2012]

الله يطمئن قلبك يرأب ويثبته لك ان شاء الله واذا نزل يعوضك بتوائم يااااااااارب
وكلي أمرك لله وقولي حسبي الله الذي لا اله الا هو عليه توكلت وهو رب العرش العظيم سبع مرات يوميا
واذا طاح قولي اللهم إجرني في مصيبتي واخلفني خيرا منها
الله يريح بالك

[العنود الحزينه]

ياالله يا كريم تحرمنا برحمتك شاكرتلكم مرور كم الطيب وشعور كم الرائع
يعطيكم الف عافيه والله يرزقنا الثبات عند الصدمة الاولى

[أسيرة عيونه]

الله يثبته ياارب

[عطر الانفآس]

لاتحزنين يـ قلبي ترى الحاالهـ النفسيه تأثر عليك بكل حالاتك,,
كثيررر بنات يسقطوا والحمد لله ع كل حااال ..طمنينا عنك ولاتهملين نفسك ؟؟؟ حررام و المفروض رحتي للطوارئ !!
لاتهملي نفسك واهم شي النفسيه وربي مايكتب لك الا كل اللي فيه خير لك .. ربي يسهل اموورك ان شاءالله ويكتب لك اللي فيه الخيرر

[ام هداية]

الله ايكون في عونك لان الاجهاض امر محزن جدا وهدا عن تجربة لاني من 13 يوم بس فقدت جنيني ولله الحمد ومعليش عسى ان تكلرهوا شيئا وهو خير لكم والمهم سلامتك انتي وربي يعوضك خير