مجروحه اه ياقلبي

[كبرتني يأهم]

السلام عليكم

بنات ساعدوني باخذ برايكم ماعاد فيني عقل افكر فيه

انجرحت تحطمت ثقتي بنفسي مهزوووووزه

-----------------------------
بنات انا ساكنه فوق اهل زوجي ولي خصوصيتي ناكل في بيتنا معدا في المناسبات واذا جاء ظيوووووف
زوجي ماشوفه الا بعد العشاء عنده دوامين
انا كل مغرب انزل عند اهل زوجي البس والبس عيالي واذا عندي حلى سويت قهوه ونزلت فيه
انا جدا هاديه ماسولف لاني ماطلع ابدا ومالي احد بالمنطقه اللي انا فيها
---------------------------------
المهم اختهم الكبيره موجوده من كم شهر عندها مشاكل من زوجها
نزلت الخميس فيه سوء تفاهم بيني انا وزوجي
كنت موجوده انا واخت الكبيره قال كلمه يبغى يستفزني فيها
لما طلع قلت انا سامج يبغى يتحركش فيني قدامك
---------------------------------------
بعده بيومين لما نزلت كانت امه معصبه واخته وخواته 2 بالجامعه
وقالت امه ماسمح لك تسبين ولدي
قلت انا انتي على عيني وراسي بس ماسمح لبنتك اطلع الكلمه اللي قلتها زوجي يسوى عيوني بس كنت متنرفزه منه المفروض تنصحني على جنب مو تفتن بينا
000000000000000000000000
المهم استلموني كلهم قالوا انتي ماتضحكين وماتسولفين احمدي ربكزوجك حاطك بعيونه ومو حق سهر وسفر
المهم قالوا كلام كبير كثير

انا انصدمت باختهم الكبيره ان هذا طلع منها
انا مامسكت نفسي بكيت قدامهم وقدام بزارينا وطلعت شقتي
--------------------------
انا خبرت زوجي خفت يعرف منهم وقالي انتي تعرفين اللي بينا وتستاهلين ليش تتكلميين مالقوا عليك شي غر الكلمه هذي
0000000000000000000000000
بنااااااااااات انا متعوده انزل كل يومين بس اللحين مو قادره انزل احس كرهتهم ماني متخيله الموقف اللي حطوني فيه سببو مشكله وهي ماتسووووى
انا من الميانه تكلمت لاني فيه بيني انا واخته الكبيره ميانه
سوت فيها حميه لخووووه وانا بنت متربيه ومحافظه اكثر منهم واكثر من زوجي ومحترمه نفسي
بس مدري ليش تحاملوا علي
يمكن عشاني اكشخ و
انا وبزاريني او يمكن فيه سبب بس امس انفجرو علي لو فيه شي قالوووووه
00000000000000000000
المشكله اختهم جايه من منطقه ثانيه وبتجلس 3 ايام يعني بتمشي الجمعه بس مقدر انزل وكيف اشرح لزوجي اني مجروحه ومين اقعد معه واسولف معه
انا لما بكيت اطلع وتركووني انصدموا بردت فعلي لاني فعلن انظلمت بتفكيرهم لو اعتبروني مثل بنتهم ماوجهوني كلهم رغم انهم متباعدين كلن لاهي بحاله
-------------------------------
انا حساسه جدا وافكر فيهم ماعرف احد غيرهم
وخالتي ام زوجي تقولي مسامحه لاتنزلين اذا انتي بتسكتين
اهل بمنطقه ثانيه وامي مريضه
واخوات زوجي بس يستلمون الناس وهذا مو طبعي 00000
-------------------------
ابغى حل قبل العصر كيف انزل انزل بعد العشاء اسلم واطلع
انزل بقهوتي رغم اني مجروحه مابغهم يحسون اني سامحتهم
او اكشخ وانزل المغرب واطلع العشاء
او اسحب عليهم --

00000000000000000000
افكرررررري مشتته حسبي الله عليهم
ممكن غلطت بس مالتمسو لي عذرا على طووووول قبسوا علي

[فوضت امري لله]

حبيبتي انتي حطيتي المشكله وتبين لها حل

شوفي ياقلبي خوذيها قاعده لاتقولين فلانه امون عليها بقول لها اللي بقلبي

أولا

زوجك لما قال الكلمه قدام اخته المفروض انتي سكتي
ولما يرجع تفاهمي معه طبعااا اذا كانت الكلمه تستاهل الواحد

يأخذ بخاطره عليهااااااا

ثانيا

انتي قلتي انه اخت زوجك بينها وبين زوجها مشاكل

ياقلبي الغيره تسوي بلاوي يمكن غارت منك وافتعلت المشاكل


ثالثا\

روحي لهم عادي وسلمي عليهم وخمس دقايق وارجعي لشقتك


حبيبتي انا ساكنه لحالي والحمدلله مرتاحه جدااااا

صحيح اهلي بعيد

بس المهم اني بعيده عن مشاكل اهل زوجي

واذا قابلتهم رسميه جداااااا معهم ولي هيبه مره

ولا يقدرون يلقون علي شي ابد

اذا جوا عندي رحبت وهليت بس مااسولف ابد ابد----

يعني رسميه مره مره---------------------------------

[قلبي يهواك]

شوفي يالغلا انتي من البدايه ليش ماطلبتي بيت مستقل عنهم
وارتحتي من غثاهم وهمهم00
والله لو انا ما اسكت لهم وانتي غلطتي لما بكيتي قدامهم كان سكتي لين يخلصو كلامهم وطلعتي لبيتك واذا جاء زوجك تقولين الي صار له واسحبي عليهم والي مايبينا مانبيه حتى لو كان غالي
والا اذا ضروري تنزلين انزلي وقت المغرب ساعه واطلعي وخليك كاشخه وساكته ولا تجاملينهم في شي
والله يكون في عونك حولي تطلبي بيت لحالك

[كبرتني يأهم]

فوضت امري لله 00 يعطيك الف عافيه فعلا لازم امسك نفسي وماترك لهم مجال يلقون علي شي بس راحت المهم شاكره لك يقلبي

انا وبس000تسلمين يالغاليه انا ماشرطت بيت لحالي لان لي شقه كامله ومادخل بحياة احد بس هم يزعلون عشان زوجي مخليني على راحتي مايطلب مني اخدمهم تحت
وهم قرايبي يعني ماقدرنا نطلب بيت بحالي ويعطيك الف عافيه

[كبرتني يأهم]

بنات زوجي قالي بجيب حلى من برا
وبنسوي قهوه وراح ننزل عشان تسلمين على اختي وتهدا النفوس ولاتفتحين السالفه
انا بجلس معك واذا اذن المغرب استاذني واطلعي لشقتك

قلت خلها بكره انزل لاني مو قادره ابلع السالفه قال ماراح ترتاحي لمين تتقابلوا بعدها بكيفك

طبعا مافيني ارفض طلبه بس فيني غصه يارب تعيني

اذا عندكم دعاء يهدي النفس خبروووووووني

[ملكــــ الاحســــاس ــــة]

الله يعينك اختي

[أمووله]

حبيبتي شوفي الحقران يقطع المصران
اسمعي كلام زوجك والبسي
واكشخي وانزلي ولاكأن شي حصل بالعكس هما لما يشوفوك مطنشه الموضوع
راح ينقهروا من تصرفك والكلام في الماضي نقصان في العقل
بالعكس اضحكي وسولفي حتى لو مع زوجك علشان يعرفوا
انكم تصافيتوا هذا عن تجربه مني وربي اني اطنشهم طناااش
وهم يرجعون ويسولفون غصب عنهم
وربي ييسر لك امرك ويوفقك بحياتك ويبعد عنك كيد الكائدين

[كبرتني يأهم]

ربي يرضى عليكم انتم عطيتوووووون دافع قوي

وان شاء الله يارب ماتنحطون بموووووووووقفي

[فوضت امري لله]

حبيبتي بقولك شي انا انحطيت بموقف اكبر من موقف

والله يأختي انه مواقف مو واحد اة اثنين


وكله ليه دايما ساكته بس زوجي عرفني اني موراعيه هرج وعرف انه مستحيل

اسوي اللي يقولنه------

بس الحمدلله هرجوا هرجوا

ومازالوا وانا اذن من طين واذن من عجين

ادري من القهر يهرجون

والله ياأختي لو اقول لك المواقف

بيشيب راسك بس الحمدلله ربي عطاني صبر واحمده واشكر فضله

يعني الموقف اللي انتي فيه بالنسبه لي شي عادي جدااااا

تعوذي من ابليس

وقبل لاتروحين لهم قولي دعاء لقاء العدو

بينك وبين نفسك وبإذن الله مابصير اي شي وخليك واثقه من نفسك

وكل ضربه بتعلم ياقلبي

وخلاص توبي لا تمونين على احد

واذا تضايقتي تعالي لقسم تحفيظ القران

_____________________________

[دنيا جديدة]

حبيبتي كبري عقلك و هدي حالك و بلاش من الحساسية.أنا شايفة انو الموضوع بسيط و انتي مزودتيه
اعتبري امك او اختك عملوا هيك رح تتغاضي عن الموضوع
و مالهم بيت الاحما و الله متلهم ما في
انا ساكنة في نفس العمارة مع سلفات و بيت حماي و الله بفزعولي اكتر من اهلي و اخته الكبيرة بمقام امي و بس احتاجها بشي و لو الغلط على اخوها بتقول كلمة الحق
طولي بالك و حبيهم و عامليهم متل اهلك صدقيني بعتبروكي وحدة منهم
و لا تخلي الشيطان يوسوسلك.عند اليجاب ما حد بزعل اهلوا كرمال مرته