تعتقدون في امل ان يبان الحمل في الدم ؟؟

[حنـان]

السلام عليكم

يابنات انا محتارة مووت

انا الدورة تجيني كل 35 او 40 يوم بالكثير

يعني كل دورة تييني بموعدها واذا تتاخر يوم او يومين بالكثير

المهم ما اطول عليكم ان قبل موعد الدورة ب4 ايام تقريبا نزل دم وردي بعد الجماع لمدة يومين بس كان خفيف وااايد

ومانزلت الدورة بموعدها ما اهتميت ان متعودة على حركاتها


الموهم ان بعد اسبوع من فات موعد الدورة نزل مني نقاط دم لونه بني ودكتوري قال لي هذي بشارة حمل بس ارتاحي في الفراش ولاتقومين

ما حللت لان انا وحده معقده من التحاليل

استمر عندي افراز بني ماكان ينزل وحتى وانتوا بكرامة الكير فري تبقى نظيفه بس اذا مسحت المنطقة بمنديل اشوف الافراز وخفيييييييييييييييييييييييييييييييييييييف

وقف يوم وحصل جماع وبعد الجماع مباشرة نزل دم لونه بني

خفت ورحت اغتسلت ويوم طلعت من الحمام مسحت بمنديل شفت قطعة دم متجلطه صغيرة بحجم حبة اللوبياء وبعدها وقف الدم >> سألت عنها الدكتور قال لي عادي طبيعية

وصار ينزل الافراز البني اللي كان ينزل قبل ومثل ماقلت لكم ان الافراز ما كانت اشوفه الا اذا مسحت المنطقه بمنديل وخفيييف وااااايد


استمر الافراز على نفس الطريقة لمدة اسبوعين والدكتور مانعني من الحركة القوية والشغل في البيت كل اللي اسويه ان اروح بيت اهلي ايلس عندهم من الظهر لليل وبعدين ارد بيتي

بعد مافات على موعد الدورة 20 يوم اخذت تحليل من الصيدلية وطلع لي خط واحد

بس احس نفسيتي زفت كنت متفائلة واايد

تعتقدون في امل ان يبان الحمل في الدم ؟؟
من صار لها مثلي وطلعت حامل ؟؟

للعلم ان جميع الاعراض اللي تصير لي قبل لاتنزل الدورة من تاخرت الدورة للحين واهي معاي

مثل اسهال والم اسفل البطن ولوعه
والصداع كان يوم اللي بتنزل الدورة احس فيه وبمجرد يروح الصداع تنزل الدورة بس الحين اوقات احس بالصداع بيتفجر راسي وبعدين يروح الصداع من غير ماتنزل بس مو يوميا احس في الصداع

وعندي وخز في الصدر

واوقات احس بشد في منطقة السره كان شي داخل البطن يشد السرة لتحت

ونفسيتي مسدودة عن الاكل واقل شي آكله أشبع

بكره راح احلل دم بس مو قادره اصبر ونفسيتي دمار قلت اسالكم تريحون بالي الله يريح بالكم

ودكتوري كلما خبرته باللي يصير لي يقول لي طبيعي وعادي ودليل على وجود الحمل
بس مستغربة من نتيجة التحليل وللحين مااتصلت للدكتور بخصوص التحليل ان شاء الله الظهر بخبره

بس الحين انتظر ردودكم تطمنوني بلييييز

[قلب أحمد]

يا قلبي ربي يفرحك ان شاء الله في الحمل

انا صار معي كذا ينزل مني دم خفيف يومين وبعدين افرازات بنيه

واخذت تحليل حمل قبل الدوره بيوم وطلع اجابي بس ما اكتمل حملي ربي يعوضني

[حنـان]

المشاركة الأصلية كتبت بواسطة قلب أحمد

يا قلبي ربي يفرحك ان شاء الله في الحمل

انا صار معي كذا ينزل مني دم خفيف يومين وبعدين افرازات بنيه

واخذت تحليل حمل قبل الدوره بيوم وطلع اجابي بس ما اكتمل حملي ربي يعوضني

تسلمين يالغلا والله يعوض عليج ويفرحج بالذرية الصالحة يااااااارب

[الورده الذابله]

الله يفرح قلبك وتتبشري بالحمل عن قريب حبيبتي

[حنـان]

المشاركة الأصلية كتبت بواسطة الورده الذابله

الله يفرح قلبك وتتبشري بالحمل عن قريب حبيبتي

تسلمين حبيبتي جميعا ياارب
الله يسمع منج

[حنـان]

29 مشاهدة للموضوع ردين بس ؟؟

[حنـان]

اممممممممممم

عموما اللي ردوا علي مشكورين وجزاكم الله الف خير

واللي دخلوا وما ردوا بعد مشكورين

[فوضت امري لله]

حبيبتي حنان يارب يرزقك التؤام المعافى يارب العالمين

لاتفكرين بالحمل وانسي لان العلاج نصفه من الحاله النفسيه

يارب ييسر امرك ويفرح نظرتك بالذريه الصالحه--------------------------

[حنـان]

المشاركة الأصلية كتبت بواسطة فوضت امري لله

حبيبتي حنان يارب يرزقك التؤام المعافى يارب العالمين

لاتفكرين بالحمل وانسي لان العلاج نصفه من الحاله النفسيه

يارب ييسر امرك ويفرح نظرتك بالذريه الصالحه--------------------------

الله يسمع منج يالغلا

مشكلتي ياختج كلما قررت انسى امر الحمل بمجرد تاخير الدوره يوم او يومين يبدأ التفكير مايوقف

تسلمين حبيبتي ع الدعوة موفقة ان شاء الله

[أسيرة زوجي]

حبيبتي الله يناولك إلي في بالك يا رب و يكرمك بالحمل السليم المعافى يا قادر يا كريم

أنا في موعد الدورة نزل منى نقاط دم و استمرت بافرازات بنية لمدة يومين، و اجتنبت الجماع لغاية ما رحت للدكتور و بشرني بالحمل ، بس لازم أريح لمدة 10 أيام ما أقوم من الفراش ، و أرجع للدكتورليطمن

الله يطمنك يا رب