بنات صحيح ان بعد كل قيصريه تلاحظوا ان ال!!!!!

[بروق الحياة]

اللي ولاداتها كلها قيصريه تلاحظوا بعد كل عمليه بطنك تكبر زياااده لأني هذا اللي لاحظته بنفسي وقبل شهر كنت مسويه القيصريه الثالثه واللي يشوفني يقول حامل بالشهر السادس
بناات فيه أمل ان البطن تصغر يعني ينفع الرجيم ولا الرجيم بس مسألة ان كل شي في جسمك ينحف الا بطنك اللي جربت الرجيم تقول لنا تجربتها ولا تقولوا لي سوي تمارين لأن التمارين الرياضيه ممنوعه الين نكمل على الأقل سنه وهل المشي ينفع لشد البطن

صارت معاااي عقده نفسيه من البطن كل ماشوف بنت او اي وحده اول شي اطالع في بطنها

[ام اسكندر]

المفروض ماتحملي بالثاني الا وقد نزلتي كرشتك وخليتي بطنك لاصقة بظهرك

وطبعا هذا بجهاد

ترى انا الحمدلله بعد قيصريتي نزلت بطني لهذا الحد

مع اني مع الاربعين كنت كأني بالثامن مو بالسادس زيك تراني كنت اسوء

بس ما استسلمت لرسايل الحريم السلبية حق ان القيصرية حيكون عندها كرش لانها ماتعرف تربط مشد

ولله رحت للدكتورة وسالتها قالت لي سوي تمارين البطن وحمية

وفعلا ماكنت اكل الدهون والسكريات

كانو يضيفو الحريم بالاربعين حلا ومقليات وانا ولا اقرب منهم
وما ارضى احط سمن في الاكل

وبعد الاربعين استمريت ع تخفيف الزيت والدهون والسكريات

اضافة الى التمارين
على فكرة قالت لي الدكتورة ان تمارين البطن عادي ممكن ابدأ فيها من شهر بعد القيصري

واللي حمسني انحف زيادة ان عرس قريبتي بعد 7 شهور من ولادتي

كانت ملكتها بعد 3 شهور من ولادتي ولله رحت وبطني كأني بالشهر الرابع بارزة في الفستان

بس مع الفرح كان بعد 7 شهور من ولادتي رحت وانا كرشي بح خلاص ماهو موجود

مايبين علي اني حملت وولدت ولله احسن من العازبات

بس يبيله جهاد لاتتوقعيه يجي بالسهالة

لازم تتحملي وتحاولي وتحاولي وتستمري

ولا تستمعي لرسايل الحريم السلبية ان القيصرية يكون معاها كرش دايم

وكنصيحة لك مرة قريت لواحدة انها تتفق مع دكتورتها ان اثناء عملية القيصرية تشفط دهون كمان
وتضرب عصفورين بحجر
عمليتين بعملية واحدة

لا تستني لقيصريتك الرابعة عشان تطلبي دكتورتك ذا الطلب وانما حاولي من الان مارسي تمارين البطن وابشري خلال شهر حتلاحظي كيف تنزل كرشتك

اضافة الى الحمية من الدهون والسكريات

تفضلي هذي المواضيع حتفيدك

http://forum.hwaml.com/t66691.html

http://forum.hwaml.com/t69439.html

http://forum.hwaml.com/t46044.html

والمهم هو الارادة والاستمرارية
مو يوم تسويها ويومين لا
استمري يوميا لشهور لين تنزل تماااااااااااااااااااااما

والله يسهل لك