تاخر حملي و مادري شنو الاسباب ؟؟ افيدوووني

[Baby-D]

السلام عليكم و رحمه الله و بركاته هذي اول مره اشارك بمنتدى و اتمنا انكم تفيدوني حبيباااتي
انا عمري 25 سنه متزوجه من اربع شهوور و خاطري بيبيي فوق ما تتصورون ، و الي صار معاي كالتلي ، قبل زواجي كانت دورتي منتظمه كل 28 يوم و مدتها ست ايام و لكن بثالث شهر زواج تاخرت الدوره اربع ايام و كان تحليل الدم سلبي و نزلت الدوره اما الشهر الرابع تاخرت الدوره تسع ايام و كان معاها اعراض حمل مثل وخز بالصدر و لوعه الصبح و صداع و خمول و بالاضافه لهذا كان تحليل الدم ايجابي بيوم الدوره و قبل موعد الدوره بيومين حللت تحليل هرموني و كانت نسبه الهرمون 12.5 و بنفس يوم الدوره زاد لي 34.8 و قالولي مبروك حامل و لكن بس تسع ايام نزلت الدوره و كان عبالي اني اجهضت فراجعت دكتوره و قالت لي الي صار معاج حمل كيميائي و عملت تحليل و سونار و كلها الحمدلله تمام و الحين انا بفتره التبويض و احس باوعه و غازات مو طبيعيه بالبطن مع وخز بجهه اليسار هل هذا طبيعي ؟ او دليل على عدم حدوث حمل
اسفه طولت عليييكم بس صج اتمنا تفيدوني لاني تعبت و حتى امي ملت من اسئلتي. وشكرا