مشكلتي مع اخواتي

[لولا الامل]

مساء الخير
في البدايه اختي الكبيره ظلمتني وبعدين اعتذرت ببرود
بعدين راحت تشيش اختي الاصغر مني علي وقالتلها سالفه قديمه وزادت فيها كذب
كلمتني اختي الاصغر مني معصبه وسكرت قمت انا قلت لها تراها تقول من وراك كلام برساله
بعدين صارو ثنتينهم يرسلون لي سب
وانا غلطت ورديت عليهم
قالو لا تجتمعين معنا في بيت ابوي لان امي متوفيه
جلست فتره ما اجتمع معهم
بعدين جاء عزاء جدتي وانا اسلم بكل حراره وهم بكل برود
ابوي قال لاختي الكبيره تتصل علي ورديت عليها وسلمت
بعدين راحو وكذبو علي عند ابوي اني انا سبب المشكله وانهم بريائات
وبعدها بيوم ارسلو لي لاتجتمعين معنا يعني صايرين منافقات قدام ابوي يكلموني وينك ومن راه يرسلون سب
انا وريت ابوي رسايلهم الاخيره وقلتله القصه كلها واني بعد اخطيت لكن يعلم الله اني ندمت
وقال ابوي اذا اجتمعو تعالي وفعلا جيت وسلمت وهم بكل برودولامبالاه
بعدين ولدت اختي الكبيره ولا علمتني ارسلت لكل الا انا قمت ارسلتلها رساله مبروك والحمد الله على السلامه
استحت وارسلتلي من بكره قمت انا واتصلت عليها وباركت لها وقلت لها بجيك فالمستشفى وبجيب غداك من بكره سكتت
من بكره سويت غداها بروح الا هي ترسل قبل العصر بربع ساعه انا بطلع بعد الصلاه من المستشفى انا انقهرت طيب ليش ماقلتي كان ماسويت الغداء والا اتصلتي واعتذرتي
وبعدين دقيت عليها وهي في نفاسها قالت منتيب جايه لي قلت الا بس ماادري متى قالت بتجيني مرة خالي نهاية الاسبوع بس مادري اي يوم قلت خلاص ارسلي لي رساله علشان اجي اذا بتجيك يسير عندك احد وجتها مرة خالي ولا قالت لي
ومره جيت لهلي وحده منهم مانزلت تسلم علي
وش الحل لاني اخاف من قطيعة الرحم بس اذا رحت لهلي اتعب بعدها نفسيا منهم
والحين كاذبين علي عند ابوي يقولون حنا ارسلنا لها تجي بس ماجت وهم يكذبون حسبي الله وكفى

[~ نوون ~]

الله يصلح حالكم ويحنن قلبكم على بعض

الله يوفقك

[sahab]

الله يعينك حاسة فيك والله <<نفس حالتي

انا ابوي متوفي وامي الله يهديها

واصغر خواتي وصايرة ممسحة

وكلا نصاايح يحقرون فيني ويسبوني وكله ذا من باب النصح <<ياحمارة ياكلبة الخ

من انخطبت لين تزوجت وصرت ام وكلا نصايح بايخة وتحقررر وتدخل في حياتي

ولجادلتهم يطلعوني انا الغلطانة

هذا ثالث اسبووع ماروح جمعتهم

بشووف لمتى بيحترمووني

وماخفيا اعظم

اكييد انتي طيبة عشان كذه يعملونك هالمعاملة

وسعي صدرك وماعليك من احد

شوفي انا اليوم مارحت لهم قلت ليه اغلق روحي

رحت طلعت مع زوجي وتمشيناا

جيتك ياعبد المعين لتعين لقيتك ياعبد المعين تنعاان ههههه

الله يهديك اهلك واهلي اامين يااارب

[نونه الحنونه1]

اللله يعينكم والله
ماادري ايش اقول
غير الله يهديهن

[فضــــــ بينكم ــــولية]

ممكن أقول رأيي بصراحة بس ما تزعلوا مني؟؟
بصراحة أنا شايفة إنه هذا كله كأنه لعب أطفال بس مكبرين السالفة ع الفاضي
أحسن شي تعمليه تصيديهم إذا كانوا مجتمعين بمكان و تروحيلهم و تكلميهم و تقولي إنك تريدي تقولي شي بس يسمعوكِ للآخر
و قوليلهم خلاص خلونا نخلص ها اللعبة, و قوليلهم إنك شايفة إنه هذا لعب عيال, و قوليلهم إنك سامحتيهم و امسحي كل ها الرسايل اللي رسلوها من على تليفونك و خليهم هما كمان يمسحوها من عندهم, و بوسيهم و احضنيهم و قوليلهم احنا اخوات لازم نخاف على بعض و نكون مثل شخص واحد
و مبروك لأختك ^_^

[أم القمر فيصل]

حبيبتى لا تحطى تصرفاتهم ببالك والله يغنيك عنهم بزوجك وورعانك ومهما يسوون سلمى عادى
يعنى مافى داعى للحرارة والاشواق اللى تعامليهم بيه
عيشى حياتك ولا تخربينها كلها بسببهم فهم مجرد جزء بحياتك

[روز بااريس]

والله الخوات م يتعوضون ابداااا

طبيعي ياثر فيك اللي يصير

اذا اجتمعتوا افتحي الموضوع اللي انتي غلطتي فيه وبيني وجهة نظرك واعتذري وتصافوا وبلاش حركات الرسايل خواتك ومالك غنى عنهم ومحد يعوض مكانهم خصوصا ان امك متوفيه

لو انتي ماغلطتي ابد ويستلعنون كذا بقولك اتركيهم بس انتي بعد غلطتي يمكن شايلين عليك

[سماء الاحساء]

الابن ينسى ابووه
والاخو يظلم اخوه
واعلى الدنيا السلااااام
نشوووف الحرب والمحارب والقتل والعداء ونقول الحمدلله على الامن والاستقرار الحياة اكبر من هاللي انتوا فيه الله يصلحكم ويجمعكم ع الخير دوووم ترى ماينفعنه الا العمل الصالح والكلمه الحلوه وياريت يعرفوا ان الدنيا دواره وان امكممو مرتاحه وانتوا عايشين بهالكره ممممممممممممممممممممممممممممممممممممممممممممم ماذا اكتب وماذا اقول
لكن الله يهدي الجميع الى الصراط السوي