كيف علمتي طفلك دخول الحمام وفي سن كم ؟(ليستفيد الجميع من خبراتكم)

[زوزي]

كيف الحلوين ؟
يالله كل وحدة تحكي لنا معاناتها وخبرتها لتعليم طفلها دخول الحمام وكم كان عمرة ؟
ومواقفكم المضحكة لا تنسووووون
انا عمر بنتي سنة ونصف وما اعرف كيف ابدا
يالله ابدؤووو

[منى]

انا بنتي عمرها سنتين وماعلمتها ماأدري
كيف الطريقه اللي عندها خبره لاتبخل علينا

[زوزي]

شكرا منى ..ننتظر تجاربكم
معقولة ولا رد

[أم لُجين]

أنا عمري بنتي سنتين و8 شهور ، بدأت تعليمها قبل يومين
ولا زلت أجاهد ، أحتاج تشجيع ودعم
علما ً بأني حامل

مين تبدأ معي ونكتب يومياتنا والطرق الناجحة مع أطفالنا ؟

[مودي]

مرحبا انا بنتي سنه وثمنيه شهور وجالسه اعلمها بس عنيده مو راضيه تتعلم

اخت زوجي ولدها عمرو سنتين تعلم من ولد خالتو عمرو اربعه سنوات كان يشوفو كل ما دخل الحمام واتعلم كيف يدخل الحمام وارتاحت
مامتو

[sweet mama]

مرحبا
أنا ابني عمره سبع سنين علمته جدته ام أبوه لما كان عمره سنتين عشان كنت لسة أدرس و كان معاها أغلب الوقت
و بنتي قريب تكمل ثلاث سنوات علمتها لما كان عمرها سنة و نص على كرسي الحمام الصغير تبع الأطفال, أول مرة اشتريته كان كأنه هدية, و الأسرة كلها كانت كأنها تهنيها و تشجعها على استخدامه, و ما كثير شديت عليها في البداية, بس كنت أقولها لما تحس إنه بدها الحمام تقوللي, و كان صعب في البداية مرات ينفع و مرات ما تمسك نفسها, و عذبتني كثير في موضوع البول - أعزكم الله-, و خصوصاً في الليل, بس أهم شي الصبر, و الحمدلله شوية شوية اتعلمت, و لما كبرت صارت إذا عملتها بملابسها لازم إلها عقاب, و كان العقاب نفسي شوي, إني أتركها شوي و كأني ما بدي ألعب معاها و ما بدي تقرب مني, و الحمدلله ها الأيام صارت تستخدمه وحدها بس لسة ما علمتها تستخدم الحمام العادي عشان كبير عليها.
و بالنسبة للمواقف المحرجة فأكثر شي محرج لما الطفل يقوللك بده الحمام قدام الناس, بس شوي بشوي بعودهم يقولولي بأذني

[انثى من زجاج]

حبيباتي طفلي عمره سنتين والحمدلله اتعلم الحمام قبل اسبوعين بس ماشاءالله الله يحميه يارب ويخليه ليا اماعالطريقة فالأسبوع الأول كنت اخليه وانتو بكرامة بدون ملابس تحتية يادوب بس من فوق وطبعا شراب عشان مايبرد ولماأدخل أنا ولا أبوه الحمام لازم يكون معانا عشان يشوف ويتعلم وكان العقاب برضه نفسي أنا ماأحبك ولا أبغى العب معاك ولواحتجت للحمام اجري قدامه للحمام واوقف لعب معاه لمااحتاج الحمام والأسبوع الثاني البسه كلوتات بس كلوت بنايلون عشان يتعود انه يفسخ ملابسه بس يبي لهاصبر وطولة بال وطبعا لفي سجاديد البيت وغطي كنباتك بأغطية نايلون اوسفر وحطي فوقها اغطية بموديلات يامكثرها في السوق وطبعا اكيد لازم تجلسي في البيت هالاسبوعين وماتخرجي ابدا وكل شويتين تسأليه بابا تبغى الحمام وحطي شوكلاتة او بون بونه خاصة للحمام عشان تشجعيه الله يحفظ عيالكم يارب ادعولي بتوم الله يرزق كل محرومة

[أم لُجين]

أفكاركم جميلة ، جاري التطبيق

[أصآآيل]

الله يعطيكم العافيه استفدت منكم بنتي الحين عمرها ثلاث سنوات وخمس شهور ولسى ما فكرت اعلمها



لكن من تجاربكم تشجعت والله .....الف شكر لكم

[ام الوليد 20]

مرحبا ......
انا ولدي الحين عمره ثلاث سنوات وسبعة اشهر بدية معاه لما كان عمره سنة ثمانية اشهر علمته على كرسي الحمام الخاص للطفال في البداية حصلت صعوبه وفي نفس الفتره حصلت على وظيفة وصرت اخذه عن جدة طول الفتره الي اكون فيها ف العمل بمساعدتها الحمد لله شوي شوي بداء يتعلم وكانت تاخذه معاها الحمام عشان يشوف ويتعلم والحمد لله ....
بس يحتاج صبر وطولت بال ...