تجمع الجزائريات الغاليات المتأخرات في الحمل ‏

bassouma · 03-16-2014, 01:50 PM

صبورة كيراكي حنونة لاباس أسماء و الله لكن طامعة بلاك كثر منك بلي راكي حامل بصح ربي يفرج و يرزقك الشهر الجاي

احلى شيء الاموموة · 03-16-2014, 02:09 PM

أمة الرحمان السلفية · 03-16-2014, 02:14 PM

السلام عليكم

bassouma · 03-16-2014, 02:30 PM

و عليكم سلام أمة ريحتي شوية ركي مليحة

أمة الرحمان السلفية · 03-16-2014, 02:32 PM

اقتباس:

المشاركة الأصلية كتبت بواسطة rayhana05

صبورة ياك قلتيلي احكيلي قصة ولادتك
و مادام مهدي راقد دوكا نبروفيتي
شوفي كيما تحركلي السطر كنت في دار شيخي هو بدا يقوى و هي عجوزتي قاتلي روحي شوفي
بصكو الطبيبة اخر مرة قاتلي بلي الختات التحت و كنت خايفة من السيزاريان
كي رحت كانت ال11نتاع الليل و كي شافتني قاتلي مادام مازلتي راكي 1دواء برك
قالولي زيدي ساعة و نزيدو نشوفوك و كانت معايا عجوزتي قاتلي امشي و دوري
من بعد ولات1نتاع الليل ولات شافتني قاتلي مازلتي بصح دوكا نحكموك
و كان معايا قروب نتاع بنات كل وحدة كيفاش
طلعونا بلاسنسور للباطوار قصدي قاعة الولادة في 3اتاج كل وحدة فينا هازة الباقاج نتاعها و ايماجيني مع وحد السطر الله لا اوريه لواحد
من بعد زادو طلعونا وشافونا
وركبولنا وحد الابراي اقولولها التخطيط تقيس قوة السطرة و دقات قلب الجنين
هذي كامل عادي من بعد البنات كامل دارولهم السيروم باش ازيد يقوى السطر و انا قالولي اهبطي التحت ماكيش نتاع زيادة؟؟؟
قتلها علاش حكمتيني مالا قاتلي واش ندير
زدت هبطت بالباقاج نتاعي للتحت هازاتو وحدي
وصلتني عند وحد الكولوار و قاتلي روحي حوسي وين ترقدي
و نطرطق بالبكاء في حياتي مبكيتش كيما هكاك
ملقيتش مام با كرسي نقعد عليه
حتى شافوني بنات عطاوني دي كوات قالولي ارقدي عليهم
اماجيني في الارض و مع السطر و غاضتني روحي و نبكي
مزدتش ساعة التحت و طرطقتلي السقية
رحت نجري للفرملية قتلها معلاباليش واش ساح عليا قاتلي نورمال السقية ديري برك حاشاكم بوند وزاد قوى الوجاع و زاد معاهم البكاء و محبيتش نعيط لراجلي و نحيرو
من بعد على 4نتاع الصباح رحت نبكي للبيرو نتاع الطبيبة قتلها شوفيني ياللحمالديك قاتلي هاوليك البيرو نتاع الساج فام اشوفوك
وحدة ملتات بيا كل وحدة على واش تحكي حتى جات قابلة كبيرة كي شافتني لقاتني 5دواء راحت تجري ليهم قاتلهم هذي رايحة تولد لازم تطلع زدت ضربت ساعة باش طلعوني وليت نزحم فوق الكرسي
و كي طلعوني زادو دارولي التخطيط و الله و الله يا صبورة تقولشي ركبولي التريسيتي و خلاوني من 6نتاع الصباح و هو راكب فيا حتى 7و 45نتاع الصباح و انا نعيط لرب الي خلقني و قريب طيحت الحيط الي بيني و بينهم باش اجيو اشوفوني باسكو خلاوه راكب فيا و راحو
بذراع باش جات شافتني قابلة قتلها على وجه ربي الا رياحة نولد يالله و الا سيزاريان يالله
قاتلي مدام اصبري حتى 9و الا 9و30كيجي الطبيب اديسيدي
تم عيطت لراجلي قتلو ارواح خرجني دوكا
وخلاتني راكية في لاباراي و راحت
نضت انا نحيتها و خرجت من لاسال و انا نسمع في وحدة تعيطلي رحتلها وكان جاء القروب نتاع الصباح قاتلي اطلعي نشوفك انا طلعت و هي قاتلي مدام منعرف حوايجك وين راهم اجري جيبيهم و ارواحي راحي 7دوا
شوفي جيست جبت حوايحي طلعت فوق الطابلة خرج مهدي على 8و15نتاع الصباح و مسكينة كي عرفت بلي طولت باش رفدت
قاتلي مدام هاكي التلفون عيطي لراجلك وخبريه و ازربي باسكو التلفون ممنوع
الله اكثر خيرها مسكينة
يخي عيطتلو قالي متخليهمش امسوك راني جاي
قتلو خلاص راهو جاء مهدي ولا يبكي دمعة و خنونة مسكين
ولدت الحمد لله و شفت اوليدي و خلاوني حتى لل10و30و انا فوق الطابلة نقطر و من بعد لميت حوايجي و وليدي و هبطت للتحت و الي جاو قاع معايا البارح و ركبوله السيروم قاع مزالو سلكت غير انا و خليتهم ماشي نستشفى فيهم بصح تحقرت و الحمد لله ربي مشتاش احشمني
القابلات قليل وين طيحي في وحدة رحمت ربي حاشاك الاغلبية ..............
ربي اطيحكم في بنات عايلة ان شاء الله و اسهل ولادتكم و ان شاء الله ربي يتقبل دعائي
و نفرح بكم في القريب
صبورة هذا القليل برك مقدرتش نكتب
باسكو كون نحكي من الالف للياء متخلاصش

الحمد لله حنونة الى سلكتي على خير وجبتي مهدي ربي يحفظو ويطول عمر ويجعلو ربي من الصالحين كل شيئ يهون كي تشوفي ولدك في حضنك والقابلات ربي يهديهم هما ثاني نسا ويتمرمدو كيما تمرمتي بالحق يحسو بيك رانا في بلااد عندك معريفة تعيش ماعندكش تموت هذ هيا بلادنا ودعوة المظلوم انا كي اجهضت ودخلت سبيطار في البويرة كنت معريفة مع الفرمليات صحب زوجي يخدم ثم عملوني روعة بصح الطبيبة دارت فيا حالة ماننسهاش عندي مادعيت عليها وذرك مانيش نستشفا فيها من الدعوي تع المرضة رهي مشلولة وفي شريطة لوكان تشفيها تقل فرعون ربي يهدينا ويهديهم

أمة الرحمان السلفية · 03-16-2014, 02:34 PM

اقتباس:

المشاركة الأصلية كتبت بواسطة bassouma

و عليكم سلام أمة ريحتي شوية ركي مليحة

اهلا بسومة الحمد لله وانتي كيفاش راكي حنونة

أمة الرحمان السلفية · 03-16-2014, 02:36 PM

أمة الرحمان السلفية · 03-16-2014, 02:37 PM

أمة الرحمان السلفية · 03-16-2014, 02:40 PM

أمة الرحمان السلفية · 03-16-2014, 02:41 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع الغاليات بنات العراااااقالتجمع الجديد	عطر الربيع	ملتقى عضوات حوامل	764	07-06-2014 12:30 PM
الغاليات بنات فلسطين @هنا التجمع الجديد@	عطر الربيع	ملتقى عضوات حوامل	1033	01-21-2014 09:00 PM
التجمع المغربي الجديد لتجديد الامل و مرحبا بكم من كل بلد	chamcham	منتدى علاج العقم و تأخر الحمل	141	12-12-2013 08:26 PM
تجمع الجزائريات المتأخرات في الحمل و أهلين بالتونسيات الغاليات	اميرة الحنان	منتدى علاج العقم و تأخر الحمل	8220	12-11-2013 11:57 PM
هل الحديد والكالسيوم مهمين للبيبي	احلى شعور	إستفسارات حوامل من الشهر السابع إلى الشهر التاسع	4	05-18-2011 02:57 PM