تجمع الجزائريات الغاليات المتأخرات في الحمل ‏

[حياتي قمراتي]

ام نهى ايسقسي عليك االخخير حنونة راني غاية بغيت نسقسي عليك ؟؟
بون نوي

[AMAL JADID]

المشاركة الأصلية كتبت بواسطة أم نهى الجزائرية

لالا حنونة حاشا انا ماشي مزابية انا عربية اصلي من غرداية و ساكنة فيها

واش حوالك يا الزينة كاش جديد

هههههههههههه علاش واش بيهم مزابيا ناس ملاح
حتى اانا عربية و امي قبائلية
المهم رانا كامل جزائريين

[أم نهى الجزائرية]

لبنات فكرتوني في الكارني تاعي انا وراجلي خاصة كي نخرجو فيش فامليال و نلقا الخانة تاع الاولاد مشطوبة كامل تغيضني عمري سبحان الله
لله فكرتوني علابالكم واش قالي هاد الراقي قالي الاية "ويجعل من يشاء عقيما " قالي اذا ربي كتبلك تكوني عقيمعلاه راكي تجري باه الداوي خلي اذا جات مرحبا بيها و اذا ما كانش ما ديري والو قريب خنقتو يعني ربي سبحانه دارنا الدواء و امرنا باتخاذ الاسباب و التوكل عليه سبحانه و النتائج بيده وحده و اكيد لا اعتراض على قضاء الله لكن الانسان يتخذ الاسباب و ينتظر الفرج من رب العباد


و هو جاي يقولي هكذا و الله غاضتني عمري يعني سبحان االله الانسان في حالة يعلم بيها غير ربي و محتاج شكون يقولو كلمة تفرحو و هو يجرح في بطريقة ما تتخيلوهاش كيفاش وقعت علي الهدرة ديالو حبيت نبهدلو و نعتلو كيفاه يهدر مي قلت علاه نخسر كلامي عليه و ديجا راجلي ما يشتيش نكثر الحكي مع راقي
و ا

[أم نهى الجزائرية]

تعيشي خولة حنونتي ربي يخليك واش راهم فليليساتك الزينات يخي لاباس راهم يكبارو بوسيهملي بزاااااااااااااااااااااااااااااااف

حتى يحمارو خديداتهم ههههههههههههههههه

[أم نهى الجزائرية]

لالا حنونة القبايل ماشي كيما لمزاب يختي و الله غير درنا فيهم الثقة و الامان و من بعد غدرو بينا و دارو حوايج الي ما تخطرش على بال انسان عادي انو يديرها صدقيني راهم معولين على حرب اهلية ما يعلم ماداها الا الله

تلقايهم موجدين رواحتيهم للقتال و للمحاربة تقولشي راهم في حرب مسلحين و خخادمين اسلحة حتى يدويا و هذا يبينبلي الشي الي راهم يديرو فيه ماشي كما راهم يحاولو يبينوه للناس كامل بلي دفاع عن النفس على عكس العرب و لكن بلي فتنة مدبرة ومكيدة للغدر بالعرب المالكيين في غرداية ربي ينتقم من الي كان السببو يجعل كيده في نحره و تدميره في تدبيره

[أم نهى الجزائرية]

امل وين رحتي ولا رقدتي ههههههههه

كي تحبي تروحي قوليلي باه ما نبقاش نسنى وحدي راني ميتة بالعيا مي خنقني هذاكك الراقي و حبيت نفضفض شويقبل مانروح نرقد

[bara]

صباح الخير

[bassouma]

صباح الخير لبنات شكون راهي هنا

[rayhana05]

صباح الخير الزينات واشراكم لاباس شويا

المشاركة الأصلية كتبت بواسطة نور اليقين

ياعمري هاديك العذاب وهاديك التمرميد ربي ياجرك عليه ان شاء الله الحمد لله اللي جاء مهدي بخير وعلى خير والحمد لله على سلامتك وربي مافيه غير الخير الدنيا بالوجوه ولاخرة بالافعال لوكان تشوفي المعارف كيفاش يديرولهم تحيري الدنيا كامل تجري وراهم وانا مرت سلفي كولدت والله قالتلي حتى تبهدلت وحشمت قالتلي المدير جاء يسقسي فالمتارنيتي مرتين يشوفني ولدت ولا مزال قالتلي كيشافوني المدير يسقسي عليا الدنيا ولات ترجف وحدة تروح وحدة ترجع واش تحتاجي واش نديرولك وادا عندك السطر ياوي هادي هيا بلاد ميكي مافيهاش العدل الا من رحم ربك الحمد لله اللي راكي بخير انا باذن الله لوكان يرزقني ربي النحيهم من اللحم والعظم ونزيد فالبريفي باذن الله وربي يحط الرحمة فبلادنا وعبادنا وربي يرزقنا جميعا هادي الفرحة والله بكيتيني على المربح كعيطتيلو فالتيليفون هاديك الفرحة راهي ماتتشراش بمال الدنيا كامل ربي يدوم فرحتكم ويفرحكم بالثاني والثالث والرابع وووووو............ وربي يحظلكم مهدي وتشوفو ولاد ولادو يارب

ريحانة شحال قعدتي متاخرة

نور الياقين حنونة كون جينا عارفين بلي حتى الزيادة بالمعارف راني وجدتهم من عرفت روحي بالحمل
بصح الله غالب الواحد ماشي داير حسابو
و انا كنت رايحة للبريفي بصح طبيبتي الي كنت نتبع عندها راحت تكمل في قرايتها في فرنسا
وكل شيء مقدر مقدرلي نتحقر
بصح دعيت عليهم حتى كرهت و راهو اجي النهار الي يشفاو فيه عليا
علابالك متقدري ديري والو قد ما تكوني واعرة في هذيك الحالة تولي توتو اقولولك روحي تروحي اقولولك ارواحي تروحي
و زيد البكاء تحسي روحك يتيمة
انا برك محبيتش نحير راجلي قلت خليها على ربي هو الي سلكها
بصح كي عرفت بلي نتاع الصح رايحة نموت و الا نحطو في الارض عيطت لراجلي
بصح ياخي من وراها مزدتش 15دقيقةو جبت حنوني و عمري و لعقوبة ليك حبيبتي و نفرح بيك وبكامل بنات التجمع
وربي اسهلكم و اطيحكم في بنات الحلال

اما وشحال قعدت باش رفدت تقريبا 3سنوات

[صبورة]

[QUOTE=rayhana05;3676528]

المشاركة الأصلية كتبت بواسطة نور اليقين

ربي يحفظو ان شاء الله ديري كما وحدة نعرفها طولت باه تزجت وكتزوجت طولت باه ضنات وكضنات جابت طفل ربي يشدهولها قالتلك كيدخل راجلي يالقاني قاعدة يالقى بنو يلعب فالكوزينة بالماعن بالبرمة قالت يقولي راجلي واش درتي العشاء قالت نقولو بنك ماحبش يطلقلي البرمة فاش ندير العشاء راك تشوف فيه من المعزة انتاعو قالتلك والله يارجلها مايهاوشها ومايديروالو وماينحيولوش البرمة حتى يطلقها وحدو ولا ماطلاقهاش مكانش عشاء يعني عشاء خفيف ربي يكرمنا يارب ويحفظلها بنها ويرزها الجيبلو اخت ولا خوه آمين[/qu
ههههههههههههه و الله ندير كيفها
ربي يرزقكم كامل الحمل في القريب يا رب

امين يا رب العالمين
ربي احنين كريم و ان شااء الله ما يبخل و لا وحدة فيكم الذرية
و الله باينين كامل بنات ماشاء الله عليكم
ربي يعطيكم ما تتمناو يا رب
وما يبخل و لا وحدة فيكم من كلمة ماما يا رب

يعطيك الصحة على هذو الكلمات و ربي يرزقك و يرزق بنات تجمعنا الحمل السليم المعافى يا رب

صبورة حنونة كون جيتيقريبة ليا راني جبتهولك و الا نقلك نسلفهولك ايامات و تشوفي الضرب
ايا واش تقولي هههههههههه
ربي يرزقكم حبيبتي و توليو تحاولو فينا على المعاونة عليهم يا رب
ربي يعطيكم الي تتمناو يا رب
والله الدمعة على خدي
لبنات نحيو من بالكم و ان شاء الله ما تعرفو الحمل حتى كيفاش اجيكم
امين يا رب العالمين

ريحانة
اللهم اميين حبيبتي ربي يسمع منك
قولي الصح زعم تسلفيهلي ياماات..هداك يوم السعد و الفرح و الله ما نتعب منوا هاتي برك ههه..على بالي ماشي ساهلة التربية ربي يقدرك حنونة..

المشاركة الأصلية كتبت بواسطة rayhana05

صبورة ياك قلتيلي احكيلي قصة ولادتك
و مادام مهدي راقد دوكا نبروفيتي
شوفي كيما تحركلي السطر كنت في دار شيخي هو بدا يقوى و هي عجوزتي قاتلي روحي شوفي
بصكو الطبيبة اخر مرة قاتلي بلي الختات التحت و كنت خايفة من السيزاريان
كي رحت كانت ال11نتاع الليل و كي شافتني قاتلي مادام مازلتي راكي 1دواء برك
قالولي زيدي ساعة و نزيدو نشوفوك و كانت معايا عجوزتي قاتلي امشي و دوري
من بعد ولات1نتاع الليل ولات شافتني قاتلي مازلتي بصح دوكا نحكموك
و كان معايا قروب نتاع بنات كل وحدة كيفاش
طلعونا بلاسنسور للباطوار قصدي قاعة الولادة في 3اتاج كل وحدة فينا هازة الباقاج نتاعها و ايماجيني مع وحد السطر الله لا اوريه لواحد
من بعد زادو طلعونا وشافونا
وركبولنا وحد الابراي اقولولها التخطيط تقيس قوة السطرة و دقات قلب الجنين
هذي كامل عادي من بعد البنات كامل دارولهم السيروم باش ازيد يقوى السطر و انا قالولي اهبطي التحت ماكيش نتاع زيادة؟؟؟
قتلها علاش حكمتيني مالا قاتلي واش ندير
زدت هبطت بالباقاج نتاعي للتحت هازاتو وحدي
وصلتني عند وحد الكولوار و قاتلي روحي حوسي وين ترقدي
و نطرطق بالبكاء في حياتي مبكيتش كيما هكاك
ملقيتش مام با كرسي نقعد عليه
حتى شافوني بنات عطاوني دي كوات قالولي ارقدي عليهم
اماجيني في الارض و مع السطر و غاضتني روحي و نبكي
مزدتش ساعة التحت و طرطقتلي السقية
رحت نجري للفرملية قتلها معلاباليش واش ساح عليا قاتلي نورمال السقية ديري برك حاشاكم بوند وزاد قوى الوجاع و زاد معاهم البكاء و محبيتش نعيط لراجلي و نحيرو
من بعد على 4نتاع الصباح رحت نبكي للبيرو نتاع الطبيبة قتلها شوفيني ياللحمالديك قاتلي هاوليك البيرو نتاع الساج فام اشوفوك
وحدة ملتات بيا كل وحدة على واش تحكي حتى جات قابلة كبيرة كي شافتني لقاتني 5دواء راحت تجري ليهم قاتلهم هذي رايحة تولد لازم تطلع زدت ضربت ساعة باش طلعوني وليت نزحم فوق الكرسي
و كي طلعوني زادو دارولي التخطيط و الله و الله يا صبورة تقولشي ركبولي التريسيتي و خلاوني من 6نتاع الصباح و هو راكب فيا حتى 7و 45نتاع الصباح و انا نعيط لرب الي خلقني و قريب طيحت الحيط الي بيني و بينهم باش اجيو اشوفوني باسكو خلاوه راكب فيا و راحو
بذراع باش جات شافتني قابلة قتلها على وجه ربي الا رياحة نولد يالله و الا سيزاريان يالله
قاتلي مدام اصبري حتى 9و الا 9و30كيجي الطبيب اديسيدي
تم عيطت لراجلي قتلو ارواح خرجني دوكا
وخلاتني راكية في لاباراي و راحت
نضت انا نحيتها و خرجت من لاسال و انا نسمع في وحدة تعيطلي رحتلها وكان جاء القروب نتاع الصباح قاتلي اطلعي نشوفك انا طلعت و هي قاتلي مدام منعرف حوايجك وين راهم اجري جيبيهم و ارواحي راحي 7دوا
شوفي جيست جبت حوايحي طلعت فوق الطابلة خرج مهدي على 8و15نتاع الصباح و مسكينة كي عرفت بلي طولت باش رفدت
قاتلي مدام هاكي التلفون عيطي لراجلك وخبريه و ازربي باسكو التلفون ممنوع
الله اكثر خيرها مسكينة
يخي عيطتلو قالي متخليهمش امسوك راني جاي
قتلو خلاص راهو جاء مهدي ولا يبكي دمعة و خنونة مسكين
ولدت الحمد لله و شفت اوليدي و خلاوني حتى لل10و30و انا فوق الطابلة نقطر و من بعد لميت حوايجي و وليدي و هبطت للتحت و الي جاو قاع معايا البارح و ركبوله السيروم قاع مزالو سلكت غير انا و خليتهم ماشي نستشفى فيهم بصح تحقرت و الحمد لله ربي مشتاش احشمني
القابلات قليل وين طيحي في وحدة رحمت ربي حاشاك الاغلبية ..............
ربي اطيحكم في بنات عايلة ان شاء الله و اسهل ولادتكم و ان شاء الله ربي يتقبل دعائي
و نفرح بكم في القريب
صبورة هذا القليل برك مقدرتش نكتب
باسكو كون نحكي من الالف للياء متخلاصش

ريحانة
شفتي التمرميد اللي فالسبيطارات لدرجة ترقدي في قاعة الارض بلا ما يشوفولك سرير..المهم نهايتها سعيدة و شفتي فرحة عمرك بين يديك..بصح المرة الجاية وصي المعريفة قبل ما تلحق الزيادة انتاعك..نطلب منك تحطي صورة جديدة لميدو اذا ماعندكش مانع..