ديوانية البحرين - دردشة حوامل البحرين - البحرينيات

[om khalil]

طفلي مبروك دخولش السابع ولو انش عندي دخلتينه من زمان :)

[om khalil]

صحي اخر مره حللت سكر طلعت النتيجة زينه سالت القابله هل ممكن يصيدني قالت لي خلاص ماياش الحين يعني مابييش

مادري احس نص اقتنعت
وهذاني اعلف سنكرز

[طفلي حياتي]

هلا ام خليل اني كله اوسوس عن السكري واقول المفروض يسوون بعد تحليل لكن هالمركز الي طحت فيه علل ولا يفهمون والدكتوره حدها مفهيه مو معقوله السونار اني طلبته والحين السكر لازم الفت نظرها بعد؟؟ يادافع البلا
فلونه نعيما تسبحي عدل وتعالي

[قمر بنت راشد]

السلام عليكم

بنات محد رد علي احرجتوووني بقوووه

امس سألتكم انا توني داشه الشهر الثالث امس متى تخف اللوعه والنوووده؟؟؟

[طفلي حياتي]

هلا اختي
على حسب ناس تستمر وياهم الاعراض للخامس مثلي وناس بس للثالث من يدشون الرابع خلاص وناس للتاسع وناس تروح وترجع اني للحين مرات ترجع الاعراض تحملي في سبيل جنين تنتظرينه وبس واللوعه في ليها اشياء تخففها ابحثي في النت بتشوفين تجارب واذا عندش ترجيع اخذي حبوب يوقف الترجيع
ماعليش شر

[Um Amal]

مرحبا اخواتي

[rose soul]

السلام عليكم
شخباركم؟؟
وحشتوني كلكم بلا استثناء..واشكر اللي سألو عني
انا غبت عنكم لأن حالتي صارت مأساة زادت..رحت الطوارئ ويقولون صار عندي جفاف من كثر الزوع..وانضغط بطني عدل قام يعورني..وكان هذي آخر يوم زوجي يكون معاي لان عقبها بيوم يسافر
وقالو لي بجيكون لي تحت بس ما رضيت لان يقولون احتمال توسعت او شي
المهم حطو علي سيلان ومافاد يقولون لحين فيج جفاف
وحولوني جد حفص..وبعدها رقدوني..وطول ما انا مرقدة السيلان يحطونه لي كل ما يكمل واحد يحطون واحد غيره
ويقولون لي لييش بعد دمج ناقص..مب زين لج وانتي الحين بتصيرين في حالة ولادة..لازم ترفعين..وانا نفسيتي تعبانة كلش
وكانو يعطوني حبوب ومغذي ومضاد عن فايروز اللي صادني
والحمد لله وقف عني الترجيع
ويوم وقف الترجيع انا طلبت رخصة منهم..واليوم رخصوني الظهر مع ان كانت الدكتورة اذا بتمين على هالحال .. المفروض تقعدين بعد يومين زيادة مع السيلان
بس انا ما استحملت قلت لها .. الحمدلله الترجيع وقف وانا بهتم في روحي

زوجي سااافر عني وانا ضايعة بدونه.. :(
سويت فيلم هندي انا معاه

جنه عورت راسكم بسالفتي

[قمر بنت راشد]

طفلي حياتي مشكووره حبيبتي

بس لاتقوووووووووولين للتاسع ماتخيل ان شاءالله بس اخلص الثالث تروح وارجع طبيعيه

اللي يعور قلبي ان ماقدر اشرب شي كل شي حامض وانا فيني التهاب في البول حتى الماي مالي خلقه كلش ماعرف شنو الحل

وشي ثاني الحين دشيت الاسبوع التاسع وللحين ماجيكو لي نبض البيبي متى يجيكونه؟

[قمر بنت راشد]

روز سول ماعليج شرررررررررر ياقلبي

اكلي جبووود وايد وسوي لج شوربه شعير وسبانخ وايد زينه حق الدم

واخذي لج كل سلطه فواكه اسم الله عليج الله يقومج بالسلامه انتي والبيبي يااااااااااااااااااارب

[طفلي حياتي]

اهلا روزاتي اني قلت اكيد زاد حالش وتعبتين لكن الحمدلله على سلامتش لا تحاتين خلاص اكلي عدل عدل عدل كيوي جرجير واشياء مفيده واشربي سوائل بكثره ولا تاكلين شي من برا ابدا
شربي حليب بكثره
قمر العفو ولو
اني بتجيني ضيفه برب