تجمع الحوامل اللي ولادتهم في صفر 1434هِ

[مهرة]

صباح الخير
الله يهونها عليكم حبايبي ويفرجها الله

[يارحيم]

مساء الخيراات.. محدثتكم ما زالت بالمستشفى كل يوم ادخل اقرا سوالفكم بس ما يمديني اكتب طبعا.. الحين توني خلصت رضاعه وتبرع زوجي يغيرله وحسيت عندي شوية وقت قلت ادردش لكم شوي وافضفض لكم مخاوفي..

انا عندي معاناة مع الرضاعه امي قالت لي عادي كل الناس بالبدايه تعاني بس انا حاسه كنه ما يبي صدري.. اول يوم اللي هو امس كان يرضع كل ثلاث او اربع ساعات ويقعد نص ساعه يرضع وبعدين يكرع.. وضعه كان ممتاز.. اليوم الله لا يوريكم ما يرضا ياخذ صدري ابد!! واذا حطيته جوا فمه يتفله ويوخره ويقعد يصيح!! اقول يمكن مب جوعان وخليته يقعد طول اليوم ما يرضع وماهمه عادي!! قعد ست ساعات بدون رضاعه عادي عنده!! واذا عطيته اللهاية يشفطها ويمصها بقوة لكن صدري يتفله!! خليته لين اخر اليوم و طبعا خلاص انهار من الجوع فتنازل ورضع مني عشر دقايق وبالغصب!

اللي ولدو صارلكم زيي بالبدايه ولا ولدي فيه بلى؟ زوجي يقول مارح نعطيه صناعي ولا رح نشفط له ابد خليه يرضع صدرك غصب لازم يحس انه مافيه وسيلة غذاء بالدنيا الا صدرك واذا جاع مافيه غيره وبعدين اذا تعود عليه ذيك الساعه اشفطي له ولا سويله صناعي بكيفك بس اول شي لازم يتعود على صدرك..

بالنسبه للامور الثانيه الحمدلله كل شي تمام واليوم ختناه الصباح والحمدلله ما نزف ولا التهب كثير بس ياحياتي احمر بالمرة وكل مرة اغيرله احط شاش عليه فازلين وانظف باقي المنطقه بشاش مبلل بمويه دافيه فقط يقولون لي ما يحتاج صابون ولا مناديل معطره ولا شي!! استغربت بس ماشية على كلامهم..

سمعت كثير ان الامومة متعبه لكن والله العظيم احس بسعاده وحب ما توصف ودعيت لكل المحرومين من الانجاب وانا اهتم فيه لاني احس تجاهه بحب غريب وارحمه رحمه رهيبه وكل ما شفت وجهه حسيت بسعادة اللهم لك الحمد كما ينبغي لجلال وجهك وعظيم سلطانك انعم علي واكرمني بولد ملى علي دنيتي.. الله يرزق كل محروم..

[سسارونه]

ياقلبي يارحيم .. يمكن عاف صدرك لان مالقى فيهوحليب
انا عموري كذا بالبدايه
ان شالله خلودك بيحبه اذا در الحليب

انا ابي استفسر يابنات عن شغله
جلد عموري مررررررررره متقشر
متى يروح هالتقشير وهل هو طبيعي وايش استخدم علشان يروح؟؟

[.شوش.]

يارحيم ، لا تخافين وضع البيبي كويس
تأكدي بس انه ياخذ الحلمه كلللللها في فمه وقت الرضعه
هو يبكي لانه ما مسك الحلمه كويس، وهذا يسبب انو ما يطلع له حليب
او انه كبرت معدته شوي ومحتاج حليب اكثر، خليه يرضع والمخ بيرسل اشارات للصدر علشان ينتج حليب اكثر

بعد كل رضعه فرغي صدرك من الحليب الباقي علشان ما يحجر وعلشان يزيد انتاج الحليب عندك


سارونه ، ولد اختي كان راسه يقشششششر بشكل مرعب
مانفع معاه غير زيت الزيتون
انتي جربي فازلين اول بعدين جربي زيت الزيتون
حطي طبقه سميكه، وقبل ما تروشينه خذي قطعة شاش وامشي فيها بشكل خفيف على جسمه بعدين روشيه
و ارجعي حطي فازلين

:

بنات شوفوا طحت على ايش

Understanding Your Baby's Poop Colors - Similac

علشان تعرفين متى يكون البيبي تعبان من تغيير الدايبرز❤

[رسال]

مرحبا

كيف حالكم

زينب مختفيه ان شاء الله خير

يارحيم
ماشاء الله عليك حسيتك انسانه غير كلامك رائع الله يحفظ لك خالد وابوه وعقبال ماتشوفين اخوانه وخواته
بالنسبه لرضاعه متعبه بالبدايه لانها صعبه عليه وخصوصاً اذا كان الحليب لسا قليل والحلمه صغيره
ممكن تشفطينه كتحفيز للادرار وكمان الشفاط يساعد على ابراز الحلمه
والله يعينك انا بنتي كانت كذا والحين ياقلبي هي تمص وتتحلطم لان حليبي قليل :(
ومبروك الختان عقبال ماتشوفينه عريس

[رسال]

سارونه
زيت الاطفال كويس سواء للجسم او الشعر

بنتي البكريه جاها التهاب بالوجه وخدودها صارت حمرررراء وقشور
المهم وديناها لدكتور وقال سببه قشرة الراس
يومياً حطي لها زيت زيتون ومشطيه وحمميها
طبعاً زيت الزيتون يوصخ الملابس فصرت احط زيت اطفال والحمدلله نفع

واعرف فلسطينيه يدهنون المولود بزيت زيتون علشان تتقوى عظامه
يعني مساج خفيف

[رسال]

شوش يسلموا مره رائع الموقع

انا كنت احسب بنتي من اليرقان برازها اصفر بس قالت لي ماما عادي من الرضاعه الطبيعيه مع اني قليل ارضعها

[سسارونه]

شوش ورسال
ربي يسعدكم ويجزاكم الف خير *

[رتوله]

الله يعوضك خير يانور ويجعله شفيع لك
مبروك يارحيم وبالنسبة للرضاعه لاتخافي
كلهم بالبدايه كذا
إلي جسم ؤلدها متقشر رطبيه بزيت جونسون
مره حلو ولابد يتقشر

[توتوو]

مساء الخير نفوسات وصامدات الف الف مبروك شوق ويارحيم ورام4 وكل الي ولدوا عقبال البقيه
حبيبتي منور الله يربط علي قلبك ويصبرك موقفك صعب بس احتسبي الاجر من الله واصبري
كل التجمع يدعون لك الله يعوضك
بنوتات ودي اكتب لكم اكشني بس والله باقي مشغوله حريم يجونا ولاب توبي في شقتي وادخل عن طريق الجوال
فما اقدر اكتب قريب ان شاءالله بدخل واقولكم الاكشن