دردشة حوامل مصر - دردشة بنات مصر - تجمع حوامل مصر

[نولارا]

وانتى من اهله
الحقى شويه نوم
وناميلى معاكى

[نولارا]

لولولولى
ابنى بينام
هسمى عليه وانام جنبه على طوللللللللللللللل

[د×و]

صباااااااااااااح الخيررررررررر

عاملين ايه يا بنات

نايمين اكيييييد

يلا اصحو عشان نرغى مع بعض شويه
عندى مواعييييين كتير ومكسله اعملها :(

[somia]

المشاركة الأصلية كتبت بواسطة رنا خالد

انا متابعه مع دكتوره في القاهره ( حدائق حلوان)
اسمها سناء فرغل بس شاطره اوي
وانتي متابعه فين ياسوميه؟

رنا انا متابعة مع دكتورة في الدقي ما شاء الله كويسة جدا هيه اللي عملتلي عملية الحمل العنقودي.. اسمها "دعاء صلاح الدين" وهيه أصلا دكتورة في القصر العيني

[somia]

المشاركة الأصلية كتبت بواسطة malak2010

ان شاء الله تروحى بالسلامة بس ادعى للشقة كتير علشان ربنا يفرجها ويوفقك فى الشقة اللى عاوزينها وطبعا ماتنسانيش

برنسس ربنا يرزقكم بشقة كويسة جنب الحرم علطووووول" ما احنا المستفيدين بالدعوات" ههههههههههه
ان شاء الله تفرحينا بنقلك اخر الشهر ده

[somia]

المشاركة الأصلية كتبت بواسطة dr.princess

malak2010
ولأول مرة execlusive على تجمع قلق مصر
بصى ياستى انا هحكيلك
انا كنت جاية لابسة عباية سودة بس كانت حلوة اوى وعليها شغل بالموف وانا بمووووووووووت فى الموف
ماما واختى اتحايلوا عليا البس تايير سواريه سكرى كان عندى وانا طبعا مارضيتش وطبعا فكرة فستان الفرح دى مرفوضة تماما انى اسافر بيه الناس هتتفرج عليا وهبقى كده لوحدى شكلى وحش
بس برضه محرمتش نفسى انى البس فستان الفرح عملت حفلة حنة صغيرة كده يوم الاربعاء ولبست فستان فرح ورحت كوافير واتصورت كمان قضيتها يعنى هههههههههههههه
بس كانت حاجة تقهر انى فى الكوشة كده لوحدى من غير جوزى واول ما وصلت مقدرتش امسك نفسى من العياط يللا الحمد لله على كل حال
وبعدين سافرت يوم الجمعة 26/3 والطيارة كان معادها الساعة 7 وعلى ما وصلت المدينة اقل من ساعتين وفى فرق ساعة توقيت كانت الساعة 11 بتوقيت السعودية
جه جوزى خدنى ومعاه صاحبه ومراته وولاده وكانوا عاملين لينا عشاء وزى تجمع للتعارف كده علشان يعرفونى على زوجات اصحاب جوزى بس مش من الشغل يعرفهم من الحرم فكانوا مصريين على سودانيين ومقولكيش على اخلاق السودانيات دول يااااالله عليهم ناس زى العسل اخلاقهم مفيش بعد كده وروحهم حلوة وكرماء بشكل مقولكيش وحبوبين من اول يوم يعاملوكى كأنهم يعرفوكى من سنين وكل مدة كده بنتجمع مع بعض
المهم بعد العشاء يعنى تقريبا على 12 بالليل صباحا يعنى رحنا المسجد النبوى من باب البقيع يعنى من ناحية القبة الخضراء زى ما باين فى الصور فضلنا ساعة كده ورجعنا بيتنا تقريبا على 1,30 الصبح
وبس مقدرش أقول أكتر من كده علشان الرقابة ههههههههههههههه
والحمد لله ماكنش فى شهر عسل كان فى يوم عسل اللى هو السبت فقط لا غير والحمد لله على النعمة يوم الاحد جوزى خرج علشان كان لازم ياخد دورة كده 6 ساعات علشان يجدد ترخيصه هنا اللى بيشتغل بيه وانا رحت الحرم من العصر لبعد العشاء بساعتين على ماخلص وجالى وبعدها بدأ شغل عادى بقى
قصة لطيفة جدا مووووت

وخلصت الحدوتة حلوة ولا ملتوتة

ياه يا برنسس صعبة قوي يوم عسل دي ربنا يعينك يا بنتي وطبعا من أول يوم عمايل أكل .. ده أنا مكانش عاجبني ان ماما جابتلي الأكل 4 أيام بس عشان حصلتلهم ظروف منعتهم يجوا زيادة على كده.. ده طلعت مدلعة قوي هههههههههههه

[MALAK2010]

سمية: ازيك يا حبيبتى والنونو عامل اية يارب يكون بخير

عارفة انى انا اللى عملت لنفسى العشاء يعنى قبل مااتجوز عملت العشا بتاعى (كان حلة محشى وصنية مكرونة بالباشميل وكفتة )بس ماما هى اللى عملت( بط وحمام)وشاركت فى عمل حلة كبييييييييييييرة محشى علشان الغدا بتاع يوم الفرح عند ماما

وبعد الفرح ب 3 ايام حمايا اتعزم عندى هههههههههههه وعملتلة(محشى- مكرونة بالبشميل- وكفتة وسمبوسك وكريم كراميل(ومالة العصير وخلاص لاء ازاى) واية كمان ؟؟مش فاكرة كفاية كدة
اه افتكرت ورز وصنية بطاطس ههههههههههه

كل ما افتكر الشطارة اللى كنت فية تصعب عليا نفسى وانا مش قادرة الوقتى اقوم اعمل ساندوتش


انا عارفة ان مفيش حد بيعمل اوى كدة بس كنت خايفة على تعب ماما ربنا يخليهالى يااااااااااارب

[دودى اشرف]

السلام عليكم ورحمة الله وبركاته عليكم يا بنات ... ازيكم انهارده

[somia]

المشاركة الأصلية كتبت بواسطة MALAK2010

عارفة ان فى واحدة اعرفها اهل جوزها هم اللى خطبوها له وهو فى السعودية وكتبت كتابها بتوكيل(صعبة اوى) وسافرتله وهى ماتعرفوش الا بالصور يعنى فى ناس ظروفها اصعب
لا بجد.. يا ربي ده كده صعب قوي ده انا اتخطبت سنتين ومع ذلك كنت خايفة من زوجي جدا وفضلت مكسوفة منه ومش مستوعبة ان احنا اتجوزنا حوالي 3 أو 4 شهور



اعرف برضة واحد عندة بنتين هيتجوزوا ورى بعض بين الواحدة والتانية حوالى شهر او اتنين حضر فى فرح الاولى وماحضرش فى التانية علشان شغلة يعنى اللحظة دى مش هتتعوض كل واحد لة ظروفة
بس مش للدرجة دي يا ملاك أنا لو مكانها بلاها زواج لو أبويا مش هيبقى وكيلي ويحضر فرحي
المهم الحمد لله على كل شئ ويارب يهنينا ويرضينا دايما بقضاؤة

اللهم اااااااااااااااااااااااامين

[دودى اشرف]

المشاركة الأصلية كتبت بواسطة somia

دودي هاضطر اطلع انا كمان لحسن تعبانة قوي مبقتش قادرة.. دعواتك معايا

الف سلامة عليكى يا قمر ... ربنا يعينك والله ويقويكى على الشهور الاولى وان شاء الله تعدى على خير .. اول ما هتعدى هتلاقى نفسك بقيتى عادى جدا ... وهتلاقى الشهور بتجرى ... انا كانت ال 3 شهور بالنسبة تقال جدااااا وبعد الايام علشان تعدى مع ان مكانش وحمى قوى لكن برضه كان فى اعراض غلسة .. الله يقويكم جميعا