دردشة حوامل مصر - دردشة بنات مصر - تجمع حوامل مصر

[dr.princess]

malak2010
ولأول مرة execlusive على تجمع قلق مصر
بصى ياستى انا هحكيلك
انا كنت جاية لابسة عباية سودة بس كانت حلوة اوى وعليها شغل بالموف وانا بمووووووووووت فى الموف
ماما واختى اتحايلوا عليا البس تايير سواريه سكرى كان عندى وانا طبعا مارضيتش وطبعا فكرة فستان الفرح دى مرفوضة تماما انى اسافر بيه الناس هتتفرج عليا وهبقى كده لوحدى شكلى وحش
بس برضه محرمتش نفسى انى البس فستان الفرح عملت حفلة حنة صغيرة كده يوم الاربعاء ولبست فستان فرح ورحت كوافير واتصورت كمان قضيتها يعنى هههههههههههههه
بس كانت حاجة تقهر انى فى الكوشة كده لوحدى من غير جوزى واول ما وصلت مقدرتش امسك نفسى من العياط يللا الحمد لله على كل حال
وبعدين سافرت يوم الجمعة 26/3 والطيارة كان معادها الساعة 7 وعلى ما وصلت المدينة اقل من ساعتين وفى فرق ساعة توقيت كانت الساعة 11 بتوقيت السعودية
جه جوزى خدنى ومعاه صاحبه ومراته وولاده وكانوا عاملين لينا عشاء وزى تجمع للتعارف كده علشان يعرفونى على زوجات اصحاب جوزى بس مش من الشغل يعرفهم من الحرم فكانوا مصريين على سودانيين ومقولكيش على اخلاق السودانيات دول يااااالله عليهم ناس زى العسل اخلاقهم مفيش بعد كده وروحهم حلوة وكرماء بشكل مقولكيش وحبوبين من اول يوم يعاملوكى كأنهم يعرفوكى من سنين وكل مدة كده بنتجمع مع بعض
المهم بعد العشاء يعنى تقريبا على 12 بالليل صباحا يعنى رحنا المسجد النبوى من باب البقيع يعنى من ناحية القبة الخضراء زى ما باين فى الصور فضلنا ساعة كده ورجعنا بيتنا تقريبا على 1,30 الصبح
وبس مقدرش أقول أكتر من كده علشان الرقابة ههههههههههههههه
والحمد لله ماكنش فى شهر عسل كان فى يوم عسل اللى هو السبت فقط لا غير والحمد لله على النعمة يوم الاحد جوزى خرج علشان كان لازم ياخد دورة كده 6 ساعات علشان يجدد ترخيصه هنا اللى بيشتغل بيه وانا رحت الحرم من العصر لبعد العشاء بساعتين على ماخلص وجالى وبعدها بدأ شغل عادى بقى
قصة لطيفة جدا مووووت

وخلصت الحدوتة حلوة ولا ملتوتة

[MALAK2010]

والهى هى قصة حلوة مش ملتوتة بس كنت حاسة بيكى وانتى بتقوليها
معلش كل واحدة ولها ظروفها

اجمل حاجة ما شاء الله انتى بداتى حياتك مع جوزك بركعتين فى الحرم مفيش احلى من كدة

عارفة ان فى واحدة اعرفها اهل جوزها هم اللى خطبوها له وهو فى السعودية وكتبت كتابها بتوكيل(صعبة اوى) وسافرتله وهى ماتعرفوش الا بالصور يعنى فى ناس ظروفها اصعب

بس عارفة ساعات اقعد اقول ان لقمة العيش والسعى على الرزق ساعات بتضيع لحظات مش هتتعوض

اعرف برضة واحد عندة بنتين هيتجوزوا ورى بعض بين الواحدة والتانية حوالى شهر او اتنين حضر فى فرح الاولى وماحضرش فى التانية علشان شغلة يعنى اللحظة دى مش هتتعوض
كل واحد لة ظروفة
المهم الحمد لله على كل شئ ويارب يهنينا ويرضينا دايما بقضاؤة
المهم انتى مع اللى بتحبية وربنا يتم عليكى وتجيبى اجمل( ملك) فى الدنيا ههههههههههه

[dr.princess]

malak2010
انتى شكلك معدتيش بتحبينى انتى يرضيكى أجيب ملك برده الله يسامحك ياشيخة
وعلى رأيك انا برده اعرف بنات كتير مش بتشوف عرسانها الا قبل الفرح بايام بس بصراحة متوصلش انها تسافرله كده وهى ماتعرفوش صعبة اوى دى

بس احنا للاسف مصليناش فى الحرم يومها صلينا مع بعض لما رجعنا البيت

[MALAK2010]

ماشى يا ستى انا اللى هاخد (لى لى) حبيبة قلبى
انا هقوم علشان ابدأ رحلة المعاناة (اطبيييييييييييييخ)ربنا يقوينى على الروايح

[dr.princess]

ماشى يا ستى ربنا يخليلك لى لى وانا ماليش دعوة بيها هههههههههههه
ربنا يعينك فى الطبيخ
انا النهاردة أجازة من الطبخ

[dr.princess]

انا هروح انام بقى مادام محدش صاحى غيرى

[نولارا]

المشاركة الأصلية كتبت بواسطة dr.princess

عملتها مرة واحدة وفضلت صاحية طول اليوم وعلى ما جوزى رجع والله كان هيغمى عليا ولقيت ضغطى نزل خالص ومن يومها حرمت
وبعدين انا اصلا على 11 او 12 الظهر بالكتير ببقى مش قادرة امسك نفسى ولازم انام وماما قالتلى خدى رحتى ونامى وقت ماتحسى انك عايزة تنامى حتى اختى برده قالتلى اتهنى ونامى بكرة مش هتشوفيه تانى هههههههههههههه

برنسيس والله اختك عندها حق
حد ياخد احمد شويه انا م ساعتين بس
اهىء اهىء اهىء
انا تعبت بقى عايزه اجازه

[dr.princess]

نولارا
صباح الخير
والله انا مقدرش اخده منك اليومين دول انا بنام على نفسى طول الوقت انا مستنية الغسالة تخلص وجرررررى على السرير هههههههههههه
مش malak2010 قبل كده انها ممكن تقعد بيه يللا واهو كمان يساعدها وهى بتطبخ ههههههههههه

[dr.princess]

نولارا
الغسالة عملت الموسيقى التصويرية علشان تقوللى الغسيل خلص
معلشى والله مش قادرة أقعد خلالالاص فصلت هطلع الغسيل وأناااااااااااااام
تصبحى على خير

[نولارا]

والله انا لما اجى اطبخ بعمله فرشه عند باب المطبخ وانيمه
بس برضه مش بيقعد ساكت عايزنى اشيله متعععععععععععععععب