دردشة بنات العراق, دردشة حوامل العراق , تجمع بنات العراق

فوفو العراقية · 03-28-2012, 11:13 PM

اقتباس:

المشاركة الأصلية كتبت بواسطة بنت الخليج

هلو فوفو حبيبتي امنورة اني بيداء ام كرار . انتي يمكن قديمة بالمنتدى بس اني اقدم منك ههههههههههههه واعذريني ترة ما اعرف اسمج . اتشرف بيج

هلو ياقلبي
اتشرف بيج
والنور نورج ياعمري
عاشت الاسامي يا بيداء والله يخليلج كروري

اني مو كلش قديمة هههه بعده تاريخ الصلاحية هههههه
عادي حبي اعرفج بنفسي فادية ام محمد عراقية نجفية وعايشة بفنلندا من 15 سنة
وانتي؟

فوفو العراقية · 03-28-2012, 11:24 PM

توتو حبي
اني حبلت بأيام غير وقت الاباضة ترة مو صحيح انه مايتم الحمل الا بوقت الاباضة
ابداااااا مو صحيح
اصلا وقت الاباضة ماصار بينه تقارب ابدااااااا لاني جنت مريضة لمدة 10 ايام وكانت وسطها ايام الاباضة
ف متى ما شاء الله تم الاخصاب والحمل
توكلي على الله وكولي ماريد وراح يصير غصبا عليج هههههه
اني جنت مقررة لما تجي الدورة أأجل الموضوع الى اجل غير مسمى
ولما حللت طلعت حامل.

~~بنت الخليج~~ · 03-28-2012, 11:34 PM

هلو فادية حبيبتي الشرف الي يا عمري وعاش اسمك والله يخليلك حمودي اني عايشة ببغداد ومواليد 80 وشغلي معلمة وعندي كرار وعلي واديان واهلا وسهلا بيج مرة اخرى

فوفو العراقية · 03-28-2012, 11:34 PM

حبي غنى شلونج
سلامتج ليش اشبيها الغده عندج
ترى بالحمل المفروض تكون متوقفة التغيير
يعني متوازنة خصوصا لو الحمل طبيعي
الا لو عندج مشكلة صحية بهالموضوع تحديدا الله ينطيج العافية ويحفضلج الي ابطنج يااااااااارب

بالنسبة للمكياج عادي كلة لكن؟؟؟؟؟

اكو كريمات تجميل سواء تبييض تسمير او كريم مسائي صباحي مثلا فهذا مضرررر عالجنين
تعرفين ليش؟
لان بي مواد امتصاصية سريعه وتوصل للجنين بسرعه
واكيد تكون بيها فيتامين دي الي هوة اخطر شيئ عالحامل
مثلما الشمس خطرة
وهذي الكريمات تسبب تشوهات للجنين وطفيليات على كيس المحيط بالجنين
هذا الشرح حصلت عليه من كتاب خاص لكل الحوامل وفترات الحمل.
لكن كريم الاساس والبودرة والمكياج اليومي عادي مابي هالامور كلها
وحاولي التقليل منه
بس امتنعي عن نوع واحد من السمك هنا يسمو hauki بس بالعراق ماعرف اسمة ولا بالعربي
حذروني منة بالمستشفى.

فوفو العراقية · 03-28-2012, 11:48 PM

عسولة حبي ان شاء الله ماكو شي
والجنين بصحة وعافية يارب.

فوفو العراقية · 03-28-2012, 11:53 PM

اهلا وسهلا نورس
تشرفينا حبي
والله يتمم عليج حملج يارب
راح تتونسين هنا باليوميات كلششش
واي سؤال احنة خواتج ونتبادل التجارب والنصائح سوى
بس ادرجي السي في مالتج لان ماراح يعوفوج البنات هههههههههه.

فوفو العراقية · 03-28-2012, 11:56 PM

تسلمين حبي ام كروري
واني عندي 3 محمد ورنا وانوار والرابع بالطريق
مواليد 82
وتشرفت بيج حبي,

~~بنت الخليج~~ · 03-28-2012, 11:56 PM

اكلج فادية هذا السمك اللي كلتي عليه صدف لو جلد ؟؟؟

~~بنت الخليج~~ · 03-28-2012, 11:59 PM

الله ايخليهم الج حبيبتي ويتربون بظلك وظل والدهم انشاء الله

نورس دجلة · 03-29-2012, 12:54 AM

ههههههههههههههه ان شاء الله حبي اني استاذة جامعية في كلية اهلية وعمري 31 واني حامل بالبكري وراح اضوجكم باسألتي هههه
وشكرا للرد يا الغالية
واول سؤال عن افضل مستشفى ولادة قريب على الاعظمية

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	15243	06-15-2013 02:43 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
تجمع حوامل العراق واتمنى اكو احد موجود	توتايه	إستفسارات حوامل من الشهر السابع إلى الشهر التاسع	18233	01-02-2012 10:09 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM