تجمع اللي بيولدون في شهر ذو الحجه

[GhoOosha]

ام عبدالله...الهه يهون عليكي يارب ولا تخلي الشيطان يوسوسلك حتا انا احلم احلام مرعبه وانو حافقد النونو واجلس منكده...بس افتكري قول اللله تعالي (قل لن يصيبنا الا ما كتب الله لنا) اتعين خير الله يصلح امورك ويهدي بالك وتقومي بالسلامه يارب

اجوان...رمضان جدا ممتع في جده..فيه بازارات والمولات اجوائها حلوة واماكن للفطور..لا تغمي نفسك بدوام ومذاكره..استمتعي اتعرفي على ناس وابدئي اشتري للبيبي..انا لازم انزل اقضي كم يوم في جده برمضان,,الله يعيده علينا بالخير يارب وكل سنه وانتو بالف صحه يارب

[ملكه]

السلام عليكم

اهلين حوامل اخباركم

انا معكم ولادتي بشهر 12 الله يسهل يارب والحين انا على ابواب السادس ان شاء الله

[اجوان]

Ghoooshaa,,
والله مدري محتاره بس تحمست لها لانو المستوى الواحد برمضان بس ثلاث اسابيع وبالشهور العاديه المستوى الواحد شهرين فقلت مره حلو اخص مستوى بثلاث اسابيع بس برضو صعبه كل يوم اروح بعد التراويح احس مره ربطه,,مدري محتاره,,

ملكه,,
الله يحيك حبيبتي قريت من مواضيعك ان بنتك لسا صغيره الله يعينك يارب ويسهل عليك يلا تربيهم سوا وبعدها ارتاحي :)

بنات قد ايش زدتوا.؟؟
انا زدت كيلوين ومره متضااااااااااايقه :((

[ام عبدالله 86]

قلب مدينة - اجوان- GhoOosha
الله لايحرمني منكم يارب انا الحمد لله دحين احسن كثير
اجوان ابدائي في الاشياء الاساسية انا زيك ماعرفت جنس الجنين لكن اشتريت 2شال واحد ابيض وواحد سكري
وملابس بيضاء عشان لما يطلع من المستشفى واغراض الاستحمام

اهلا ملكة منورة

[انمار]

بنات انا الحمدلله اليوم دخلت السادس بس مره ثقل الله يعيننا يارب ويسهل حمله وولادته

[عسله]

ملكه .,.
هلا قلبو منوره
الله يتمملك ع خير يارب

اجوان.,.
ماشالله انتي بس زدتي اتنين .,.
اجل خليني ساااااااااااااااكته لااقول كم زدت



ماشالله تبارك الرحمن
روحت زواج يوم الاربعاء
شوفت اتنين جسمهم رجع بعد الولاده زي ماكانو نوحاااااااااااااااف يارب انا كمانا اسير زيهم

وشوفت زوجة ولد خالتي دا شهرها ماشالله ماكأنو شهرها بطنها صغيررره وكمانا جسمها مشدود يعني ماكانها حامل
وانا اطالع في نفسي الحمدلله تعبانه من دحينا رقبتي لونها احم احم وانفي شي شي ههههههه وتقلانه كاني في التاسع لااله الا الله هههههه
الله يتتم ع خير يارب

المهم قماري

انا ماشالله الحمدلله خلصت ملابس نونتي كان ودي اصورها لكم بس حطيتها في بيت ماما بس باقي منشفة الاستحمام ومشتقاته

واليوم خرجت مع مامتو واخدتلي روبين للاستقبال وكم اندروير وبناطيل قطن وطرحه وحده ماما قالت حجبلك تانيه قولتلها لا تكفي وحده
باقي ارواب البيت تكون قطن مريحه
لان بعدينا ماحقدر حتجي دراسة زوجي ( الله يوفقه ) ودوام





هدا قطعتين .,. المخده الفوشيا اخدتها للسياره لضهري





هدا قطعه وحده .,.






وهدي الطرحه





ولان مررررا تعبت الغاليه ماما في المول قولت بروقها بشويتين دلع
كوكيز وقهوه اخدتها من ماليزيا




وربي ياقماري لمن لبست الارواب الله شعوووور حلوووو مرا كنت فرحانه واتصورت هههههه الله يتمم فرحتي وفرحتكم ع خير يارب
بولاده سهله زي شرب المويه ونونتنا يكون طيب .,.

[عسله]

انمار
الله يتتم حملك لين التاسع وانتي طيبه

انا ان شاءالله الاحد ادخل السادس .,.

[فيونكه بلون الفراوله]

ام عبد لله حبيبتي هونيها وتهون ربي يتمم لنا جميعا على خير

اجوان ان زدت شي اربع ونص كيلوو

عسله ما شاء الله كملتي تجهيز النونو انا للحين مو مشتريه شي مكسللللللللله
وتتهني فيهم يا قلبي ذووق

[اجوان]

عسله,,
ماشاءلله عليكي تقريبا خلصتي ,,خلاص دامك خلصتي ابدي اشتريلي لاني كسلانه ههههههههههه,,بس والله جلسة القهوه شي اشتهيت لو انا معاكم p: الله يخليكم لبعض ,,

وحشتني امي خاطري اجلس واتقهوى معاها واسولف :"""((
ماراح اشوفها الا بعد العيد وانا ليا خمس شهور عنها :(

فيونكه,,
شكلي انا زيك ماعرف متى نبدا :\
طيب الحين طبيعي هذا الوزن انا قلت اذا كل شهر كيلوين مشكله خصوصا انو جسمي مربرب خلقه مابغى اسمن اكثر من كذا :(((

[قلبيــ مدينهــ]

عسله ... آه ع القهوة الماليزيه وربي أحسك عسوله الله يخليلك مامتك يارب وبالنسبه لتجهيزاتك تدل على ذوقك الحلو انتِ والماما ...وتلبسيهم بالعافيه يارب..
أم عبدالله كنت قلقانه عليكِ بس الحمدلله طمنتينا عليكِ والله يتمم لكِ حملك ..
أنمار مبروك دخولك السادس...والله يسهل للجميع الولاده...
فيونكه أنا زدت 8كيلو ويقول الدكتور طبيعي في وحده من الزيارات مازدت عن القياس الأ ول وقلي الدكتور غلط المفروض يكون فيه زياده نسبيه كل شهر ...