ديوانية البحرين - دردشة حوامل البحرين - البحرينيات

[حبيبة حسوني]

سلاااااااام بنات
شخباركم ؟
حنون شخبارش وحشتينا من زمان ماتبينين
اما اني بتي وعلا افادي صايدنها ابوفاق واجد يصيدها بس تقول ليي امي زين يقوي قلبها
ياربي احفظها لي وفرحني بشوفتها في حضني سليمه من كل شر
والباقي شخباركم؟؟

[Roze]

طف طف ههههه جان فلتينها في الثلاجه من البارحه الحين تدوبينها متا بتطبخينها هههههه

[طفلي حياتي]

اي روز نسيت طلعتها اليوم واكو خليتها في المكرويف تذوب وشسوي لان بيوصل وبيسوي لي سالفه على الغدا مايحب يتأخر
يلا بقوم اشوف شغلي
برب

[rose soul]

مساء الخير جميعا..وشخباركم؟؟

فلونة..ماتجوفين شر بعد جبدي..انا اقول روحي تطمني على روحج للمستشفى
لأن من اسباب الدوخة وايد..منها نزول الدم..يسبب دوار وغمامة على العين وارتفاع دقات القلب
او ممكن يكون من الضغط..او من الارهاق..او من تغذيتج يمكن مو صحية
روحي لا تخلين روحج..خلهم يجوفون شفيج .. علشان يعطونج علاج او شي اذا تطلب الامر من الحين.. وما عليج شر بعد جبدي..

[أم حماني]

حبيبة حسوني .. شلون عرفتي البيبي فيه بو فاق ... انتي ولدتي؟؟

[فلونة]

اهلين روز الشر ماييج حبيبتي
اخبارنا الحمدلله انتي شخبارج
اليوم احس روحي الحمدلله وايد احسن من امس وان شالله ماترجع لي هالحالة مرة ثانية و انا اخاف من حجي الدكاترة لانه ساعات يكبرون السوالف بس اقعد احاتي

ام حماني الوحدة فينا اذا صادتها هالحالة ماتعرف شنو اسبابها ارتفاع هبوط سكر او ضعط ما يصير ناخذ اي شي بدون ما نحلل لانه يمكن تزيد والحمدلله يات علا جذي

المهم انا يمكن اغيب عنكم جمن يوم لانه نفسيتي صايرة كريهة وعلا اقل شي اووسوس وانكد علا اللي حوااليني احسن شي اصك بوزي ولا اتكلم مولية
سلامي للجميع ودعواتكم لي بالتيسير في جميع اموري وارجع لكم بنفسية احسن ان شالله واجوف اخباركم الي تشرح الخاطر وتسر

*

[أم حماني]

فلونة هونيها وتهون وكل ما اصطكت بويهج تخيلي البيبي اللي في بطنج وفرحتج بجوفته ... ما في شي مستاهل تتضايقين عليه وانتي بينج وبين احلى فرحه بحياتج اسابيع معدودة

[rose soul]

ام حماني..البيبي يصيده بو فاق واهو في البطن لااه..انتي يعني ما حسيتي لحمني يوم كان في بطنج؟؟
..
فلونة..يلا هونيها وتهون عليج ..ترا ما بقى شي علشان تكملين المشوار..خليها كلها على رب العالمين .. ولاتضايقين نفسج.. وتعكرين نفسيتج..بس بعد روحي تطمني على روحج..روحي عيادة خاصة.. وقولي لهم عن حالتج..وجوفيهم شيقولون لج .. وبيعطونج الاسباب ان شاء الله .. خصوصا انتي الحين في فترة حمل .. ترا اذا ما رحتي بتقعديت تفكرين شنو فيج وليش يصيدج جذي..

[طفلي حياتي]

فلونه وشهالحجي تبتعدين ؟؟
اني اشوف كلام البنات واللجوء ليهم بعد الله يهدي النفس جم مره اكون واصله حدي ودموعي على خدي وبس اكلمكم ارتاح
البارحه دموعي غزيره ماشوف الشاشه واني اسولف واضحك وفعلا ماقمت الا نفسي هدأت شوي

[Roze]

فلونه ... لاتعليق