¤ô§ô ~أحلى تجمع حوامل التوأم 2011~ ô§ô

الياه · 03-13-2011, 09:29 PM

الأمل

الله يسلمج أنتي اللي كلج ذوووق
هههههه أول ما قريت مشاركة هيوووونة
على طول طرت على بالي ناعمة الهاشمي

هيوووونه الكل يطالبج بتحليل شخصية
أزواجهم فتحي لج تجمع هيونه
وأبشري بالبنات كلهم عندج
ينتظرون مشورة من سموج الكريم ههههههه
وبيهجرووون تجمعات الحوامل هههه

إلا بسألج ماعرف ريلي شمالي أو شرقي أو غربي؟؟؟
متى بتفتحين التجمع عشان نستفيد

رضاك ربي

الله يحفظج ويبارك لج في التوينز
كيفك وكيف الماما
لا تدلعين عليها واااايد ، خليها تتكشت
في ربوووع الإمارات وتستانس
عشان ما تفكر ترجع على الأردن

بنكي بنكي

أخبارج يا حلوة، راجعتي المستشفى ولا بعدج؟؟؟
الله يطول بعمر يداتج ويعطيهن الصحه وطولة العمر
بس حبيبتي أمس ألوان الحياة
ما طرت يدتج قالت كوفي كلرز بس يمكن ما انتبهتي
بما انج تشبكين من الموبايل
أكيد الخط مب واضح عندج
وبس

أول غرااااام

كيف ما وصلت شكلج مفهيه مثل متلهفة ومثلي
وباقي الكروشااات

الحين بسألج لو كنت جالسة وقمتي/نشيتي/ من مكانج
شو تقولين كلمة بديلة عن قمتي أو أنش؟؟؟؟
أشك أنج فهمتي شي هههههههه

قطرة ندى* · 03-13-2011, 09:31 PM

رضاك ربي تسلمي والله يتمم حملك على خير
وتفرحي بأحلى نونوات
ونوووووووووووووووووم العوافي

رضاك ربي · 03-13-2011, 09:45 PM

الياه تسلمين الغالية وربي يحفظك من كل شر
الماما بخير واذا عالدلال حدث ولا حرج هههههههه
اي والله المفروض امتعها مسكينة انحبست معي بس ان شاء الله يطمني الدكتور وانطلق بعدها ههههه هي حبتها من الزيارة الماضية قبل سنة وحبت اهلها الزوء غير ان كلشي فيها مايحتاج مدح واذا عالعودة الامارت ماينمل منها لكن ماتستغني عن شريك العمر زوجوني وتفرغوا لنفسهم كوني الاصغر بالبيت شكلها الوالدة بتضارب على هيونة بالثقافة العائلية هههههههه

ندوش تسلمين يبارك فيك يعافي قلبك يالغلا

الياه · 03-13-2011, 09:48 PM

رضاك ربي

نوم العوافي
وأحلام سعيدة وكوابيس بعيدة

قطرة ندى

أحم أحم نحن هنا وينج لا تسألين ولا تردين
كتبت لج رد وطنشتي ما رديتي
صح طنش تعش وانتعش
بس لا اطنشيني بزعل
هههههههههه
لا اسوووولف وياج أكيد ما شفتي مشاركتي

طمنيني عليج؟؟؟

متلهفه لضمته · 03-13-2011, 10:00 PM

غروووم

كنت بشرح لك كلمت أنش
بس جات راعيتها واشرحت لك ومع كذا مو فاهمه ..!!

بس كأني صرت مثل للجميع من ناحية التفهي ^^!

ومثل ما قالت الياه معنى أنش = أقوم

قومي= نشي

قوم = نش

مادري بعد في كلمات غيير ؟؟

عسى فهمتي شي غروومه؟؟

قطرة ندى* · 03-13-2011, 10:04 PM

اقتباس:

المشاركة الأصلية كتبت بواسطة الياه

قطرة ندى

أحم أحم نحن هنا وينج لا تسألين ولا تردين
كتبت لج رد وطنشتي ما رديتي
صح طنش تعش وانتعش
بس لا اطنشيني بزعل
هههههههههه
لا اسوووولف وياج أكيد ما شفتي مشاركتي

طمنيني عليج؟؟؟

ماعاش اللي يطنشش بس المنتدى معلق معاي والنت يقطع طفشني

خلاص فيوزاتي ضربت منه ومو قادرة اشوف كل الردود سامحيني حبيبتي

قطرة ندى* · 03-13-2011, 10:08 PM

اقتباس:

المشاركة الأصلية كتبت بواسطة الياه

قطرة ندى

حمدلله على سلامة ولدج، والله يعافي بنت عمج
وولدها ويعفو عنها
تصدقوا عنها بنية أنه الله يعافيها
الصدقة تتدفع البلاء

الله يسلمج من كل شر
والله مو مقصرين بالصدقة والدعاء والله يدفع عنها البلاء دعواتكم

مجردإنسانه · 03-13-2011, 10:10 PM

اقتباس:

المشاركة الأصلية كتبت بواسطة أحلى توينز2011

هلا وغلا مجرد انسانه
شحااالج ؟ وشحاااال التوينز؟

هلا وغلا ...الحمد لله احنا بخيرررررررر
بس الدكتوره مستغربه من وزني شهرين وهو ثابت مازااااد فقالت سوي تحليل غده

بس ماتدري انه انا اساسا" مسويه ريجيم هههههه

الياه · 03-13-2011, 10:10 PM

رضاك ربي

الله يثبت حملج واطمنج الدكتورة
وتتكشت الوالدة وتستانسين
بإذن الله عندج الشهر الخامس والسادس
بريك من الثقل
استغليهم وجهزي لنفسج وللتوينز
وغيري جو للوالدة
الله يحفظها ويا شريك العمر
ويخليهم لبعض
المفروووض ناخذ منها درووووس
مب من هيوووونه

متلهفة لضمته

يزاااج الله خير الحمدلله في حد فاهمني
وشكل غروووم مفهي بالقووو

اليوم طريتي على بالي
دخلت وأنتم بكرامة الحمام بغسل ايدي بالصابون
ما وعيت إلا وأنا ماسكة معجون الأسنان
حسيت صدق أني صار لي زهايمر مبكر
مب ألا نسيان ههههههه

طوق الياسمينا

اقتباس:

بنات انا توي دخلت السادس والحمد لله الثقل اخف من الخامس بس بطني فضحتني كبرت ماشاء الله
وكمان مواعدتني الدكتورة بابر الحديد وانا ماابغاها لاني جربتها حاااااااااااااااارة
وعدي نقص في البروتين والحديد
من خبراتكم كيف ازود الحديد في الدم ؟

لا تهملين عمرج وخذي الأبر، وتحملي شوي كله بأجر
وتقدرين تزودين الحديد من السبانخ والأوراق
الخضراء من جرجير وبربير وغيره
والبنات اذكرهم يطرووون الزبيب اليمني
هالله هالله بعمرج أنت عندج روحين غير روحج
وسلامتج ألف سلامة

pinkypinky · 03-13-2011, 10:14 PM

يا بنا ت الله يهديكم ويصلحكم كم مره بعيييد الكلام اللي توفت جدنها هي كوفي كلر مب انا قبل كم يوم وحده من البنات قالت لي عظم الله اجرج واليوم طوق الياسمينا
انا جداتي الله يطول بعمارهن وعماركن جميعا احياااااااء يرزقن ارجوكم ركزوا ادري ان حمل التوام يساوووي ذاكره تعبانه بس الله يخليكم ركزوا شوي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أزياء حوامل 2011 , أفخم الموديلات و آخر موضة ملابس حوامل لعام 2011	ايلاف	الموضة و الجمال	13	10-06-2014 09:07 PM
أزياء حوامل 2011	غلا الشوق	الموضة و الجمال	4	02-08-2012 02:47 AM
ازياء حوامل 2011؟	الحبوبه	الموضة و الجمال	10	02-16-2011 04:07 AM
ازياء حوامل 2011 ملابس حوامل صور حوامل ملابس افضل الملابس للحامل	غلا الشوق	الموضة و الجمال	13	01-02-2011 10:02 PM
أحلى ملاااابس للحاااامل 2011	Mقمة البرااااائهM	الموضة و الجمال	4	04-24-2010 04:38 PM