¤ô§ô ~أحلى تجمع حوامل التوأم 2011~ ô§ô

اول غرام · 03-13-2011, 07:09 PM

مساء الخيرات ندوووووووووشه

كيف امسيتي ...؟

شاخبار ولدك الحين وبنت عمك وولدها ..؟

قطرة ندى* · 03-13-2011, 07:18 PM

هلا غروووووووووم
ولدي الحين احسن الحرارة مارجعت له ثانية
وبنت عمي لازالت على وضعها الله يقومها بالسلامة دعواتكم لها

الياه · 03-13-2011, 07:31 PM

مساكم سعادة وسرور

أخباركم جميع؟؟؟
أول غرام، قطرة ندى، الأمل، عذب،
هيونة وكل المتواجدين

أول غرام

شخبارج يا حلوة، سمحيلي
امس النت فصل في بيتي وماقدرت أدخل واشارك
ما عرف شو مشكلته بالضبط
وما اهتميت لأني بيي بيت هلي اليوم
وفي الدوام حذفت كل العناوين
عشان الملقوفين
وطول اليوم وهم يستخدمون جهازي
لأني الوحيدة اللي يبته
رديت من وقت الحمد لله ورقدت 2:30 لين 5 ونشيت على صداع
الله يبعده عن الجميع
وعقب صار أكشن بين خواني وكل حد يشد من صوب
لين ما كبرت السالفة على سبب تافه
الله يهديهم ويصلح بالهم
حتى أنا ماسلمت وصلني كلام ما توقعت أني أسمعه

كوني البطة الماسية في البيت

والحين قلت خلني أوسع صدري وسولف وياكم
لأني ارتاح بوجودي بينكم

كأني يالسة أقص قصة حياتي

ما علينا
حبيبتي غروووم
كنتي تسألين عن معنى كلمة أنش
لها عدة دلالات مثل
أنش : عندالاستيقاظ من النوم
أنش: في حالة جلوسى ووقوفي
أنش : يعني يوم أقوم

أن شاءالله وصل المعنى؟؟؟

هيوووونه

بسم الله عليج ماشاءالله تبارك الرحمن
طلعتي مب هينه يا حلوة

بس فيني فضول شو تقصدين بكلمة مير؟؟؟
عندنا المير: اللي هو المواد الغذائية اللي
نيبها من السوبرماركت

وسلامتج

الياه · 03-13-2011, 07:41 PM

قطرة ندى

حمدلله على سلامة ولدج، والله يعافي بنت عمج
وولدها ويعفو عنها
تصدقوا عنها بنية أنه الله يعافيها
الصدقة تتدفع البلاء

ام سولي · 03-13-2011, 07:43 PM

يوووووووه غروم تصدقين دخلت قلت يارب اشوفهم يباركون لغروم ومادريت ان غروم تسولف خخخخخ
روحي اولدي خخخ امزح اجلسي بس الظاهر طلقك اهبل كذب عليك وهج هيه ارجع شلها للولادة بسرعة وريحها

الياه · 03-13-2011, 07:47 PM

الأمل

اقتباس:

مرحبا بنات كيفكم

هيونه واول غرام يعطيكم العافيه حبيباتي على الرد

انا البارح زاد معي الألم والله حتى النوم ماقدرت ورحت لدكتورتي بالخاص قالت مااقدر اعطيك شئ لآن فيه انقباضات بالرحم لازم احولك للحكومي وتبقين تحت الملاحظه

وطبعا ياليل مااطولك ماجت الدكتوره تشوفني الا بالواسطه
وعملت لي تحاليل وخلوني تحت الملاحظه شوي
وقالت لي ان عندي التهابات شديده بعنق الرحم واعطتني مسكن ومرهم وانا زدت من مخي تحاميل
وبس
مــــــــــــــــره قافله معي من التعب الله يهونها يارب

سلامتج ألف سلامة ما تشوفين شر
الله يعينج، توني أعرف أنه التهابات تسوي تقلصات
خذي دواج وأن شاءالله ما فيج الا العافية

مأجورة من التعب

اول غرام · 03-13-2011, 07:53 PM

ندوش
الله يشافي ولدك وبنت عمك يارب تطلع بالسلامه

الياه
الله يوسع صدرك بالعافيه
واعتذر منك صراحتن ... ماوصلت معلومة انش
وكلمة مير اصعب من كلمة انش بالشرح ... هههههههههههههه

الياه · 03-13-2011, 07:57 PM

أم سولي

شخبارج وأخبار سولي عساكم بخير

وش فيكم كلكم على غروووم الكل يسألها ما ربيتي
يعني لو ربت بتنوركم بوجودها أكيد لا
انسوها ومتى وما الله كتب لها
أن شاءالله بتربي بالسلامة
وبالعكس مستانسين بوجودها بينا
باجر كلكم بتقولون وين أيامج يا غرووووم

اعترفي أم سولي أكيد مستعيلة على الأكشن

سمحولي استأذن بسير اصلي
دعواتكم
ولي عودة بأذن الله

اول غرام · 03-13-2011, 08:02 PM

ام سولي
خليني انبسط شوي معكم ...
انا ماصدقت قدرت انام كم ساعه على بعض من عقب الارق ههههه
وطلقي كاذب ... بكرى بيصير صادق...فلاتستعجلين على الولاده جايه جايه باذن الله ...

ام سولي · 03-13-2011, 08:08 PM

هلا الياه بخير عساك بخير ومن قال غروم فقدتها شينة لو لحظة يارب نفقدها
ومو مستعجلة ابد والله بس كلش اخل عشان

الأكشن خخخخخخ لا تسطرني غروم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أزياء حوامل 2011 , أفخم الموديلات و آخر موضة ملابس حوامل لعام 2011	ايلاف	الموضة و الجمال	13	10-06-2014 09:07 PM
أزياء حوامل 2011	غلا الشوق	الموضة و الجمال	4	02-08-2012 02:47 AM
ازياء حوامل 2011؟	الحبوبه	الموضة و الجمال	10	02-16-2011 04:07 AM
ازياء حوامل 2011 ملابس حوامل صور حوامل ملابس افضل الملابس للحامل	غلا الشوق	الموضة و الجمال	13	01-02-2011 10:02 PM
أحلى ملاااابس للحاااامل 2011	Mقمة البرااااائهM	الموضة و الجمال	4	04-24-2010 04:38 PM