تجمع الحوامل اللي ولادتهم في صفر 1434هِ

يارحيم · 12-27-2012, 09:36 AM

عاد انا مشكلتي توقيتي عكسكم وقت اتكي على النت تكونون نايمين او مشغولين ولما اصحى من النوم وافتح المنتدى القا انواااع السوالف والولادات وانقهر اني مو متابعه اول باول ههههههههه..

ياهم ربي كبير · 12-27-2012, 09:45 AM

سووري تأخرت :)
رضعت ابراهيم وغيرتله الحفوضة
ونيمته بس مانام قاعد يحرك يدينه ويطلع اصوات هههههه
يقعد كذا لين يتعب وينام .. ومرات يبدأ يبكي ووقتها احطله اللهاية بفمه عاد ماعندي شيء ثاني اسويله لاني بكون رضعته وغيرتله وبكاؤه ماله سبب :/

r4m فديتك ربي يسعدك ويخلي المحبة والأخوة بينا ،، ردك عطاني أمل ان شاء الله مايتغير الوضع
عاد اشوف عماتي وخالتي كلهم مترهل ويقولون بعد الرضاعة صار كذا ...
يارب ما يترهل مثلهم ههههه

يارحيم ،، ادري عندكم بكندا التوقيت عكسنا :)
بس انا صرت كأني عايشة معاكم لاني بدخل بهالوقت
وبالنهار بكون نايمة بالساعات اللي يكون برهومي نايم

يارحيم · 12-27-2012, 09:48 AM

ايه اكيد اول الشهور بينحاس ابو النوم :) شكلي بعد الولاده بصير ادخل والاقي البنات اذا تخربط النوم مع البيبي :)

زينب ما تمهدين البيبي؟؟ اقصد الكوفلة ما تستخدمينها؟ حرام البيبي يتعب من تحريك يدينه ورجوله ومايعرف يوقف حركته والمهاد يلمه ويريحه..

ياهم ربي كبير · 12-27-2012, 09:51 AM

كنت اسويله ،، بس زوجي الله يسامحه منعني منها :/
قال خليه يتحرك بحريه خخخخخ
فـ مرات اخليه يتحرك ،، ومرات لما يكون زوجي نايم ادخل يدينه والفه كله

ياهم ربي كبير · 12-27-2012, 09:53 AM

زوجي يقول لفي الرجول والجسم بس خلي اليدين
هههههه

ياهم ربي كبير · 12-27-2012, 10:02 AM

يارحيم ،،
انتي شو هو موعد ولادتك المتوقع ؟

يلا استاذنكم ، بقوم انام
نسيت باجر ابراهيم عنده موعد قياس الوزن ..

اشوفكم على خير

يارحيم · 12-27-2012, 10:14 AM

موعد ولادتي المفترض 30 ديسمبر ومادري الاخ حاب يجي ب 2012 ولا 2013 ههههه

اما زوجك عجيب!! الطفل ممكن يمخش نفسه ويتعب من تحريك يدينه ومايعرف يوقف.. يبيله يرجع لشغله باسرع وقت هههههه باين الفضاوة عاملة عمايلها معاه..

ليالي حب · 12-27-2012, 10:16 AM

مأما هتؤون قصه ولادتك رووعه. نور طفوله مشكوره غ نصائح والبقيه يالله نتحدا بعض من يمشى وياكل تمر ويكثر من ذكر الله. ودعاء. أنا بطنى نازل وحركاته جدا قليله لدرجه أخاف. ؤاحس نوم تغب لأنمنت غ جنب يعورنى الورك ولا نمت. غ جنب الآخر وركى مفكك

ليالي حب · 12-27-2012, 10:58 AM

بنات.مانى قادره أمشئ. بحوش أهلى كبير بس برد ففصلت أمشئ بالبيت فيه مساحه كويشه ماادرئ ينفع. والمسئ بضبط مشى عادئ أم مشي سريع.

ليالي حب · 12-27-2012, 11:01 AM

بنات صلوا على النبي. أحس أعزكم الله برطوبه خفيفه مد؟رئ؟؟. أنا بدأت أشرب زنجبيل خفت من قرفه والحلبه ؟ شرايكم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
.·¤ تجمع الحوامل اللي ولادتهم في محرم¤·.	ام اسكندر	إستفسارات مرحلة الولادة	23225	12-20-2012 07:27 PM
[ تجمع الحوامل اللي موعد ولادتهم في ذي الحجة 1433 ه ]	دلوعة وطيوبة	إستفسارات مرحلة الولادة	2858	11-18-2012 11:34 AM
● [ تجمع الحوامل اللي موعد ولادتهم في ذي القعدة 1433 ه ] ●	~ L o l a	إستفسارات مرحلة الولادة	2656	10-16-2012 02:07 PM
تجمع الحوامل اللي ولادتهم بشهر ذو الحجة 1432.. الله يتمم علينا	ماما زوزو	إستفسارات مرحلة الولادة	10	02-03-2011 05:38 PM