@@ دردشة أحلى ونااااااسه 3 @@

[*أم سلطان*]

طيب يعني يوم طلعتي كنتي زعلانه منهم يوم قولوك الكلام
ولا كان ماطلعتي ,, وزوجك ليه ماسكن معكم طيب ولا قصدك بمدينه ثانيه غير مدينتكم

[@دبدوبه@]

طيب لا تخافين بجاوب بس تحمست للقصه بعدها اسألي

[سموةالجرح]

المهم خوات زوجي مايكلموني وامه واهم مالهم علاقه

انا المشكله بيني وبين ابوه وحط توابل ابوه المصيبه

اني رحت ابوه رحب فيني امه وخواته ولاسلمو علي

[*أم سلطان*]

طيب فكه منهم مدام مالك ذنب خليهم يولون
وابوه ذا وش يحس فيه يتمشكل معك ،،

[*أم سلطان*]

من زمان طيب زوجك كذا وأنتي يمكن من سبب المشكله والتوتر فصار كذا ,,
مدري جا شي في بالي مابي اقوله مدري احساسي صدق ولا
المهم ،، لاعاد تجيبين طاريهم قدام زوجك ، وحاولي تقرون عند شيخ

وحسبي الله على كل ظالم

[*أم سلطان*]

وسعي صدرك ولاتضيقين من شي ،،
مادامك صح واثقه من نفسك ماجا منك غلط ,,
واسمعي كلام زوجك وزوريهم بس ماتطولين ان شاء الله تجلسين لحالك في المجلس وماتسولفين وخلي عيالك معك ,,
الدنيا ماهي جالسه لحد ,, ولك رب كريم ,,

[*أم سلطان*]

سموة ,, ابوه كان معارض زواجكم من أول ,,مدري غريبه اب مايحب احفاده ,,

طيب عندهم غير زوجك في البيت معهم . .وعيال غير عيالك احفاد ..
من خوان زوجك..

[سموةالجرح]

لا كلنا بالرياض ابوه طرد ولده وانا كنت ببيت اهلي مدري وش السالفه دق زوجي وقال ابوي طردنا

سالت ليه ماجاوب رجعت سالت قال انتي هاوشتي ابوي

الله لايوفق من تبلاني الله يبتليهم بعيالهم وانفسهم

حسبي الله ونعم الوكيل


المهم طلعت ببيت زوجي من طلعنا انا مااشتهيه واهو مايشتهيني

[@دبدوبه@]

لا حول ولا قوة الا بالله
وش بلى ذولي الناس مافي خوف من ربي ولا رحمه

[سموةالجرح]

المشكله انه يلح علي روحي لااهلي كيف اروح لااحد مححد يكلمني