ديوانية البحرين - دردشة حوامل البحرين - البحرينيات

rose soul · 01-15-2011, 11:20 PM

شخباركم؟جميعا؟وشخبار اللي بدبيبكم؟؟
اليوم اشتغلنا على التوزيعات وان شاء الله باجر اكون مكمله منهم

ام السادة · 01-15-2011, 11:20 PM

مشكورين ماقصرتون والله يطمني ويطمنكم على بيبياتكم

om khalil · 01-15-2011, 11:21 PM

روز سول مسااااء الورد

روز الفانيه تدرين توني افكر من جم يوم اقول ماليي خلق توزيعات بالمره باخذ ليي صينية شوكلاته اللي يطبعون عليها اسم المولود والسلام،، شفته في مركز البحرين التجاري يتراوى ليي الدرزن بدينار وفمانميه

بنوتة حلوة · 01-15-2011, 11:22 PM

خيووو اني حملت عقب الدورة مباااشرة .. من جدي عرفت اني حامل قبل موعد الدورة بثلاثة ايام .. ما اجوف قالوا ليي راس كبير ولا صغير .. بس في البداية ايام المتابعة قالوا ليي عمر البيبي ازيد باسبوع من الحمل يعني كان في احتمال أقدم اسبوع .. والله اني اتمنى تتقدم ولادتي صراحة .. بس اجوفهم على الموعد اللي عاطيني ماتغير يعني وين ما اروح يقولون 10-3 ماعدا كيران تقول بين 7 و10

rose soul · 01-15-2011, 11:22 PM

ام السادة.. لا تحاتين ولا شي.. اهما الدكاترة ساعات يكبرون الموضوع
يخلون مسكينة الحامل تقعد تحاتي وتعيش في كابوس الله يغربلهم

بنوتة حلوة · 01-15-2011, 11:25 PM

اقتباس:

المشاركة الأصلية كتبت بواسطة om khalil

روز سول مسااااء الورد

روز الفانيه تدرين توني افكر من جم يوم اقول ماليي خلق توزيعات بالمره باخذ ليي صينية شوكلاته اللي يطبعون عليها اسم المولود والسلام،، شفته في مركز البحرين التجاري يتراوى ليي الدرزن بدينار وفمانميه

خيووو هالحجية جفتها حليوووو شغلها ماشاءالله بسوي منه الصينية الدائرية اللي كلها ورود ملونة حده عجبتني .. ان شاءالله لكن بعد خاطري اسوي توزيعات يعني غراش فيهم عسل أو ماي ورد أو عطر خفيف يعني جدي بـ نية خير حق الأهل يعني مادري أول بيبي ومستانسة فيها ابي اسوي ليها شي حليووو بس اني ضد المبالغة والخربطة

والطقم اللي عن حساب كامل سرير وستارة ومادري ويش هرار مايدش مخي حتى لو عندي كفاية

وبالنسبة للصدقة كل يوم طلعي ربية وحطيهم في حصالة أو شي ويوم اللي بتولدين حزة الولادة طلعي الصدقة عشان تتسهل ولادتش عمتي تقول كانت تسوي جدي في اولادها ووحدة منهم نست أو تخايبت وماسوت وتعسرت ولادتها شوووي .. أهم شي النية خيووو

om khalil · 01-15-2011, 11:27 PM

بنوته اهمها تولدين بالسلامه ان شاءالله

بعض الدكاتره يشوفون انه الراس كبير يمكن زين وراثه او انهم يقصدون انه البيبي اكبر من هالاسابيع وانه الولاده بتكون قبل... بعضهم يقولون كلام بناء على تهيؤات وهرار ووايد ناس سمعت عنهم قالوا لهم راس كبير او جنين كبير او راس صغير وتالي ماشاءالله يابوهم الصلاة على النبي مافيهم الا العافية، اهم شي الايمان بقضاء الله وانه اكيد بيرحم بنا ومايرد القضاء الا الدعاء ربي يفرجها علينا جميع يارب

تصبحون على خير ياحلوات وقلوبنا وياكم احلام ام وشمس الصباح وام الساده والباقيات كل باسمه،، ماعليكم شر يارب

ام السادة · 01-15-2011, 11:28 PM

اقتباس:

المشاركة الأصلية كتبت بواسطة بنوتة حلوة

خيووو اني حملت عقب الدورة مباااشرة .. من جدي عرفت اني حامل قبل موعد الدورة بثلاثة ايام .. ما اجوف قالوا ليي راس كبير ولا صغير .. بس في البداية ايام المتابعة قالوا ليي عمر البيبي ازيد باسبوع من الحمل يعني كان في احتمال أقدم اسبوع .. والله اني اتمنى تتقدم ولادتي صراحة .. بس اجوفهم على الموعد اللي عاطيني ماتغير يعني وين ما اروح يقولون 10-3 ماعدا كيران تقول بين 7 و10

يصير بس هم الحين قدموا الموعد مرتين مرة من 11-3 الى 2-3 والحين من 2-3 الى 18-2 ورحت خاص قالت لي الدكتورة صح كبير البيبي بس كل شي اوكي وطبيعي تقول يمكن نزلت عليش الدورة وانتي حامل تقول حجمه حجم بيبي في 35 اسبوع . الله يسهل واولد وافتك من لمحاتاه

أحلام أم · 01-15-2011, 11:28 PM

مساء الخير على الحاضريين والغايبين
أم حماني
لا تخافيين ولدي علويييي صده أبو شنيتر وعمره 5 أشهر وكانت إخته عاديتنه في البدايه خفت وقمت أحاتي وسخن وإنتشر الحب في جسمه لاكن الحمدلله صاده وهو صغير وإفتك وعليش بماي البحر واايد زين لأبو شنيتر وألحيين برد سخني ماي البحر شوي ونقعيه فيه كل يوم ويختي فترة وتعدي وهالمرض عاادي كلش ماعليه شر
شمس الصبااح
حيالله أم الحلويين والكتكوته ،لاتحاتيين خيو ماعليها شر ملووكه الحلوة طلعي عنها صدقاات على طول لو الشي البسيط ،وصوت إللي في الصدر أطفال وايد جدية وبعديين بعد إسبوع يرووح لاتخافيين صارلي بأولادي
ولايخوفونش وتمسكي بحبل الله وبشفاعة أهل البيت إنشاء الله ظهرها مافيه إلا العافية يارب العالمين وإنكان على أبو صفار عليش بماء الحلوة والحندبان وكثري ليها من الرضاعه والماي وعرضيها الصبح لضوء الشمس من ورى النافذة وإنتين في الغرفة لأنه الشمس وضوءها مجرذ ضوء يكسر أبو صفار ويزيحه من الجسم وماعليها شر حبيبة أمها وعوذيها ونذري حبيبتي بالمكتوب للماتم
أم خليل
الشر مايجيش وإنشاء الله يطمنوني وأطمنكم بحق السيدة زينب(ع) وغربتها
وبحق عليل كربلاء وقيده والأيتام وضيعتهم في البراري
إسمحولي باقوم أطوي الثياب داام حمودي ناام

rose soul · 01-15-2011, 11:28 PM

وانتي من اهله ام خليل..وهابي دريمز

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
توزيعات وهدايا وستاندات _ في البحرين	بنت البحرين	منتدى السوق التجاري	4	10-07-2010 11:45 PM
ديوانية حوامل البحرين	أم _ أحمد	إستفسارات حوامل من الشهر السابع إلى الشهر التاسع	3129	09-19-2010 11:26 PM
نداء الى حوامل البحرين	اشراع الهوى	إستفسارات حوامل من الشهر السابع إلى الشهر التاسع	0	06-18-2010 12:47 AM
ام البدرين الله يعطيك العافيه	عاشقة طيور الجنه	منتدى علاج العقم و تأخر الحمل	9	06-13-2010 04:37 PM
عين عذاري ( اهل البحرين )	الشوق عطري	المـنـتـدى الـعـام	2	08-18-2009 12:16 AM