تجمع الحوامل اللي ولادتهم في صفر 1434هِ

[ياهم ربي كبير]

يارحيم ، كلامك حق نحمد رب العالمين على كل النعم
وان شاء الله تتسهل امورك ويرزقك ولادة سهلة انتي وباقي البنات


هوادي متشوقة اقرأ قصتك
الحين بروح على القسم واشيك عليها :)

[يارحيم]

انا هنا ياحلوة احمدي ربك اتك ولدتي بدري نجوتي من اصعب فترة انتظار!!

من جد مدوخه مختفيه توني الاحظ شكلها ولدت!! الله يهون عليها.. انتي بشرينا كيفك وكيف ابراهيم اذكر اجلتي ختانه لانه كان تعبان وممغوص ويبكي كثير.. كيفه الحين تحسن ولا على ماهو عليه؟؟

[ياهم ربي كبير]

اهلين يارحيم
ادري انه الانتظار صعب
بس حنيت لكم وحبيت اعيش معاكم لحظات الصمود خخخخخ

ابراهيم كويس، ايه اجلت الختان ، أقرب موعد في يناير تدرين بسبب اجازة الكرسمس وراس السنة
المغص يجيله ويروح ، في بعض الليالي مايخليني انام من كثر ما يبكي
بس ان شاء الله الموعد القادم مارح اأجلة لو شوماصار

[ياهم ربي كبير]

برب بصلي الفجر وأرجع.............

[مامة هتون]

صباح الخييير


يارحيم


ابد لا تتعبي نفسك بالتفكير وتنتظري ترا هاذي غلطتنا كلنا وانا كمان الحين استسلمت خلاص ربي يفرجها علي وعليكم

بكرا اخلص التاسع والحمد لله ع كل حال ربي اعلم بالانسب لي



زينننب

ياهلا والله بهالطلة ي عسل

نورتينا

كيفك انتي وكيف ابراهيم ان شاااء الله احسن؟؟

لا عاد تقطعينا محتاجين وقفة النفوسات ترا ههه يهونون علينا ونهون عليهم ههه

الله يفرج على كل الحوامل يارب


ويكتب لنا الساعة الميسرة اهم شييي

[شوق جدة]

يااهلين بالحريم.........نورتي...........
وين الغيبة؟؟؟؟؟؟؟هذا كله من برهومي الله يحفظه..........
ياحليلك زينب......افتكيتي من الصمود.......الدور الباقي علينا....اللي كل يوم ننام ونقوم على نفس الاكشن.......
اما مدوخة...............عندي احساس انها ولدت ....لا ولها اكثر من يومين...........غيبتها مثل غيبة هوادي وهيمو......غابوا وبعدها جات بشارتهم مع بعض...........
عقبال البقية وانا معهم............

[ياهم ربي كبير]

ماما هتون & شوق جدة
تسلمولي يا حبيابي لكم وحشة
النت كان السبب الغيبة ، مارضي يدخلني للمنتدى ، ان شاء الله مايعيدها !!
كنت اتابعكم من الجوال بس ماقدرت اشارك لان جوالي انجليزي مافيه حروف عربي
كيفكم وشو أخبار الاكشنات معاكم ؟؟؟ :)
شوق شو اخبار المشي والله كنتي تضحكيني بسوالفك لما كنت اقرأها من الجوال
مشية البطريق والعباية اللي انقطعت خخخخخخخخخخخ
ماما هتون اش اخبارك ياعسل؟ ان شاء الله طيبة
وايش اخبار الرحم عندك مفتوح كم سانتي؟؟

[ياهم ربي كبير]

وفي وحدة من البنات كانت تقول طلعت تمشي وشافت كلب كبير خربلها الطلعة
وقتها فطست ضحك خخخخخخخخخ

ياخسارة كان ودي اشارك أول بأول ، كنت شغالة قراية وبس خخخخ

[شوق جدة]

زينب..الله لايوريكي اللي شفته.........عذاب..تعبت مشي..والله اني لما اقوم لازم اسند بأي شي قدامي.......
واخواني كل ماراحوا دواماتهم ورجعوا......اول سؤال يسألوني.......ليه ماولدتي للحين......واهل امي وابوي ....يتصلوا.....يسألوا........حتى جيران امي ماخلوني بحالي........
والا المشي.....خيطت الشارع.....لدرجة الناس حفظوني......والبنوتة لاصقة ببطني........الله يسامحها.......
وزوجي فرحان...........يقول خلي بنتي بحالها..متى ماتبي تنزل تنزل...وان ماحبت تجلس مكانها.....
شكلها تنتقم لابوها...........عشان ماسافرت............

[يارحيم]

والله ياشوق احسن شي الواحد ينصب على الناس وما يعلمهم بدخول التاسع وش هالازعاج ياربي!! يعني اذا انتصفتي بالتاسع قولي توني داخله وخلاص ما يبدا الازعاج الا على الديو ديت!!

انا لان باقي اسبوع على موعد الولاده المفترض بديت اجهز نفسي ونظفت المنطقه من تحت وشلت وجهي بالفتله وكذا.. ان شاء الله ما اعدي بكثير واضطر اروح مرة ثانية للصالون ههههههه..