حاليا في عملية طفل انابيب طلو على موضوعي انا محتاجه دعمكم ودعائكم

[-جوري-]

يارب يامثبت السموات بغير عمد ثبت لها اجنتها يارب واسعد قلبها بالحمل السليم العافى

[Amooo]

هلا حبيبتي يارحيم ,,
الله يثبت اجنتك ولا تنسين استودعيها داااااايم
وتلقين في قسم الرقية الشرعيه والادعية والاذكار
في موضوع لوحدة عن رقية لتثبيت الجنين
اسمعيها تكفين وطمينينا عنكك كل فترة

[Amooo]

حبيبتي افتحي اليويتوب وابحثي عن رقية تثبيت الحمل
للشيخ ماهر المعيقلي

[يارحيم]

شكرا لدعائكم لي الله يستجيب.. انا من امس ما تحركت حتى الصلاه وانا جالسه.. بس داخلي خوف رهيب رهيب احيانا ماقدر اتنفس من الخوف.. وادعي لاجنتي بالثبات يمكن كل ربع ساعه وكل ساعه استودعهم ربي.. صرت مهووسة..

انا اكثر شي ضيق صدري كلام الدكتور كان من اول متحمس ويقولي انا متأكد انك بتصيرين حامل كل شي ممتاز والحين يقول ما كنت متوقع هالنتيجه وان شاء الله تثبت.. كلامه سبب لي كوابيس..

الله يعطيكم العافيه على كل كلمه مواساة وكل دعاء كتبتوه لي ما تعرفون وش كثر تأثيرها ايجابي.. الله يجعلها في ميزان اعمالكم يارب..

[Amooo]

وش دعوى حبيبتي
احنا ما سجلنا في هالمنتدى الا لحااااااجتنا الماااااسة
لمن يواسينا ويوقف معنا ويحس بمعاناتناا
صحيح الاهل والحبايب ما يقصررووون
بس اذا صرتي مكشوفة والكل يعرف بتكثر الاسئلة والنظررررررررات
انا ما يذبحني غير النظررات كاني مسوية جريمة مو انابيب
لكن هناااااااااااا انا القى رااااااحتي واستاااااانس وارووووق واتفاائل
مع العضوااااات حبيباااااااااااتي
طولت عليكم وشكلي خررررربطت

[ام وسونة]

ربي يجبر بخاطرك وتحملي وتفرحينا معاك

يااااااااااااااااارب ثبت اجنتها وفرحها بشوفتهم يااااااارب

[أثري في مدادي]

توكلي على الحي الذي لايموت ،،،

وارخي أعصابك ،،، وحاولي تشغلي نفسك بأي شئ ،،،
مطالعة ،،، تريكو ،،، تطريز ،،، النت ،،، كتابة مذكراتك ،،،
لا تنسين تخصيص ورد تلاوة يومي ،،، وتمعني في الآيات ،،، بتريح النفس المضطربة ،،،

وأسأل الله أن يسهل لنا ولك اللي فيه الخيرة ،،،

أما أنا فخرجت اليوم لعزومة صاحبتي من حداشر يوم فاتوا ماطلعتش ،،، عدا الإثنين الماضي للحقنة ،،،،

والتحليل الإثنين القادم ،،،
ومتوكلة على الله عزوجل ،،، أخذت بالأسباب وربي يسخر وييسر الحوال
~~~~~~~~~~~~~~~~~~~~~~~~~~~~~~~~~~~~~~~~~~~

وربي يفرحنا بالإنضمام لتجمع حوامل مع بعض ،،،،، ونصير نتشكى من الوحام ومن الثقل ومن ومن .............

[يارحيم]

امين ياكريم..

انا توني اليوم ثاني يوم ترجيع والمفروض طبعا اكون منسدحه على الكنب لكن للاسف تهورت.. كان عندنا مشوار بعيد شوي وقلت لنفسي بحط مخدات بالسيارة وبنزل المرتبه كني على الكنبه بالبيت.. وبعد ما طلعت تحسسسسفت وقعدت ابكي بطريق الرجعه قلت لو ما صار لي حمل بلوم نفسي :((( مع اني طول الطريق مرتخيه وشبه منسدحه وماتحركت لكن مهما كان السياره مهي مثل البيت مهما كان فيه هز خفيف يعني مو ثابته.. المهم اني من رجعت وانا ابكي.. لو ربي ما كتب لي حمل بلوم نفسي لوم الله يعيني.. مادري وشلون غلطت هالغلطة المشكله ان زوجي شجعني على الطلعه وقلت ان شاء الله ربي الحافظ !!!!

[●•• ShąhǿǾǿĎ ••●]

السلام عليكم اختي لاتحاتين توكلي على رب العالمين وان شاءالله
مايضيع تعبج
سمعي
انا صار لي والده ثلاث شهور وعشرة ايام بتاريخ12-3-2012 كان عندي ترجيع
اجنة مجمده واليوم لي خمسة ايام تحليلي بيكون 26-3
ووالله العظيم مارتاحت ولا شي نمت ساعه بلمستشفا بعدين طلعت
على كرسي لي باب السياره رديت البيت وكنت جوعانه وانا طبخت قبل ماروح
حطيت لنفسي اكل وقعدت اكل بالسرير وبالليل سويت عشا حق زوجي لانه حنا بروحنا
بالبيت مافي احد يساعدني
حتا زوجي مو نفس المره الي طافت كان حتا المواعين يغسلهم ههههه بس هالمره لا قاعد ويبيني
اقوم فيه وبشغل البيت طبعا اشتغل اليوم اول مره اوقف بالمطبخ واطبخ قبل كنت اسوي خفايف بس كل هذا بهداوه وبنتي حياتي كاسره خاطري ماعدت اشيلها نفس قبل بس همن قايمه فيها ارضعها واوقفها بعد
الرضاعه بس ماشيلها واغير لها حفاظتها وابدل ملابسها وتوني كنت اغسل صحون العشا ههههه. واكلت ورديت فراشي يعني باختصار ماني ذابحه نفسي بالراحه نفس حملي ابنتي واقول لو لي نصيب فيهم بيثبتون ان شاءالله ومتوكله على ربي وواثقه فيه وان شاآءالله تكون ارتفعت معنوياتج شوي وابيج تريحين نفسيتج اهم شي انا يمكن لو ماصار حمل بللوم نفسي اني مارتحت
ولكن بالنهايه كل شي بيد رب العالمين لاتحاتين وان شاءالله اثنينا نحمل ونبشر بعض هههه

[يارحيم]

المشاركة الأصلية كتبت بواسطة cla$sίς ĠįяĻ

السلام عليكم اختي لاتحاتين توكلي على رب العالمين وان شاءالله
مايضيع تعبج
سمعي
انا صار لي والده ثلاث شهور وعشرة ايام بتاريخ12-3-2012 كان عندي ترجيع
اجنة مجمده واليوم لي خمسة ايام تحليلي بيكون 26-3
ووالله العظيم مارتاحت ولا شي نمت ساعه بلمستشفا بعدين طلعت
على كرسي لي باب السياره رديت البيت وكنت جوعانه وانا طبخت قبل ماروح
حطيت لنفسي اكل وقعدت اكل بالسرير وبالليل سويت عشا حق زوجي لانه حنا بروحنا
بالبيت مافي احد يساعدني
حتا زوجي مو نفس المره الي طافت كان حتا المواعين يغسلهم ههههه بس هالمره لا قاعد ويبيني
اقوم فيه وبشغل البيت طبعا اشتغل اليوم اول مره اوقف بالمطبخ واطبخ قبل كنت اسوي خفايف بس كل هذا بهداوه وبنتي حياتي كاسره خاطري ماعدت اشيلها نفس قبل بس همن قايمه فيها ارضعها واوقفها بعد
الرضاعه بس ماشيلها واغير لها حفاظتها وابدل ملابسها وتوني كنت اغسل صحون العشا ههههه. واكلت ورديت فراشي يعني باختصار ماني ذابحه نفسي بالراحه نفس حملي ابنتي واقول لو لي نصيب فيهم بيثبتون ان شاءالله ومتوكله على ربي وواثقه فيه وان شاآءالله تكون ارتفعت معنوياتج شوي وابيج تريحين نفسيتج اهم شي انا يمكن لو ماصار حمل بللوم نفسي اني مارتحت
ولكن بالنهايه كل شي بيد رب العالمين لاتحاتين وان شاءالله اثنينا نحمل ونبشر بعض هههه

ايه والله كلامك ريحني.. كنت احسب اني مجنونه باللي سويته بس كلامك لي حسسني انه عادي ان شاء الله ومافيه خوف.. الله يثبت لك احنتك ويفرحك فيها يارب ويطمنك على كل غالي يارب..