ديوانية البحرين - دردشة حوامل البحرين - البحرينيات

[فلونة]

المشاركة الأصلية كتبت بواسطة rose soul

تصدقين طالع لي في رقبتي جمن حبة صغار بني يقولون مال حمل..ملوعين جبدي
وصارت مقسمه..فيها خط..بس مب واضح ذاك الزود
يعني لين اقول للأوادم بعدين يلاحظونه..انتي بعد جذي؟؟

صبااح الخيررر

شخباركم.. انا قاعدة من الساعة ست ونص ومافيني نودة عيزت وانا اتقلب على السرير.. مادري شفيني:( حتى زوجي عباله وياي ألم

روز،، سوري قمت امس بسرعة عصب علي وعلى طول صكيته.. انا كنت باسألج نفس السؤال لانه توني املاحظة هل سالفة من يومين.. طالع لي حرار صغار في رقبتي .. ورقبتي مو بس خط واحد الا خطوط وغير انها صارت سمرررة واايد غير عن جسمي .. مادري طبيعية هالسالفة من الحمل او لا

فجورة،، الحمدلله على سلامتج ويتربى في عزكم زاايد

[rose soul]

هلا فلونتي..يا صباح النور..مصحصحة اليوم :d
بس قولي ان شاء الله كل هذي الاشية اللي تصير في الحمل تروح بعدين
امي تقول لج حمدي ربج ان ما طلع في ويهج..في ناس يطلع في ويههم ويتشوه شكلهم
الحمد لله على كل حال
اللاااااي..زوجي يقول لي استوت الطلبية اللي طلبناها من الفخار حق التوزيعات..ان شاء الله اليوم اييبهم..وبابتدي اصبغهم

[rose soul]

بنت الاياويد..شكله ما بنجوفج وايد من شواخة ام الصياح خخخ
الله يخليها لج
..
Roze..هذي توج..لاحقة بعدين في الاشهر الاخيرية..هذي اذا قدرتي ترقدين عدل من دبتج ومن الثقل
..
فجوره..يا هلا ام زايد منورة الديوانية بوجودج..ما بغيتي تطلين علينا

[فلونة]

اي روووز مادري شفيني يختج ما كنت جذي ،، احين ماتييني النودة الا بالزوور وخبرج كل دقيقة لازم نحتاج الحمام ومن اقعد خلاص طارت النودة..
انتي طلع لج تشققات في بطنج ؟؟ انا طلع لي واايد واستخدم كريم بالمرز وزيت زيتون ومافي فايدة على قولتج ان شاء الله تروح عقب الولادة
والحرار الي في رقبتي كنت افكر اروح المستشفى بس طمنتيني حالج حالي يعني

[فلونة]

وعلى طاري التوزيعات انا خذيتهم وللحين ما اشتغلت فيهم مولية،، على الاسبوع الياي بابتدي فيهم.. انا خايفة اشتري الجوكليت من احين مادري شاسوي وحتى بطاقات ما سويت
ووايد بارردة:(.. يلاا اشتغلي في توزيعاتج علشان تشجعيني ونضيع وقتنا

[rose soul]

تصدقين فلونة.. انا اصلا من حملت ما ذقت طعم النوم اللي خبرج..يكون الواحد مرتاح في النوم..انا اتملل من كثر ما اروح الحمام.. ساعات اظل اتقلب يمين يسار ابي اروح الحمام..بس اتعاير خخخخ .. وبعدين بطني يعورني
انا ادري عن هالاشية اللي تصير للحامل عن الرقبة والسواد اللي يصير لها.. بس انا ملوع جبدي.. مو مشتهية نفسي كلش
بالنسبة لتشققات..لا انا ما طلع لي غير ذي الخط اللي في البطن..هذي يقولون كلف الحمل
توني ادري ان يسمونة كلف

انا بعد الحمل بروح اسوي حمام مغربي اشيل هالوسخ هههههههههه
ما بخلي روحي جذي

[فلونة]

ههههههههههههههههههههههههههه لحوول والله حالتنا صعبة .. انزين سواد معليه بس ليش هالحرار والحكة في الرقة سالفة يديدة.. وعلى قولتج الكلف ناس حتى في ويههم يصير لهم... انا قلت حق الدكتورة عن الحكة الي تصيدني في بطني تخيلي كتبت لي اللوشن الابيض مال بوشنيتر... انا بروحي من جفته خفت.. وكتبت لي تحليل دم حق وظائف الكبد ومارحت سويته خايفة

تعالي مني انتي شمقعدج من صباح الله خير ،، واحشج الريل هاا اعترفي :p

[rose soul]

بالنسبة لتوزيعات..انا متشوقة اجوفهم..يقول لي شكلهم كيوت حتى بدون تلوين..
عيل لين يابهم اليوم بالونهم وبراويج بحرج شوي علشان تشتغلين على توزيعاتج خخخ
انا ريلي يبي يشتري حلاوة من الحين..بس احسه بيخترب مادري والله
انتي من وين بتاخذين الجوكليت؟؟انا مادري من وين اخذه

[rose soul]

بو شنيتر عاد؟؟ شدخل خخخ
ذكرتيني في الشنيتر اللي صادني وع ههههههه وانا كبيرة
وعن التحليل حق وظائف الكبد ..انا ماسو لي ليش يعني؟؟شمعنى قالو لج؟؟

سكتي فلوونوو..واحشني عدل هذي ولحين ما سافر..هذي اذا سافر مادري شلون حالتي بتصير خصوصا بغيب اكثر من نص شهر :(

[فلونة]

انتي ذقتي الجوكليت مال مخبز دلمون وايد احبه :d ،،، شكلي باخذ من هناك وريلي يقول خل نسوي تغيير وناخذ كافي جواهر بس احسه مايصلح فيه منه صغار وكبار ...
وليش ما خليتيهم في الفخار يصبغونهم اريح لج..

ابي اقعد ريلي جان نتريق ونروح الماتم ،، وعدني اليوم يوديني الممشى وان شاء الله الجو يصير زين لانه اذا تم بارد باقعد مكاني