تجمع حوامل ليبيا

[أم أجنادين 80]

والله شي غريب جدا جدا

لكل منا رايه

بس اكيد متفقين علي انه التدخل الأجنبي ليه اهداف وغايات

ومطامع في ليبيا

وهدا اكثر شي يخوفني

[عيون زوجي]

للعلم اخواتي
القرضاوي شخص مخالف منافق
قرض الله لسانه
وقد كتب فيه الشيخ الجليل ربيع المدخلي
اسكات القرضاوي الكلب العاوي
والعريفي والقرني مخالفون وقد منعهم الشيخ بن باز من اعتلاء منابر الخطب 10 سنوات
عليكم بالتمعن في الفتاوي التي تصلكم
ومن المشايخ تحديدا
فليس كل شيخ شيخ
العقيدة هي التوحيد...
واحدركم من سماع القرضاوي والقرني والعريفي اللهم فاشهد......

[ام قصى محمد]

السلام عليكم اخواتى والحمد لله ان النفوس هدئت وان الروح الليبيه الموحده طغت على الفتن
شوفو لكل شئ نهايه وهذا الوضع راح ينتهى ولكل منا مخاوفه وكلنا اجمعنا على انما نريد تدخل اجنبى بالبلاد وهذا بأذن الله مش راح يصير وما كان صار لو ان الوضع بقى سلمى بس الله غالب
ونسأل الله ان يرينا الحق حق ويرزقنا اتباعه وان يرينا الباطل باطل ويرزقنا اجتنابه
ومشكوره سماحه على ذوقك فى الرد وبارك الله فيك
بس ياريت قبل ما اى وحده تكتب كلمه بحق القايد تعمل بحث غوغل عليه وعلى اولاده واموالنا المهدوره على فاسقات هوليود والمغنيات ونحن ندفع دمنا اذا اراد احدنا الذهاب للحج
والمنازل الفخمه واخواننا يعيشون تحت تحت خط الفقر فى منازل اسقفها من الزينقو الى الصفيح
الحفلات الماجنه ونحن مستشفياتنا ينقصها العده والعدات والتعقيم والعاملين والقايد نفسه عنده4 ممرضات
نحن صبرنا بما يكفى الان بعد 42 سنه يضحك علينا بالتعيين وصرف اموال هى من حقنا اصلا ابنه نفسه سيف اعطينه فرصه للاصلاح بس ما شفنا الا تحرك بطئ جدا يكاد ان يكون ميت
وحدث ولاحرج

[ميمونة]

لاحول ولا قوة الا بالله_تعرفو حرام اللي يصير_كرهت إنخش ونشوف هالردود_أم قصي حتي النشدة عليا ماسألتي_وأنا كان قلبي عليك_لهيتي في هالنقاش_علي أساس الدول الثانية في راحة_هذه الدنيا ربي يستر من التدخل الأجنبي

[ام وسونة]

ميمونة

نورتي حوشك ياحلوة شن جو راجلك وكيف حال بنتك

وامتى روحتي

[ميمونة]

والله فرحتيني ام وسونه ماعنديش بنيه بس فاولتيلي بالخير_ربي يحفظك _ليا سنة ونصف متزوجه وماحملتش_
تسلمي عالنشده ربي يخليك ويهنيك

[اضوء]

يا أم قصى أحنى لا نبو فلوس ولازيادة مرتبات ولافيلات فخمة ولكن نبو الامن والامان والاستقرار هادى دار الدنيا الانسان يعمل ويفكر فى الاخرة وبش القائد بس هو لى خانب بل كل من مسك منصب بالله عليكم ياأهلنا وناسنا فى الشرق خافوا على نسائكم وبناتكم وأخواتكم وامهاتكم اللبيات من التدخل الاجنبى هادى فتنة زرعوها حتى يستولوا على نفطنا

[عاشقة الصحراء]

مسالخير يابنات كيف حالكم ؟؟
أم قصي حبيبتي الحمد لله طمنتينا عليك مع انك ماسألتيش على عشوقتك زعلت منك هههههههههههههه
باقي البنات كلكم بدون استثناء كيف حالكم .... من فيه موجود توا ؟؟؟

[اضوء]

هلا عشوقة كيف حالك وحال البيبى

[ميمونة]

هلا أضواء وعشوقه شن الجو
تصبحو علي خير