دردشة بنات مصر , دردشة حوامل مصر , تجمع بنات مصر

[أم إياد]

لاااااااااااا اله الا الله

ازيك يانور وازي موكشة؟
ازيك يا ام ليلي وازي سلومة؟

[نولارا]

عليه افضل الصلاه واذكى السلام
ازيك ياام سلمى
العيال اختفواا فيييييييين

[ام انس المصريه]

ازيكم يا نسوان

وحشتونى يامقاريض

الواد انوس ياحبيبى جسمه سخن من الصبح اديته سيكال وقست درجة حرارته لقتها 37 هى كده كويسه ولا ايه ؟؟

.
انا رايحه بيه دلوقتى اصلا لدكتور اطفال هاقوله ع الصفرا وع الترجيع اللى بيرجعه وعينه المعمصه على طول خلصت ازازة قطره وزى ماهى وعلى حزقه اللى عمال على بطال

فكرونى ايه كمان

اه افتكرت واوقات صدرى مش بيكون فيه لبن وبيقعد يعيططط لو يكتبلو على صناعى

وسعات ياقلب امه يقعد يحزق ويهبش فى وشه ويهبش فيه ويتلوى ده اكيد مغص برضو هاقوله عليه

انا هكتب فى ورقه والله كل الكلام ده اصل بروح للدكتور كل اللى فى نفوخى بيطيرررررر

[ام انس المصريه]

ام ليلى مين ياعيال

هى ملك طلع اسمها ام ليلى ولا معاه بنت اسمها ليلى ؟؟؟؟؟؟؟؟؟

[دودى مجدى]

شيماء سلامة انس يا حبيبى هى الولية الحسادة دى جاتلك امبارح ولا اية يا بركاتها يا ستير على الناس اللى يمشو يدلدقو حدس دول يا رب احفظنا واحفظ عيالنا

[دودى مجدى]

بنات امبارح روحت الحرم اول مرة اخرج من اخر مرة كنت فيها عند الدكتورة افتكرت البت توتة اما قالتلى ادعيلنا يا خاينة قومت دعيالكو دعوة جماعية كدة ربنا يهديلكو عيالكو ويسهل للحوامل ويرزقهم بالذرية الصالحة

[أم عمر وجنة إن شاء الله]

انا عندى نزيف يا جماعه وانا فى الشهر التلت مع انى مبتحركش نهائى ولا فى حتى جماع النزيف عباره عن افرازات كتيره لونها ابيض وبعدها اتحولت لاحمر وبعدها بدأ يغمق الموضوع دا كله بقاله اربع ايام بالتدريج كدا مفيش دكتوره فى المنتدى كله توحد الله

[دودى مجدى]

سلامتك يا ام عمر طب ما تروحى المستشفى على طول يا بنتى لسة هتسالى وكمان سما الدكتورة بتاعتنا اللى فى المنتدى مش فاضية الايام دى وعندها شغل وبتدخل قليل اوى روحى يا حبيبتى لدكتورتك وطمنينا بالله عليكى

[أم إياد]

دودي ازيك ياحبيبتي وعاملة ايه في الحمل؟
شكرا ع الدعوة الحلوة

ام عمر الف سلامة عليكي
وفعلا لازم تروحي تكشفي وتتطمني احسن على الجنين بالسونار
ربنا يتمملك بخير

[أم سلسبيل]

سلامو عليكو

ازيك يا دودى

ام عمر ساكته على نفسك ليه

روحى فى ساعتها اى مستشفى

ايه اللى مسكتك من اربع ايام