حبيباتى سيدات ليبيا تفضلو لأعرف ما حالكم

[جوهرة ليبيا]

السلام عليكم ورحمه الله وبركاته

[dr.loly]

امس كان يوم شاااااق ..

خخخخ لانه كله عدا ف المطبخ


طبعا نضت ف الصبح دوشت


وبعدها دوشت لفرااس ومن ثم لولي عدوة الماء والصابون خخخخخخ



ودرنا فطور عائلي لاول مره ع الارض ههههه ملينا من جو الطاوله


حنينا لفطورات الوطا ايامات الشتا نا وزجي وجنبنا الكانون مع الشاي والقهوة الفايحات-+


فطرنا .. وبعدها بشوي بديت ف الغداا رز اصفر وبطاطا مبطنة وكيكة حاره


خلاص بعدها اتصلوا اصحاب زوجي ال 2 قالو بيجوا يقرو مع بعض


جونا ساعه 3 ونصف


درتلهم الشاي والقهوة



طبعا العصير والشوكلاته والمكسرات والفواكه ع طاولة المربوعه


بعدها درت العصيده لان واحد منهم خاطره فيها




ودرت شاي بعدها من جديده يموتوا ف الشاهي الاخضر






وختمت ع عشاء درتلهم مكرونه شعيريه مبوخه ع خضرة


وحطيتلهم كيكة وبطاطا من لي فضلن

ودرت شاهي من جديد



وحاست عليا وكرعيايا ساتر اخر اليوم ههههه

[أم أجنادين 80]

صباح الخير
كيف حال الجميع
حاضرين وغايبين
للأسف ام فروسي ماصورتش جنبها لأنهم
عارضينها جنب. مباني والمنازل الخاصة بالأفلام
مدينة كاملة للأفلام مستشفي ومحكمة ومدارس
قرية كاملة
وبحيرة
وهذه مش فاتحينها للناس الا من خلال الباص الي يرفعنا
ويبدأ يشرح
فيه تلفزيونات في السيارة نشوفوا مقطع من فيلم لما نمروا جنب مكان اللي صوروا فيه المشهد
وانا خلاص بنمووًوووت تمنيت ننزل أندير دورة في المنازل من الداخل
انتي أكيد عارفة كيف شكلهم فيه منهم علي الشكل البريطاني حتي نتخيلي انهم في بريطانيا مصورين
ولو تتفكري في فيلم فيه تحطم طائرة حتي هيا موجودة طيارة كاملة وسيارات مدمرين هل ولما نمورا يجنبها يبدأ فيه دخان ونار كأنها كيف طايحة
وفي نفق متاع ميتروا مثلونا فيه زلزال بدت الباص تهتز
وعلي جنبنا اليمين واليسار طاح السقف وبدت فيضان امياء وطاحت شاحنة من السقف وبعد شوية كله يرجع لمكانه
وهدا كله مع التأثيرات لو فيه نار نحسوًوا بالحرارة او إيماء يبخوا علينا أمية
ولما مارينا جنب سيارات هلبة من ضمنهم فليستون
كنت مصدومة ومالحقتش نصور وحتي انا ماكنتش من جيهتها يعني في الباص صعب التصوير اااااااااااه
وبعدين خشينا نفق لبسنا نظارات
وبدت الباص تهتز وشفنا فيلم 3d متاع الغوريلاااا العملاقة وديناصورات علي أساس انه الغوريلاا أدافع علينا
الديناصور يهجم علينا حسينا كأننا فعلا معاهم لما أيد الديناصور قريب توصل لوجهي والباص تنقلب بينا جووووو
وكل المقاطع اللي شفناها حتي متاع الترانسفورمر
مش من الافلام مدايرينها خاصة للعروض هذه

وراح نحكيلكم شن صار فيا في دار المومياء والرعب

[أم أجنادين 80]

تسلم أيديك ام فراس
ماشاء الله عليك قائمة بالواجب وزيادة
والله يجبر بخاطرك زي ماجبرتي بخاطر الشاب
في ميزان حسناتك احبيبه

شن صار في ايفادك تعالي ونسينا في امريكا

[dr.loly]

المشاركة الأصلية كتبت بواسطة أم أجنادين 80

تسلم أيديك ام فراس
ماشاء الله عليك قائمة بالواجب وزيادة
والله يجبر بخاطرك زي ماجبرتي بخاطر الشاب
في ميزان حسناتك احبيبه

شن صار في ايفادك تعالي ونسينا في امريكا

الله يسلمك عزيزيتي..
الحمدلله مثل مانحكي ع العزايم دائما نحس بمتعه هكي فيهااا

ان الواحد يطبخ بنية بجد لان هالشباب مسااكين خاطرهم ف بعض الحاجات

والحق مانحرموش بكل هههه كان مش منا من بعض الاكرام غيرنا لي يعزموا
والحمدلله ماايفوتش اسبوع الا بعزومه

حتى لو كانت بسيطة نوعا ما مثل امس





وايفادي ان شاء الله خير ونلقااه بعد نروح ويستر اللله

[أم أجنادين 80]

هيا سلامات بنوض نجهز روحي بنمشي
ومن غدوة بترجع افتير نوووون
الصبح نروح بكري صح بس ماساعدنيش في القراية
بس زوجي راح يمشي صبح وانا عشية

[اوشي]

وتوة كيف حالكن ياحلوات نفرة نفــــــــــــرة

[اوشي]

فروستي تستاهلي الترتيب الاول تجهيزا رائع جدا


والف مبــــــــــــــــــــــــرووووووك

[هدية الخالق]

السلام عليكم كيف الحال
اخ نحس في روحي تعبانة امس عازمين ستة أشخاص عالعشي
عزابة أصحاب راجلي درتلهم كسكسي بالبصلة ومحاشي كوسا وفلفل وامبطن وأصابع دجاج وسلايط ومشروب وفواكه
تعب لأنه كله درته امس ماوتيتش من اليوم الاول لكن الحمد لله ربحنا اجرهم مساكين قاعدين علي ايكال المط اعم والايديروا في خفيف بروحهم واليوم صابحة متكسرة وسوما مزكومة وقالقه ومقلقتني
حتي عازمتني صاحبتي ليبسة عالفطور شوبت هي بعيدة عليا ماخاطريش في ركوب الباص والاالقطار وتشحوير مع سوما والعربه
عموما ليكم وحشه كلكم ان شاء. الله تكونوا كلكم بخير

[dr.loly]

السلام عليكم ورحمة الله وبركاااته