تجمع حوامل ليبيا

[طرابلسيه]

صباح الورد جميعا:)
بارك الله فيك أختنا أم رفيده:)
الله أعلم بنيايتنا من أنفسنا:)
تصوري أن الرجل بكل هيبته وصورته يفرح باهتمام وحنان زوجته كالطفل الصغير الذي يفرح باهتمام امه به؟؟تحسي من عيونه انه بيطير من الفرح،،صح مانحطش في شموع فوق الكيكه بس نحط حواليها،،واندير في جو تغيير عالروتين صدقيني الروتين مش باهي،،مهما كان الراجل يحاول يغض بصره،،بس النساوين في كل مكان اقل شي المذيعات في المحطات الاخباريه تي ان شاء الله حتى اللي مصورينهم على شيشة الشامبو

[طرابلسيه]

الخلاصه انك لازم تعيني زوجك وتدلعيه واديريله جو لان الروتين يقلق هلبه،،وعادي جدا،،
باهي لو سميتيها ليله رومانسيه بينك وبين زوجك بس طبعا وفيها كيكه وهديه وعشي ولبس ومكياج واحتفلتي،،عادي ولا مش عادي؟نقصد هل حرام أو لا؟المحرم هو ان نقلد النصارى وغيرهم من اصحاب الديانات الاخرى بتقديسهم لهالاعياد،،سميتها ذكرى ميلاد زوجي،،ولغيت الشموع فوق الكيك،،ومادرتش الحفله في يوم ميلاده بل خالفت،،وبارك الله فيك وخيتنا مره ثانيه على التذكره:)
:
شن مدايره غداك اليوم

[معراج]

السلام عليكم ورحمة الله وبركاته اختى ام رفيده احنا كلنا عارفين ان اعياد المسلمين عيدين بس اضحى وفطور بس انا موش مع الشيخ بن باز في تحريم الاحتفال بعيد المولد النبوي انا موش قصدى بارود الزينه لا انا مع الادكار ومدح الرسول وقصة مولد الرسول وشن الاحداث يلي صارن في مولد الرسول انا ابله ونقري في طالبات كبار في الثانوي مايعرفن حتى امتى انولد الرسول انا مع تمييز يوم مولد الرسول بعدين الدين يسر موش عسروالاحتفال بمولدك او بمولد زوجك هدا شى بينك وبين زوجك احنا ليبيين وعندنا عاداتنا مااععتقدش نحتفلوا في ملاهي ولا نوادي ولابسين قصير والشعر مفتوح والخمر بنواعه على الطاوله يعني كله في البيت مع زوجك وعيلتك والله اعلم وهدا رايي الشخصي واختلاف رايي الائمه رحمه للعباد ونشوفكن على خيييييييييييير

[عاشقة الصحراء]

صباح الخير والورد عالجميع بدون استثناء ... كيف حالكم ؟؟؟
اول شي حبيبتي الحلوة عيوووووووووووووووووون شن الجو وشن أخبارك استحشتك هلبا وهلبات ههههههههه
هذا ياحلوة اني وراجلي نتلاقو الساعة 9:30 في الليل بحكم الخدمة والله غالب اني مايساعدنيش نقعد في الحوش نهبل بعدين وخدمتي وقتها قريب لل5 وتعرفي الحالة جمعيات والتزامات وتبي تطلعي وتتدهوري وتشري ومعاش الراجل بروحه قداش منه .. تسلية الخدمة واستفادة عالأقل توا جايتني ولادة على خير انشالله خشيت في جمعية ب4000 بناخدها قبل ولادتي بشهر باش ندير بيها اللي في خاطري واللمة بنديرها انشالله في حوش أهلي واااااااااسع وتجي خيمة حلوة في الجنان وعشي قنين والمستلزمات التانية ...
نستاحشوا في بعض لكن صدقيني بالنسبة ليا مريحني الوضع هكي يجي الليل مستاحشين بعض وديما نفكروا في بعض زي العشاق في الأفلام المصرية ههههههههههههههههههههه
بالنسبة لخوك اسأليه منين جاب الإيفاد وقوليلي أني مكتبنا في قرقارش .. تخيلي يطلع جاي عندنا ؟؟؟ الدنيا صغيرة ... بري يافالحة طهري وليدك والله انتي اللي تتعبي معاه بعدين وحتى هو مسكين مابعده ...
أم قص حبيبتي ... تسلميلي ياغالية . شن أخبارك وصحيتي عالدعوة الحلوة وبإذن الله نحاول مانخليش القراية تأثر علي مشاركاتي والله بديتو كبيدة حتى لما نغيب تقعدوا في بالي ..
ميمو كل سنة وانتي طيبة .. انشالله يكون يومك حلو اليوم وماتنسيش تقوليلنا عالهدية ..
غرام كيف حالك .. حبيبتي ضروري قياس الوزن والضغط في كل زيارة والدم ضروري تحليله كيف هكي دكتور تفوته حاجات مهمة زي هاذي ..مش عارفة علاش مش مرتاحتله دكتورك عفايسه هلبا ... حاولي تشوفي دكتورة شاطرة ترتاحي معاها ..
بوسي ياقمر .. الحمد لله عالسلامة وربي يهنيك انتي وراجلك يارب .. وعقبالنا بسفرة زيك يااااااااااارب ..
طرابلسية حبيبتي كيف حالك ؟؟
حكومة شن أخبارك اليوم ؟؟؟

[ام قصى محمد]

سلامات ياحلوين انا اليوم وعيت متأخر دوبى درت الغدا مكرونه عالسريع والحوش بسم الله ماشالله فوق بعضه ونبى نمشى عندى لمه والبنات وعن متأخرات ونبى نسيبهن مع بوهن اهههههههههههههه راح ننجن

[ام قصى محمد]

التوبه معش نديرها الوعيه متأخر التتتتتتتتتتتوبه

[ام قصى محمد]

ميمونه

[poucie]

السلام عليكم ورحمة الله وبركاته،،،،،
خير للجميع شخباركم وكلكم بدون إسثتناء
عيون اله ايسلمك يا حنة وشن تراجي لا تواء ما طهرتيش حمودي حي عليك انتي اللي تتعبي بعدين معاه راه وهو صغير خير
ميمونة انشاء الله عقبال العمر كله يا رب وربي يهينيك انشاء الله
عاشقة شخبارك وشن جو الخدمة معاك و حتى انتي ربي يهنيك ويفرح فلبك انشاء الله

[عاشقة الصحراء]

تسلميلي ياغالية يابوسي ...
أم قصي حبيبتي قولي علاش واعية متأخر ؟؟؟؟ أكيدة سهرتك صباحي ههههههههههههههه
سعدودك تمشي للمات تعرفي اني راجلي ماشالله عليه في كل شي والحمد لله إلا في موضوع المشي الزايد للناس واللمات والله تعرفي هذي النقطة الوحيدة اللي مضايقتني تعرفي لين معاش بديت نحط في خاطري اني نمشي لحد لأني عارفاته حيقول لا وحيتضايق تقولي حد دارله مصيبة لما نقول بنمشي لحد ... يقوللي طلوع المدينة اطلعي وسعي خاطرك لكن بيوت ناس غير أهلك مانحبش تخشيه .. شن بندير الله غالب ... ربي يسعدك ويهنيك يارب وغير لما تروحي اعطي للأبو البنات مكافأته على خاطر شدهم لك ههههههههههههههههه

[أم أجنادين 80]

مساء الخيرات

كيفكم

الباين هدروزي

الغالية ام رفيدة مثل ماقالو البنات اليوم هدا مثل اي يوم

ثاني من ايام الاسبوع او الشهر او السنة

ممكن تتعطري وتتزيني فيه لزوجك مع هدية بسيطة

وجو رومانسي شوفي انت فرحة زوجك لما تتذكري يوم مولده

وزيادة حبه ليك لما اديريله اجواء حلوة

صدقيني لو الشي هدا يزيد يقوي علاقتك بزوجك واعجابه بيك

علاش لا ماتغيريش من جو الروتين وتريحيه من ضغوط الحياة والعمل ...

وشي ثاني هدا يعتبر نوع من الاهتمام اما افضل انا انديرله الجو هدا

ولا غيري يديرهوله وعارفين انتم الفضائيات مش مخليه حاجة

ضروري ماتخلي راجلك خاطره في شي يدور عليه في غيرك ,,,