.·¤ تجمع الحوامل اللي ولادتهم في محرم¤·.

[اميرة الورد ~]

هلاحبيبتي
هههههههه وصلتي للسابع وماراحت الشهوة خخخ
وانا مشتهية خبز تميس حاااار وفول زوجي بدوامه ولاعندي احد يجيب لي شكلي بجننه وارسل له مشتهيتهم بقوووة عشان يستأذن ويجي هع
تو ادري ان بندة فيها عصيدة جاهزة
تهببببل العصيدة بس امي ماتحط تمر فيها كفاية السكر يخليها دبس هالمرة تمرر هع
يلا خلي بوحمود يجيب لك خخخ

[دلع الأحساء]

يؤ ميشو غلايا ياخوك
ان الليله بروح اشتري كم شغله وبوريكم
ومب اشتؤي شي غالي اغلب بشتري اسعار عاديه رخيصه
بس لكبر وقام يحبي ولا يجلس بدلعه وبشتري ماركات

[اميرة الورد ~]

والله انا للحين مادخلت محل اطفال
اصلا احس مالي خلق للسوووق ولو ودي اجهز لعيد الاضحى من الحين
زواج بنت حماتي بعد اسبوع وبعده بكم يوم بتكون خطوبة حماي ومالي خلق كلششششش
ومحتارة شنو البس ووش اسوي

[Mishael]

اي والله تخيلي ماخذتها ب700 وبيلبسها كم اسبوع بس حرام وتلاقينها عند غيره اغلا محل ب100 يستهبلون ولا على قولة امي رزق الهبل عالمجانين
عند اتش اند ام لاقيتها ب20 وقت التخفيض بس مااخذتها لاني شاكه وقبل التخفيضكانت ب49 يعني فررررق حتى بالشكل والله

[دلع الأحساء]

اميره ترى من حملت ماشتهيت شي صعب
بداية 3شهور اكلي بس موز لان نساه تتعب وما اتقبل الا الموز
وخواتي يطنزون علي لان انام وعند راسي موز عشاني اجوع وقت النوم وانتقز واكل موزه وارجع انام
والكل يقولي تأكدي من الي بيبطنك ادمي ولا قرد خخخ
وفي الرابع والخامس اكلت مانجو
والسادس والسابع خيار اموت عليييه
بس هذا الي ادمت عليهم واشتهيتهم
والباقي اكلات اشتهيها وما تتوفر وتروح الشهوه

[Mishael]

اميره انتي تونز انصحك تبدين تقضين والزوجات ماانصحك تروحييين ابدد باركيلهم وقولي معليش عندي نزول ومااقدر احضر لان اغاني وازعاج انا من حملت ماحضرت ولا عرس اول اجتمع احضره حق العيد لان الاغاني تضايق الجنين وتوتره

[رورو 12]

المشاركة الأصلية كتبت بواسطة اميرة الورد ~

رورو
دلع
صباحكم ورررد
كيفكم
~~~

صباحك هنا وسعادة وصحة
الحمدلله على سلامتك فهمت من الردود انك تعبتي
ماتشوفين شر وربي يتمم لك يارب وتشوفين التوينز بصحه وعافيه يارب
ومبروك البنت والولد ربي يحففظهم ويحميهم

[دلع الأحساء]

اميره انا ماكنت متحمسه بتقضي ابد وكل مره اقول بدري
بس احس من طبيت السابع وبديت اثقل حييل
عشان كذا ودي اخلص قبل اثقل اكثر وتفتح الكليه
وبنسبه لخطوبة والزواج الله يساعدك
انا من بعد العيد وكله مناسبات وكل يوم مكياج ولبس وسشوار

لين اول امس اخر مناسبه وخلاص افتكينا
تعب حييل الجلسه بطنك تحجر من الجلوس
حاولي لاتطولين بزواج

[Mishael]

سبحان الله دايم اسمع اللي حامل بولد تتوحم موز ومانجو هههه
انا اشتهيت البيك واشتهيت كبده واشتهي الكوكاكولا للحين وخاطري دايم خبز خباز وفول ومشتهيه ريحة حنا براسي بس ابي اصبغ ولا كان حنيت
ومشتهيه اسبح فبركه او بحر ماابي مسبح والله حاله انا مع الوحم وهاليومين كارهه بيتي كررررره اشم فيه ريحه غريبه وبس ابخره

[رورو 12]

المشاركة الأصلية كتبت بواسطة mishael

دايم فروع نكست صغيره بغرناطه ماني متأكده لاكن اللي برياض جلري كبير شوي ماعليه اللي بطريق العليا العام كان المحل من برا مرره كبير بس مادخلته ودايم محلات العليا العام تكون اطفال ونساء انا انصحك تروحين رياض جلري لان الدور اللي فوق اغلبه اطفال
وعندك جاب تحت فيه اطفال وزارا واتش اند ام ونيولوك بس مااتوقع مواليد ومذر كير
انا شفت الصور هذي مررره اعجبتني يمكن اروح اليوم بس لفرع رمال سنتر بمر بنده وادخله اشيك عليه واقولكم

وحياة مول اغلب اللي فوق اطفال
والعيسائي انا جيته مررررره يبالغ بالاسعار