** ليبيا زين علي زين ليبيا ورد وياسمين ** تجمع الليبيات

[هدية الخالق]

المشاركة الأصلية كتبت بواسطة جوهرة ليبيا

وعليكم السلام ورحمه الله وبركاته

كيف حالك هدهد وحال سوما

الحمد لله بخير الله يسلمك كيف حالك إنتي اليوم إنتي والسموحات

[هدية الخالق]

المشاركة الأصلية كتبت بواسطة جوهرة ليبيا

قداش ليا خاطري نمشي لديبنهامز وحتي حاطه 500بس علي جيهه امقايله بنمشي بيهم ليه

لاني نعرف نفسي والله كان نلقي انروح بالسوق كله ههههههههههه

اليوم عاينت ودارتلي جهاز وطمنتني ان كل شئ تمام ولله الحمد وقالتلي لو ماجاتكش الدورة لانك اتضعي فتوقعي نزول بقعه كل اسبوع


ولما امروحين نزلني راجلي لمحل ذهب طبعا مفاجاة اخترت تعليقه نازكه وناعمه وخاتم فخم وحلو ربي يحفظلي راجلي وبياتي

باهي جيجي الحمد لله إنه طلع كل شي تمام إن شاء الله دوم
والف مبروك الهدية ربي يحفظلك زوجك وبنياتك ويعيش ويجيبلك

[هدية الخالق]

المشاركة الأصلية كتبت بواسطة أثري في مدادي

[IMG][/IMG]

ويييييين الخمس ؟؟؟؟

[هدية الخالق]

أوشي ماشاء الله تبارك الله عالعزومه ربي يعطيك صحتك ويسلم يدياتك
والف مبروك الهدايا وان شاء الله لاباس علي وخيك إن شاء الله بالشفاء عليه

[اوشي]

المشاركة الأصلية كتبت بواسطة أثري في مدادي

أوشــــــــــــ غزالة جبلنا ـــــــــــــــــــــــي

رائعة ضيافتك للعرسان ،،،،،،،،،،،، سلمك يالغالية
طيب فيك اللي أنجزتيها وارتحت

طيب منامك وحقق احلامك

والحمد لله تسخرتلك الأحوال وجاك كل شيء على قصاد نيتك ،،،،

لله الحمد والشكر الف مرة

أوشي : البرودو "" كيف اديري فيه ؟؟؟
أني نعرف البرودو ................. معليشي في الغالب نديروه لحد مريض !!!!!!!!!!!
أكيد برودوك يختلف عن البرودو اللي نعرفه !!!!

والله يمكن هو ويمكن لا توة نقولك وانت شوفي وقوليلي

ياحنة هذا انفور المية ونحط فيها اللحم بعدها انحول الريم ونقطع البصلة علي 4

ونبشر طماطم وانحطهم عاللحم ونبهر بملح وطشة بزار اصفر وفلفل اكحل

ويامحلاة لو دقيته طازج اتجيك بنة البرودو من وين وانخليها تغلي لمدة نص ساعة بعدها

انوطي النار عليها لين يهبز اللحم ونص البصل يذوب في المية وقدميها ساخنة مع ليمون

وحتى نحنا نديرو فيها للمرضى بس بدون كثرة ملح ولا بهارات

وبعدين في """ الخبزة المحشية بالتمر للفطور """ كيف طريقتها ؟؟؟

بالنسبة للخبزة هي عبارة عن عجينة البتزا العادية بس ما انحطش فيها دحي

ونزيد الها السكر واشوية بزار يلون العجينة

وانديرها اصابع نفتحها بالنص ونحط فيها اصبع تمر

ونمسحها بزلال بيض مع نسكافيه ونزينها بحبة البركة

ومرات نشكلها علي هيئة حلزون

ومبارك عليك الهدايا ،،، ومحلاها الهدية وين تكوني محتاجتلها
عندك عصارة برتقال من قبل ولا لا ؟؟؟

ايه والله صادقة .. لا ماعنديش عصارة البرتقال الحق عندي امتاعت الليمون

الليمون الكهربائية بس حتى نعصر بيها في برتقال

بس ياريت ما جابوا هالفوانيــــــــــــــــــس ،،، أكيد ع المولد !!!!!!!!!!

تعرفي يومتا نسمع في الشيخ اسامة علي قناة مصراتة يحكي

علي الاحتفال بالمولد النبوي بصراحة قال كلام منطقي واجاز الاحتفال بيه

وإن شاء الله لاباس علي أوخيك ،،، وعساها كفارة ،،،

ماتشوفي باس ياقلبي

شن مخططاتك في عقاب عالعطلة ؟؟؟؟

قبل امخططة او بالاحرى العيال يبو طبرق .. بس الحق اشفرنا عالاخر

والمشية تبي مصاريف والحق الحق تاعبة وتالفة وعندي برنامج مع الشيخ

المعالج لو مشيت غادي مش هنقدر اندير طقوسي هههههه

بس امبكري بعد الغدا قلت لراجلي خلينا ندهورو اهني في الجبل وخلاص

الحمد لله تمت علي خير .. وطيب منامك

[هدية الخالق]

فروسه صحتين البازين حتي أني امبارح درته عشي
وصدقتي الغربه أحسن مدرسة واحد يتعلم فيها كل شي والله كنت ما نعرف نديره البازين رغم إنه أهل زوجي من الأول قالولي تعلميه لأنه زوجي يحبه ومحروم منا من زمان
بوي جابلي شكارة كبيره دقيق وقالي يالله كل يوم بازين والله درته مره والا اتنين وعجزت ماجاش مني باهي تجي أمي تكمل فيه مني ولما تزوجت أول أسبوعين قعدتهم في ليبيا عزوزتي قاتلي تعالي ديري بازين جيت واني نرعش ههههه حركت شوي وعيت كملاته مني درت سبله قلتلها المغرف كبير أني واخده عالصغير نتعلم بيه الحق أني حتي احني جبت معاي واحد صغير ما نعرفش بالكبير
لكن توا الحمد لله وليت أسطى فيه هههههه

[اوشي]

المشاركة الأصلية كتبت بواسطة هدية الخالق

أوشي ماشاء الله تبارك الله عالعزومه ربي يعطيك صحتك ويسلم يدياتك
والف مبروك الهدايا وان شاء الله لاباس علي وخيك إن شاء الله بالشفاء عليه

الله يبارك فيك ياحبيبة .. وماتشوفي باس

انت شن اخبار بردتك واخبار سوما الشويطينة رد بالك منها راهي تزرق منك وماتفطنيلهاش

[اوشي]

هيا تصبحن علي خير

[هدية الخالق]

الله يسلمك أوشي الحمد لله باهيه اليوم أني
وسوما باهية قاعدة علي حالها وكان ما زايده أني مقعمزتلها وخلاص
امبكري طلعتها شويه للملعب جنبنا فرحت مسكينه وتجري هههههه بس ألجو صقع ما طولتش بيها بره شوي وخشينا

[هدية الخالق]

وانتي من أهل الخير أوشي
حتي أني سلامات تصبحو علي خير