تجمع سيدات ليبيا الغاليات..

[ام وسونة]

تسلمي ام فروسي وربي يحفظك

وتسلم اديداتك على التشيزات الحلوات

[sosolibya]

السلام عليكم ورحمة الله وبركاته ,, كيف حالكم كلكم حبيباتي وربي يحفظكم ويسلمكم..

فرووووووووسة حتى إحنا الجمعة عند إمتعيني مستحيل إلا بازين أو كسكسي ضرووووري ,,,

بس الجمعة هذه راجلي جايبحمة شوي وسمك حوووووووووت ,, فقلنا حيكون رزين لو درنا كسكسي أو بازين ,, فألأفضل ع المشاوي حاجة خفيفة ,, فكرنا في مكرونة صلصة بس مبكبة أحلى هلللللللبة وبس .....

وصحتين عالجميع..

وسامحوني بس مافهمتش كيف عصبان ومعاه مثلا رز يعني رز عصبان ورز ثان حسيته هلبة صح ,,

واللقطة متعتكم فروسة وأوشي جديدة علينا الحق متع من الفوق كسكاس عصبان ومن لوطة طنجرة وجبة ,, غريبة عليا ,, بس ممكن فيها نكهة صح..

والحق احنا يوم العصبان يكون عصبان عالمي يعني مش ضروري تكون معاه حاجة..


ومساء ألأنوار ياعسولات..

[sosolibya]

مقترح في قمة الروعة فروسة ربي يحفظلك زوجك..

جيجي إن شاء الله لابأس وراهو حتى قلة النوم ليها دور والله تزيد التعب ووجع الرأس خوذي بندول وربي يستر,,

أوشي كيف حالكم عزيزتي وسامحينا على التخويفة لكن والله مرات كويسة تخلي الواحد يتذكر وهكي,,
أنا الجمعة هذه نايضة ونستني في الشمس تظهر من الغرب..

اللهم إغفر للمؤمنين والمؤمنات المسلمين والمسلمات ألأحياء منهم ألأموات..

[sosolibya]

أم وسونة كيف حالك وحال المدرسة وحال البنوتات وبوهم..


أثري الحبيبة مشكورة عزيزتي وبارك الله فيك وحعله الله ي ميزان حسناتك.التوضيح يللي حطتيه . وطبعا أكيد نقلته لتعم الفائدة ..


هدهد ماتسحابيش نسيتك أنت الغالية أكيد كيف حالك وحال سوما وبوها وشن أخر حاجة شريتيها ,, قصدي نحس في مدينتكم مافيهاش هلبة محلات وهكي زي ماحكيتي مرة ونحسكم منطقتكم منطوية صح مش زي فروسة مدينتها عامرة ماشاء الله صح...

وكيف حال عيالك وشن جو خواتك العرايس حتى فروسة كيف حال خواتك العرايس

وأثري كيف حالك حفيدتكم العروسة حامل ولا (((هههههههه جو عزايز)) ربي يهنيها..

وين فيفي,,,

[dr.loly]

الله يسلمك ام وسوووونه ويحفظك يارب

[dr.loly]

يا مرحبا ب سوسو

منوره وينك الصبح

[dr.loly]

ايه نفس ماقالت اوشي كل ليبيا كسكسو يوم الجمعه هههه

بالنسبه لخواتي العرايس قاعدات يجهزن خلاص بأذن الله الفرح
ف شهر 9 وحجزوا الصاله حتي..

يستنوا ف جيتي عشان نختار معاهم الفيلوات وديكور

هنا ذويقات وشاطرات ماشاء الله لكن يثقن ف اختياراتي


وديما يقولن ان شاء الله نطلعوا نفسك ف فرحك


قتلهن النوره يوم الفرح خلوها بالنيه وعلى ربي

[dr.loly]

سوسو ما هكي العصبان عاداتنا مانقدروش نديروه بروحنا

خصيصا الشراقه مشهورين بالرز (ذو الحبه القصيره)..
رز ولحم.. سواء رز امحبب او بالخلطه مع امسير وعصبان
حتي ف عشاء الفرح للرجاله هكي لازم

لازم منهاااا مع وجبة العصيااان

الله يرحم اجديدتي كانت ادير فيه ع مرقة العصبان
لتوا نكهته مش ناسيتها وماما مرات اتدير فيه..
احياء لذكراها..


لكن عصبااان بروحها مايتقدمش

حتي عند عربي ف عيد الاضحي نطيبوا معاه ف

رز ع لحم

[sosolibya]

مشكووووووووووووورة فروسة على الطريقة وربي يحفظك ,, بس فيها شوية التباس ههههههه ماتحرجيش قصدي

نبي نفهم بعد الكبس كيف بنقليهم ماهو بيكسرو ولا كيف بالزبط.. والكبس علاش أصلا ..

وبجد مشكووووورة ,, ونبي نسأل الكريم شانتي تخلطوها مع القشطة ولا كيف أنا مرة جربت قشطة بس
ويبست وجت ناااااااااااشفة ولما سألت قالولي لأنه ماتجيش للطبخ وأكيد فيه نوعيه خاصة..

وحاجة ثانية أنا يللي ذايقتها في ألأردن تكون الحشوة ممممممممم رطبة وتتمغط وزي جبنة البيتزا

والنوعية الثانية تكون باردة عادية ومحشية كريم شانتيه وأنا يللي راغبتها هي يللي تكون الحشوة سخووووووونة وتتمغط..

وبارك الله فيك..

[sosolibya]

ربي ييسر لخواتك فروسة ويخليكي ليهن ,,

وخلااااااااص جيتي في خاطري الحق نبي صورة عرسك عالخاص مادخليش فيك..

وخصوصا إنك شرحتى إن الديكور على الذهبي نتخيل فيك مممم أكيد حلوة ههههههه

نتخيل في الديكور والكوشة ذهبي والفيلو سكري وذهبي
ومكياجك أكيد بين ذهبي وألوان البني وأكيد مع ألأحمر

والتسريحة راقية ومصبوغ وومميش على القهوي والذهبي هههههه شن رأيك...

وبالنسبة للصبح الضي كان هااااااااارب وبعدين لما جي لحقت درت غريبة روووووووووعة في الكوشة الكهربائية ومشيت زردت مع ماما وخالاتي في حوازتهم جنبنا مشت على رجليا ..