ديوانية البحرين - دردشة حوامل البحرين - البحرينيات

[طفلي حياتي]

ماعليش شر حبيبة اني قايله لش من زمان اخذي لكريم لو اخذتينه من زمان خفيتين الحين روحتش سألي الدكتوره عنه
موفقه

[rose soul]

مســـــــــــــــاء الخير ^_^ للجميع..بلا استثنااااء

فلونة..ما جوفين شر غناتي..ان شاء الله في عدوينج..اجر وعافية ان شاء الله
بالنسبة لحركة البيبي..انا بعد جذي..حتى اقول لزوجي .. بنتي مادري شفيها هالجمن يوم ما تحركت..واذا بحس بحركتها حركة بسيطة وتوقف..بس توه اليوم احس شوي بحركتها عدل ونشاطها..انا بعد قمت افكر..بس هونت على روحي يقولون في الاشهر الاخيرة تقل الحركة..وهذي اللي ريحني شوي

[rose soul]

شكله محد
انا برب على ما تييون :(

[شمس الصباح]

فلونة ما عليش شر اشربي الدواء ما اعتقد ان الدكتورة بتوصف ليش دواء وتعرف انه بيضرش وخلي عنش الوسواس

حبيبة حسونى تو الناس على المستشفى جان بعد انتظرتين أكثر ما ادري ليش ساكته للحين في الأساس الألتهاب مو زين لا ليش ولا للجنين طمنينا عليش وما تشوفين شر

اليوم حروف ام الكتاكيت ما ليها حس ان شاء الله تكون هي واليهال بخير

احلام أم مشكورة شكلي عورت راسش من الأسئلة خخخخخخ كأني توني أول أحمل بس لازم تتحملين لان أول حمل لي أسئل فيه عن كل شي اني من طبعي ما أسئل واترك أمري على الله

والله يسمع منش واولد هذا زوجي بس يسئل ويش اوديش ولادة خلاص قمت ما أشتكي قدامه ولا أقول لا اااي ولا غيرها شكلي بسوي مثل حنووون فيلم هندي بوصيه باليهال يمكن يسكت عني اشوي مع انه هو يقول انا بس أبغي أطمئن عليش وعلى البنوته وبرتاح بعدين.. قاعد يحاااتي كأنه هو بيولد مو أني

[rose soul]

لقد عدنا والعود احمد
هل من مجيب؟؟

[حنين للماضي]

السلام عليكم

نحن هنا ام بشرى

شموس المشكلة بيتكم بعيد عن منطقتنا واااجد جان مريت عليش ونمشي مع بعض
اليوم تمشيت في الشقة نص ساعى الحين عقب شوي بقوم امشي بعد
شسوي بعد احسن من ولا شيء
اني كلش ما في بوادر ولادة لحد اليوم
بيني وبينش اني ابغي اولد عقب تاريخ 15 (طرار ويتشرط) لأن اختي عندها امتحانات فاينل مابي اغربلها وازعجها معاي


حبيبة حسوني طمنينا عليش حبيبتي؟؟؟
اني عادي امشي بروحي ما اتملل مافيها شيء
بس ابو علوان يخاف علي يقول يمكن طحتي ومادري شنو سواها لي بحر في زيبق على قولة المثل
فقلت خلاص بمشي في البيت وامري لله

احلام ام لحد الآن تستخدمين الابر؟؟؟
ربي يثبت حملش وتقومين بالسلامة
على فكرة اني يوم كنت في الاسبوع 17 عرفت شنو فيني
انتي لحد الآن ما عرفتي صح؟؟؟

حروف وحشتني سوالفش
عبسي وزنوب شاغلينش عدل
يااااااارب يخليهم ليش ويتربون في عزكم
تعالي صحيح شخبار عباس الحين؟؟
قبل جم من يوم قلتي سويتي له بخار مادري شنو هاي شلون يسوونه يمكن احتاج اسوي بعيد الشر عن علوان

طفطف وفتوت وبنوتة وبنت الاياويد وام خليل وفرح عمري و ام امل و روز 2 وام السادة شخباركم حبايبي؟؟

فلونة حبيبتي ماجوفين شر
صدق احس الالم جاي ليش مو في وقته
بس بعد شتسوين ربي يشافيش وتفتكين من هالالم
طمنينا عليش عمري

بروح اسمع سيد محمد الصافي في قناة بلادي
محاضرات ونعي هالرجل شيء عجيب

[rose soul]

هلا هلا حنون ام علاوي..ام الافلام الهندية هههه
من دشيتي التاسع..ما تدخلين الا بس شوي..بس نجوف آثار اقدام خخخ

[حنين للماضي]

المشاركة الأصلية كتبت بواسطة rose soul

هلا هلا حنون ام علاوي..ام الافلام الهندية هههه
من دشيتي التاسع..ما تدخلين الا بس شوي..بس نجوف آثار اقدام خخخ

هههههه
اني وهالزوج ماتخلص افلامنا الهندية
اجوفينا ساعة ضحك وساعة فار وسنور يعني انوع الله يسلمش ونكسر الروتين

الله يسلمش اني انشغلت بالتوزيعات و تجهيزات المستشفى وبيت ابوي
يعني صدق تعبت قلت جان زين خلصت اموري من الثامن
بس الحمدلله الحين كل شيء كملته وصكيت كل الشنط ما باقي اله علوان يشرف

بس نصيحة مني لكم كل ماتخلصون اغراضكم وتجهيزاتكم من قبل احسن
اني حمدت ربي مليون مرة اني كنت مكملة المشتريات

[rose soul]

حنون..اي حلو التنويع هههه
يلا اهم شي افتكيتي من اغراضج كلهم
بس الحين احس الانتظار ممل
بس الحين وين ناوية تولدين ان شاء الله؟؟

[حنين للماضي]

ان شاءالله بروح جدحفص
اختي وكل الاهل ولدوا هناك واني بكمل المشوار بعد
ربي يسر للجميع

انتي قلتي بتروحين السلمانية صح؟؟