حبيباتى سيدات ليبيا تفضلو لأعرف ما حالكم

[جوهرة ليبيا]

مشكوره ام فراس ياغاليه

حتي انا نستعملها في البوده المعقمه ومطهر

واليوم الحمد لله احسن

شكلهم في المصحه ماداوهاش ابدا

اليوم صدااااع رهيب ناخد في البناول الازرق وخلاص مع المضادات والقلوفيد

[هدية الخالق]

السلااااام عليكم
كيف حالكم
فروسة واوشي صحيتوا حبيباتي حسيتوا بيا وبموقفي امس راجلي قاللي نوضي صلي في الليل وادعي انه يتأجل العرس ههههههه قلتله كان يسمعوك العرسان
المهم اني الحمد لله مش متأثرة هلبة قلت شني مافاتني كان هالعرس اصلا اغلب اعراس العيلة والاقارب فاتوني الله غالب فيه خيرة
جيجي حبيبتي لاباس عالبنوتة ولاباس عليك معليشي كله باجره وعلى قولت اختي كلمة ماما ماتجيش بالساهل ومنقولك عالسرة والله مايهلك فيها كان التلبيز الزايد اني في بنتي اهني ماعطوني شي بكل قالولي ماتوصليلهاش امية وحافضي عليها حافة فقططط والحمد لله جفت بسرعه وماتعبتهاش
لكن جارتي ليبية مابتش تسمع كلامهم وجايبة معاها مرهم من ليبيا وبودرة ومش عارفة شني وكل يوم تلبز لولدها في حاجة مسكين سرته تعباته وطولت باش طاحت الافضل تخليها طبيعية تجففيها كويس بعد الدوش وتهويها بس

[هدية الخالق]

فروسة وينك خلعتينا ماانقطعش النت ههههههه
امس قلتها لراجلي ماصدقنيش واني نأكدله في الخبر مشي قاللي خلاص غدا لناظره قريب تو نشوفوا
اليوم باهي شكله نسي ماعلقش عليا

[dr.loly]

السلام عليكم ورحمة الله وبركاته

[dr.loly]

جيجي باه لي بنوتك افضل سرتهااا توا..
البودره كويسه بروحها ومامنها مضره ان شاء الله.. عن نفسي استخدمتها ومن نصائح الماما طبعآ
في فراس هي لي جابتها ليا عشان الطهارة والسره بالمره وبعدها جابت سلفتي بنوته واستعملتها وفاداتها نفس مافادتني

وفي طبعآ المسحة الطبيه (الكحول كتعقيم ) طبي وصحي

بس الافضل استخداام شئ واحد للمولود

والصداااع ايوة كويس البانادول الازرق بم انك مرضعه الان يعني..

وحتي البابونج بالكمون الحلو اي اليانسون كويس لكي توا وكويس حتى لتهدئة الصاع اجمل شراب لما بعد الولاده

وان شاء الله حالك افضل

[dr.loly]

هدية هههههههه حتي نا اول مانضت فتحت لقيته يعلق بسرعه عرفته مش ح ينقطع

والله هذا كلامهم هم شركة اتش ب العالمية قالو في تصليحلات كوابل بالبحر وحنقطع ع العالم كله الظاهر لقوا حل للانقطاع خخخخخخ



اهم شئ ان ماقطعوش

[sosolibya]

السلام عليكم كيف حالكم


مسااااااء الصقععععععععع بس تعرفو برا شميسة دااااااااااااااافية

[sosolibya]

أخواتي الغاليات تم تعديل الروابط

لمن وجد صعوبة في فتح الروابط للتصويت..





التصويت .. لمسابقة حقيبة العروسة المتكاملة..

[هدية الخالق]

السلام عليكم كيف حالكم
اوشي حبيبتي منتعبك تقوليلي وصفة خيط الحرير لوقف النزيف
غير مرت خالي مسكينة عندها تلاتة اولاد وقعدت خمسة سنين ماحملتش وتوا حملت وفرحانة لين خلاص هي وراجلها لكن اليومين هدين عليها نزيف وقالتلها الدكتورة انه كيس الحمل صغير كأنه في الشهر الاول وهي في الشهر التالت
قالت كان نزل عوضي على ربي غير خايفةمن عملية التنضيف اتعب يستر الله وخلاص
بالله كان ماخشتش اوشي شموسة والا وحدة من البنات كان مذكرات الوصفه قولولي عليها شن بيدورلي بين الصفحات

[هدية الخالق]

وينكم يابناويت ماخش حد منكم من امس معقوووووولة
زعما قاطعين عليكم النت والا قلة فضوة بس
نكلم في سلفتي عالفايبر امس قاتلي قطعوا علينا النت شوية
شكلي بنقلب بين الصفحات على وصفه خيط الحرير والله غالب
سلااام