دردشة حوامل مصر - دردشة بنات مصر - تجمع حوامل مصر

[رنا خالد]

ربنا يثبت لك حملك ياسميه وبفرح عينك بشوفته او شوفتها
ويعدي فتره حملنا دي علي خير بدون اي مشاكل
قولوا امين

[somia]

رنا يا بنتي كل اللي بتقوليه ده عادي وطبيعي في اي بيت بس انتي متاخديهاش على اعصابك عشان البيبي عارفة انا بريح نفسي وانام اول ما احس الدنيا ابتدت تولع مع انه غلط عليا لاني اما بنام مضايقة ساعات بقوم ايدي متشنجة بس ده احسن مليون مرة من المهاتاه والخناق

[يارا ويوسف]

المشاركة الأصلية كتبت بواسطة somia

يارا والله يا بنتي الدم ساعات وساعات يعني انا لسة نازل عليا تاني امبارح كانت بطني قالبة فوانا برجع كحيت بالجامد وحسيت بيه بينزل مني .. دعواتكم معايا ربنا يسترها ويثبت حملي

ربنا يتملك حملك على خيير ومتقلقيش اهم حاجة بس انك متعمليش اى مجهود زيادة

[MALAK2010]

بصى يا رنا انا حاسة بيكى لان اغلب الكلام اللى بتقولية انا مريت بية
بصى ماتزعليش من كلامى
اولا انتى غلطانة فى غيرتك علية من اهلة لان اللى مالوش خير فى اهلة مالوش خير فيكى انتى بتقولى انة مزودها ومالة شوية شوية الدنيا هتشغلة بيكى وبولادة فالموضوع مش هيبقى بنفس الصورة الوقتى
انتى اتقربى لاهلة انتى كمان واعملى زية ومش بس كدة لاء اذا فاتة حاجة بالنسبة لواجبة ناحية اهلة تفكرية بيها
صدقينى هيطمنلك اما هو ممكن يفهمك غلط الوقتى لان الرجالة بيبقوا حافظين قبل الجواز انة لما يتجوز هيبعد عن اهلة او ان مراتة هتبوظ العلاقة اللى بينة وبين اهلة فتقدرى تشيلى لو حاطط كدة فى دماغة بقربك من اهلة وبعدين دى صلة رحم

واحمدى ربنا ان الموضوع واقف على اهتمام وسؤال وبس فى ناس مضيعة فلوسها كمان على اهلها حتى لو مش محتجين

ثانيا انتى عصبية وهو عصبى لازم تهدوا شوية علشان نفسكم وعلشان حياتكم وصدقينى العصبية بتجيب غلط وكلام مالوش لازمة بيفضل ياثر فى الواحدة حتى لو اتصلحوا فشوفى اية اللى بيسبب مشكلة وابعدى عنها يا حبيبتى حاولى ماتتكلميش لغاية ما يهدى وتناقشوا مشاكلكم بهدؤ بعد ما تهدوا

[somia]

انا مبعملش اي مجهود أصلا بس المشكلة اني بتعب من أقل حاجة ده حتى الصلاة بنهك فيها قوي مع اني يادوب الفاتحة والاخلاص وبركع الا اني ببقى عامله زي اللي كانت بتجري سبق.. دعواتكم معايا ربنا يسهلي حملي ويتممهولي على خير

[MALAK2010]

وعلى فكرة انتى بتقولى انة ممكن يصحى مضايق ممكن تكون فى حاجة مزعلاة ممكن اهلة يكون عندهم مشكلة او حاجة وهو مش عاوز يقولك فى رجالة مش بتدخل مراتهم فى مشاكل اهلة
طبعا لازم تحسسية انك عاوزة تعرفى مالة واذا مارداش ماتضغطيش علية حاولى تطلعية من المود دة مش تعملى مشكلة علشان مش راضى يقول

[رنا خالد]

والله ياملك معاكي حق بس صدقيني اصعب حاجه ممكن تحسيها انك تبقي خايفه علي زعل حد وهو مش فارقه معاه وبيتغير كل ساعه في معاملته معاكي
يلا الحمد لله انا لما بتضيق في وشي بقوم اجيب المصحف واقرأ فيه او اصلي ركعتين

[MALAK2010]

سمية:الف سلامة عليكى ويااااااااااااااااارب يثبت حملك ويكملك على خير

انا بيجيل مغصة جامدة من تحت مش عارفة دى اية ربنا يستر

[رنا خالد]

معلش ياجماعه ضايقتكوا بمشاكلي انا اسفه بس انتوا زي اخواتي
وانا ماليش اصحاب حتي اتكلم معاهم او اخد رأيهم
ومن حسن حظي ان انتوا اصحابي واني اتعرفت عليكم علي المنتدي

[MALAK2010]

بصى يارنا انا اعرف واحدة جوزها متجوزها وماكنش بيحبها مش بيكرها بس مش بيحبها
بس هى بتهتم بية اهتمام مبالغ فية واذا زعلها هى اللى تصالحة وتبوس فى ايدية وانى بس يرضى عنها وتعرفة ان هو دنيتة كلها وان حياتها هتقف من غيرة وكلام زيااااااااااااااااادة
بس علطول بتحكيلة عن حبها لة وهو كان مش فارق معاه تزعل تفرح بسالوقتى ماشاء الله بيموووووووووووووت فيها ويخاف عليها فى بنات شاطرة تعرف تعبر عن حبها وفى ناس عندها كرامتها فوق راسها ههههههههههه فمش بتوصل لنفس نتيجة الاولى